ချစ်လှစွာသော….အမုန်း
SawAung2016 အစမှာ မြန်မာ့ရုုပ်ရှင်လောကဟာ အနည်းငယ်ပြောင်းလဲ လာခဲ့ပါပြီ။
မြန်မာဗွီဒီယိုလောကဟာ အပျက်ဘက်ကို ဦးတည်လာတာ တော်တော်များများ သိခဲ့ကြပြီး နောက်ပိုင်းမှာ ဗွီဒီယိုလောကဟာ
ပျက်စီးသွားမယ်ဆိုတာ ကောက်ချက်ချထားကြပါတယ်။ သည်လိုနဲ့ ရုပ်ရှင်ဘက်ကို အချို့ချို့ဟာ ဦးတည်လာခဲ့ကြပါတယ်။
ပေါပေါလောလော စိတ်အပန်းဖြေ ဟာသဘက်ကို ဦးတည်လာတဲ့ ရုပ်ရှင်ဟာ အရင်ကနဲ့မတူ ဒရာမာ နဲ့ အခြား ဇာတ်လမ်းမတူတာ
လေးတွေကို ချပြလာတာတွေ့ရပါတယ်။ မြန်မာ့ရုုပ်ရှင်နဲ့ အလှမ်းကွာဝေးခဲ့တဲ့ ကျတော်ဟာ 2015ခုနှစ် ဆန်ကာတင် ဇာတ်ကားထဲ
မှာ ပါလာတဲ့ “တိုက်ဆိုင်မှု ရှိလျှင်” ဆိုတဲ့ ဇာတ်ကားက ပြန်လည် ဆွဲဆောင်ခဲ့ပါတယ်။
2016 အစပိုင်းမှာ ပြန်လည် ဆွဲဆောင်ခဲ့တဲ့ ဇာတ်ကားတစ်ကားကတော့ “ချစ်လှစွာသော … အမုန်း” ဆိုတဲ့ ဒရာမာ ဇာတ်ကား
တစ်ကားပါ။
အောင်ရဲလင်း ၊ ဇင်ဝိုင်း ၊ သက်မွန်မြင့် ၊ ဝတ်မှုန်ရွှေရည် တို့ အဓိက ပါဝင်သရုပ်ဆောင်ထားတဲ့ ဇာတ်ကားပါ။
မြန်မာရုပ်ရှင်ကားတွေထဲမှာ မင်းသား ဇာတ်ရုပ်အနည်းငယ်သာ ပါတဲ့ ရုပ်ရှင်ကားတစ်ကားဆိုရင်တော့
ဒီဇာတ်ကားကို ပြရမှာဖြစ်ပါတယ်။
ဂါမဏိ ဆိုတဲ့ သင်္ဘောသားလေးအဖြစ် -အောင်ရဲလင်း-
-အမုန်း- ဆိုတဲ့ ကောင်မလေးအဖြစ် -ဝတ်မှုန်ရွှေရည်-
-မိုးစက်မေ- ဆိုတဲ့ ကောင်မလေးအဖြစ် -သက်မွန်မြင့်-
-မိုးစက်မေရဲက ဖခင်အဖြစ်- -ဇင်ဝိုင်း-
ဝတ်မှုန်ရွှေရည်ကို အရင်ကတည်းက သိပ်မကြိုက်ခဲ့ပေမယ့် ဒီကားမှာတော့ ချီးကျူးမိလောက်အောင်တော်ပါတယ်။
ဝတ်မှုန်ရွှေရည်ဟာ ဇာတ်ကားတစ်ကားလုံး တအားကြိုးစားသရုပ်ဆောင်ပါတယ် တော်ပါတယ်။ ဒါပေမယ့်
သက်မွန်မြင့် ရဲ့ သရုပ်ဆောင်ချက် တစ်ခန်းနှစ်ခန်းကို မမီနိုင်အောင ်သက်မွန်မြင့်က ပိုတော်လွန်းလှတာတွေ့ပါတယ်။
ဇာတ်ကားကြည့်ပြီးအပြန်မှာတော့ အိမ်သာဝင်ရင်း ကောင်လေးအချို့ပြောသံကြားခဲ့ရပါတယ်။
— ဘယ်ကားမှာမှ မငိုဖူးဘူး ဒီကားမှာတော့ ဝတ်မှုန်ရွှေရည်နဲ့သက်မွန်မြင့်ကြောင့် ငိုခဲ့ရတယ်– တဲ့။
