ေမ့…လပြည့်ဝန်း
moonpoem အိမ်က အစ်ကို လူပျိုကြီး သီချင်းညည်းနေသည်။သူ ့ကိုမှ
ချစ်မိနေပါတယ် မျက်စိထဲ တဝဲလည်လည် တူနယ်တဲနယ်ဆိုသော တွံတေးသိန်းတန်၏ ဖိုးလမင်းကို အောင်သွယ်ခိုင်းရမယ် သီချင်းဖြစ်၏။မွန်းပိုအမ် ဘဝင်မကျသဖြင့် ဆက်မဆိုရန် မေတ္တာရပ်ခံလိုက်သည်။
အဘယ်ကြောင့်ဆိုသော် လေခွန်ကောက်နေသော မြန်မာပြည်တွင် ဖိုးလမင်းလည်း အရင်ကလို အောင်သွယ်ချင်တော့မှာ မဟုတ်မှန်း သိနေခြင်းကြောင့် ဖြစ်၏။
သည်တွင် အစ်မ အပျိုကြီးကတစ်စခန်းထလာပြန်သည်။ထမင်း
ဆီဆမ်းတွေပေးပါနော် ရွှေလင်ဗန်းကြီးနဲ့ကွာ ဘာညာဘာညာဆိုသော လေးလေးဝါး သီချင်းကို ဆိုနေခြင်း ဖြစ်သည်။မွန်းပိုအမ် ရင်ထဲတွင်လမင်းကြီးအတွက် စိတ်မကောင်းသဖြင့် အငယ်ပီပီ ပြောရပေဦးမည်။
အပျိုကြီးအား ဆန်ဈေးကကြီး ဆီဈေးကကြီးရတဲ့အထဲ ရွှေလင်ဗန်းနဲ့ပါ အဆစ်တောင်းတာသည် မဖြစ်သင့်ကြောင်း။လပေါ်တွင်ဝပ်နေသည်
့ယုန်တောင်ထမင်းတစ်နပ်လျှော့စားနေရတာ သနားစရာကောင်းလို့ ဆက်မဆိုသင့်ကြောင်း ပြောလိုက်ရပြန်သည်။
သူတို့နှစ်ယောက်က လအကြောင်း ဆိုကြတော့ မွန်းပိုအမ်လည်း လအကြောင်းညည်းမိသွားသည်။လရောင်ထဲ ကိုယ်လမ်းလျှောက်ချင်တယ် ဘယ်ကိုရောက်နေလဲ မသိတော့ဘူးကွယ်ဟူသော ထူးအိမ်သင်၏ သီချင်းတစ်ပုဒ် ဖြစ်သည်။
ထိုအချိန်တွင် ဝုန်းဟူသောအသံကြားရပြီး အသံလာရာ
ကြည့်သောအခါ လနတ်သားဖြစ်နေသည်ကို တွေ့ရသည်။သူက မွန်းပိုအမ်ကို သတိလာပေးခြင်း ဖြစ်သည်။လရောင်ထဲ လမ်းမလျှောက်သင့်တော့ကြောင်း။အဘယ်ကြောင့်ဆိုသော် ဟိုးတလောက မြန်မာပြည်မှ ဟန်နီးမွန်းလာသွားသော ချမ်းမီမီကိုတို့ စုံတွဲမှ သတိပေးပြောသွားကြောင်း။
အကြောင်းမှာ လပြည့်ညတွင် မြန်မာတစ်ပြည်လုံးထိန်လင်းနေသည့်
အတွက် လမင်းကြီးအား ဇွန်လ၁ရက်နေ့ နယုန်လပြည့်နေ့မှစပြီး အစိုးရမှမီတာခွန်ကောက်မည့် အကြောင်း သိလိုက်ရရျ်ဟု ဆိုလေသည်။
ထို့နောက် လနတ်သားသည် တောင်တောင်အီအီ ဟိုရောက်
ဒီရောက် ပြောပြီး သီချင်းတစ်ပုဒ်ကိုညည်းကာ ထွက်သွားတော့သည်။ထိုသီချင်းကို သံစဉ်သိသော်လည်း သီချင်းစာသားက မတူ။
ထိုသီချင်းသည်ကားးး
ဒီလမ်းထဲကို နောက်တစ်ခါ ဘယ်တော့မှ မလာတော့ဘူး
မြန်မာပြည်ထဲကို နောက်တစ်ခါ ဘယ်တော့မှ မလာတော့ဘူး
အခွန်ကောက်ပြီး ဘာမှမလုပ်တဲ့ လူတွေနဲ့ မပတ်သတ်ချင်တော့ဘူးးဟူရျ်သာ။
12 comments
အောင် မိုးသူ
May 21, 2015 at 3:43 pm
အခွံတွေပါကောက်ခိုင်းရမယ်။ ဟိဟိ။
Alinsett @ Maung Thura
May 21, 2015 at 3:50 pm
အခွန်ကောက်ပြီး ဘာမှမလုပ်တဲ့ လူတွေ..ဆိုတဲ့စကားနဲ့ သူတို့နဲ့ ထိုက်တန်တယ်ဗျ…
မီတာခတွေသာ ပြည်သူဆီက အားကိုးတကြီး ကောက်ခံတယ်..
မီးကျ မလာဘူး..
လာလည်း အားမပြည့်ဘူး…
လမ်းမှာလည်း ဓါတ်ကြိုးအစုတ်တွေချည်းပဲ…
ဖုန်းဘေလ် အခွန်ကျတော့ ကောက်မယ်.. ဖုန်းလိုက်းကျတော့ မကောင်းဘူး..
