ထူးထူးခြားခြားအိပ်ရာခင်းများ

ဥပုံစံ အိပ်ရာခင်း
အိပ်ရာခင်းအသစ်ပေါ်မှာ ဥတွေ ကျကွဲ နေသည့် ပုံစံမျိုး ဖန်တီးပြုလုပ်ထားသည်။ ခေတ်မီပြီး အိမ်၏ အသွင်အပြင်ကို အနုပညာ အလှဖြင့် ဖမ်းစားနိုင်အောင် လှုံ့ဆော်နိုင်မည့် အနေအထား ဖြစ်သည်။ ဖန်တီးသူမှာ ဗာလင်တီးနားအက်ဒရီတို (Valentina Audrito)
ဆိုသူ ဖြစ်ပြီး ယင်းကို သားရေစ သို့မဟုတ် ဥအနှစ်များကိုပါ သဏ္ဌာန်လုပ်
သရုပ်တူအောင် ဖန်တီးပြုလုပ်ထားသဖြင့် တကယ်ဥအိပ်ရာခင်းဟုပင် ထင်မှတ်ရသည်။

အနာကပ်ပလာစတာပုံစံ အိပ်ရာခင်း
ဖန်တီးသူ ရီကာဒိုဇာမားရ်ကို့စ် (Ricardo Garza Marcos) အနာကပ် ပလာစတာပုံစံ အိပ်ရာခင်းအနေအထား ဖြစ်သည်။

ရေညှိ အိပ်ရာခင်း
လတ်ဆတ်သော မြက်ခင်းပေါ်၌ ခြေဗလာဖြင့် လမ်းလျှောက်ခြင်းကြောင့် သွေးလည်ပတ်မှုကောင်းစေသည်ဟု လူအများက ပြောကြရာ ပန်းခြံတစ်ခုသို့ သွား၍ ပြုမူနိုင်သော်လည်း ယင်းသို့ မတတ်နိုင်သော သူများ အတွက် ငုယင်လာချန်း
(Nguyen La Chanh) ဆိုသူ ဖန်တီးပြုလုပ်ထားသော ရေညှိအိပ်ရာခင်း
ပေါ်ထွက်လာသည်။ မိမိထားစေချင်သည့်နေရာတွင် ထား၍ရသည့်အပြင် ရေချိုးခန်း
ကဲ့သို့သော နေရာမျိုးတွင်လည်း အဆင်ပြေစွာ အသုံးပြုနိုင်သည်။ ရေညှိလုံး၊
ကျွန်းရေညှိ၊ သစ်တောရေညှိ စသည်ဖြင့် မျိုးစုံ ဖန်တီးထားသည်။

သွေးရောင်လွှမ်းသည့် အိပ်ရာခင်း
လန်ဒန်တောင်ပိုင်းတက္ကသိုလ်မှ အင်ဂျင်နီယာ ကျောင်းသားနှစ်ယောက် ဖန်တီးပြုလုပ်လိုက်သည့် အိပ်ရာခင်း ဖြစ်သည်။ အထူးသဖြင့် မီးစုန်းဓာတ် အမှုန့်များကို အဆိုပါအိပ်ရာခင်းအတွင်း ထည့်သွင်းထားသော မီးလုံးများထဲတွင် ထည့်သွင်းထားသဖြင့် သွေးရောင်လွှမ်းသော
အိပ်ရာခင်းကို တွေ့မြင်ရခြင်းဖြစ်သည်။ LED မီးသီးများကို
ထည့်သွင်းအသုံးပြုထားသဖြင့် ယင်းအတွက် လျှပ်စစ်ဓာတ်အား
ပြန်လည်အားသွင်းပေးမည့် စနစ်ကိုပါ ထည့်သွင်း ထားသဖြင့် အခင်းရော၊ အမိုး၌ပါ
ရွေးချယ်အသုံးပြုနိုင်သည်