မင်းသမီးနှစ်ယောက်ဇာတ်မို့ ဝတ္တုလည်းကောင်းသလို ဝတ္တုကို မီတာ ဒီဇာတ်ကားသာရှိသေးသလားလို့ ကျတော်မှတ်ချက်
ချမိပါရဲ့။
လေးစားစွာဖြင့်
အောင်မိုးသူ
11 comments
ယမကာကျော်စွာ အူးမြောက်မြောက် (B.E)
January 12, 2016 at 12:21 am
ကျိချင်လိုက်တာတော်
alinsett
January 12, 2016 at 9:54 am
အဲ့ ချစ်လှစွာသောအမုန်းကို ဇာတ်လမ်းဇာတ်အိမ် ကြားပြီးကတည်းက… သိပ် ကြည့်ချင်စိတ်မရှိတာကြောင့်
မကြည့်ဖြစ်ဘူး..။
ဟိုတလောကလေးတင်… ကြည့်မိတဲ့ နိုင်ငံခြားဇာတ်လမ်းတစ်ခုကိုတော့… ဗမာ မင်းသား မင်းသမီးတွေ ပြန် ရိုက်ကြစေချင်နေတယ်။ နာမည်က … The Gigolo
http://www.channelmyanmar.comမှာ ညွှန်းထားတာက ဒီလိုလေး…
အဲ့ဇာတ်ကားကို.. ဗမာသရုပ်ဆောင်တွေ ရိုက်ရင်… ကြည့်ဖြစ်အောင် ကြည့်အုန်းမယ်။
—————————
https://www.youtube.com/watch?v=8v7j7VJTErE
အောင် မိုးသူ
January 12, 2016 at 12:23 pm
သရုပ်ဆောင်တွေရဲ့ သရုပ်ဆောင်ပုံကိုကြိုက်တာ
Myat Pearl Phyu
January 12, 2016 at 2:40 pm
ရုံးပတီသီးလေးများပဲ ကြည့်ခဲ့လိုက်တယ်..ဟာသကားလေးဆိုတော့ ပေါ့ပေါ့ပါးပါးရီလိုက်တယ်လေ..။
အောင် မိုးသူ
January 12, 2016 at 3:23 pm
ရုံးပတီသီးတော့ ကြည့်ချင်ပု
အရင်ကကျော်စွာဦးကြီးမိုက်
January 12, 2016 at 3:26 pm
.ဗမာကားမကြည့်ဖြစ်တာကြာပီကွာ :))
ဇီဇီခင်ဇော်
January 12, 2016 at 4:04 pm
အဲဒါ လမင်းမိုမိုလား
ပုညခင် ဇာတ် လားးးး
သိသလိုလို မသိသလိုလို။
🙄
alinsett
January 12, 2016 at 4:31 pm
ပုံညှခွင် တဲ့ မမဂျီးရေ
အောင် မိုးသူ
January 13, 2016 at 9:17 am
ပုညခင်ပါ မကြီး။ ဇာတ်လမ်းက အရမ်းအကောင်းကြီးမဟုတ်ပေမယ့် သရုပ်ဆောင်တွေ တော်လို့ပါ။
alinsett
January 13, 2016 at 9:59 am
http://www.goldennets.com/2015/05/blog-post_26.html
.ဒေါင်းရန်…. http://www.solidfiles.com/d/6566e0cb19/
ချစ်လှစွာသောအမုန်း(ပုညခင်) pdf
ဇီဇီခင်ဇော်
January 13, 2016 at 10:12 am
ကျေးကျေး ဆက်ဆက်
ဖတ်ကြည့်အူးမယ်
:chit: