အဖေ့ကျေးဇူး

သားသမီးအတွက်ဆို

ခွန်အားကိုသုံး

နွားတကောင်လို ရုန်းပြရမလား

လက်သီးလက်မောင်းတန်း

အမှားအမှန်မခွဲခြား

လောကကြီးကို စိန်ခေါ်လိုက်ရမလား

လိုအပ်မယ်ဆိုရင်

သူစားမယ့်ထမင်း သားသမီးကိုကျွေး

သားသမီးတွေပျော်ရင် သူလည်းပျော်တယ်တဲ့

သားသမီးတွေ ဗိုက်ပြည့်တာ သူဗိုက်ပြည့်တာပဲတဲ့လေ…….။

ချိုသာတဲ့ စကားလုံးတွေနဲ့

သာသမီးတွေကို ဆုံးမခဲ့ချင်ပေမယ့်

မရတဲ့အဆုံး

သူ့မျက်နှာကို မုန်တိုင်းအသွင်ဖန်ဆင်း

တုတ်တစ်ချောင်းကို လက်မှာကိုင်လို့

အမုန်းတွေကို ခံယူ

သူ့ရင်ထဲမှာတော့ အတိုင်းအဆမရှိ ကြေကွဲလို့နေပါသတဲ့လေ……..။

ဘယ်လောက်ဆိုးဆိုး ဘယ်လောက်မိုက်ခဲ့မိုက်ခဲ့

ပတ်ဝန်းကျင်ရဲ့ ကဲ့ရဲ့ပြစ်တင်သံတွေနဲ့ အကြည့်တွေကို

ခေါင်းကိုငုံ နားကိုပိတ်

အားလုံးကို ခွင့်လွတ်

လမ်းကြောင်းမှန်ပေါ်ရောက်အောင် ခွန်အားတွေပေး

သားသမီးတွေကို ပြုံးပြခဲ့တာလည်း ဒီ ဖေဖေ ပဲ………………။

ဘာမှရယူခြင်းမရှိတဲ့ ပေးဆပ်မှုတွေနဲ့

ပေးဆပ်ခဲ့တဲ့ အဖေ့ မေတ္တာ ဂုဏ်ကျေးဇူး

…………………အန န္တ ပါ ဖေဖေ………………………………………။

မှတ်ချက်။  ။ လောကမှာရှိတဲ့ အဖေ အာလုံးကို မဆိုလိုပါ။