.ဟဲလို..ဟဲလို.. ကြားလား ကြားလား..နဲ့ပဲ….တစ်မိနစ် ငါးဆယ် ပေးပြီး မေးနေရတယ်..
တိုင် ပျောက်နေတဲ့နေရာတွေလညိး တပုံကြီး..
.ဒါနဲ့မျာေးတာင် ရှေ့သို့ လှမ်းချီဦးမတဲ့…
.လေလုံးထွားခြင်းသာ တတ်နိုင်စွမ်းသူတွေကိုသာ လေခွန်ကောက်ရစတမ်းဆို…..
.ပြည်သူဆီက အခွန် အခကို အားကိုး မှီတည်နေပြီး. ပြည်သူ့ကို ထိုက်တန်တဲ့ ဝန်ဆောင်မှုတွေ
.ပြန် မစီစဉ်ပေးနိုင်တဲ့ စေတနာမပါသော …အုပ်ချုပ် စီမံ ခန့်ခွဲမှုတွေကို ရွံပါသီ
ထွီ
ခင်ဇော်
May 21, 2015 at 3:56 pm
ပြော မရ
ပိုက်ဆံ မဟားးဒယားးလိုနေတဲ့ အစိုးးရ က ဒီပို့စ် ဖတ်ပြီးး အိုင်ဒီယာ ရသွားးမှဖြင့် …!!
😥
စည်းနဲ့ ကမ်းနဲ့ လစ်ဘရယ် ယောကျာ်း
May 21, 2015 at 4:04 pm
လင်မယူသေးတဲ့ အပျိုတွေအကုန်
အမျိုးသားရေးတာဝန် ပျက်ကွက်မှုနဲ့ ဒဏ်ရိုက်ဗျာ
🙂
မြစပဲရိုး
May 22, 2015 at 5:46 am
ရီလိုက်ရတာ မေ ရယ်။
. တွေးမှ တွေးတတ်ပလေ။
လနတ်သား ကို မေးပေးပါ။
။မြန်မာပြည် ကို မလာရင်နေပါလို့။ အဲ့ ကို များ လာလို့မရဘူးလားလို့။
အမယ် ။ အဟုတ်နော်။
တကယ်ရှိချင်ရှိနေမှာ။
တစ်နေ့က သတင်းတစ်ပုဒ် ထဲ နာဆာ ကနေ ရိုက်တဲ့ဓာတ်ပုံထဲ မှာ နတ်ပြည် လိုမျိုး ကို တွေ့ဆိုဘဲ။
ဘယ်သူတွေ ဘယ်လောက်ယုံဦးမယ်မသိ။
lol:-)))))
ဂျက်စပဲရိုး
May 22, 2015 at 8:06 am
အရီးရေ ပြောမနေပါနဲ့တော့
လူတွေ ယုံလွယ်တာကို အဲ့လောက် စိတ်မဆင်းရဲဘူး
ဒီလောက် လှောင်ပြီး ရေးထားတာကိုမှ ယုံကြ ရှဲကြတဲ့လူတွေကို ကျတော့လဲ
ဦးနှောက် မပြည့်လို့များလားဆိုပြီး သနား မိသား
(စနစ် မကောင်း အစိုးရ မကောင်းလို့ဘာာာ 😛 )
Scientific Buddhist ဆိုတဲ့ ပေ့ချ် က ဂလို ရေးသဗျ။
အဲ့ဒါကို ယုံကြ ရှဲကြ
ဂျာနယ် ထဲတောင် ရုပ်တည်ကြီးနဲ့ သတင်း အခန့်ကြီး ထည့်ရေးတဲ့ လူက ရှိသေး
လှောင်ပြီး ရေးတာ မဟုတ်ဘူးနော်..
အတည်အတန့်ကြီး ရေးနေတာ
အဲ့ဒီ ပေ့ချ် ကို ရီပို့ထ် ထု ကြပါ ဆိုပြီး campaign လုပ်တဲ့ လူတွေကလဲ မနည်းမနော (ရှက်ရမ်းရမ်းတာ နေမယ်)
Ma Ma
May 22, 2015 at 9:16 am
မွန်းပိုအမ်ရဲ့ Satire ရေးဟန်ကို သဘောကျတယ်။
အဲဒါ မွေးရာပါ အရည်အချင်းပဲ၊ လူတိုင်းမရေးနိုင်ဘူး။
Bravo! 🙂 🙂 🙂
moonpoem
May 22, 2015 at 11:37 am
လနတ်သားတင် မဟုတ်ပါဘူးေြ မစောင့်နတ်ရော လေစောင့်နတ်ရော စိတ်ညစ်နေကြပြီရယ်။မြေခွန် လေခွန်ကောက်ပြီး တစ်ပြားမှ မရလို့တဲ့။ 😛
kai
May 22, 2015 at 3:59 pm
အမှန်တရားပြောရရင်တော့.. အစိုးရကိုအခွန်ဆောင်ရမယ်ဆိုတာက.. အဲဒီနိုင်ငံထဲနေတဲ့လူတွေရဲ့ သမိုင်းပေးတာဝန်.. အလုပ်ပဲ..။
အဲဒီအခွန်ငွေကို.. အစိုးရအသုံးပြုပုံ…ဆိုတာက…နောက်တပိုင်း…။
ဆိုတော့..
ဗုဒ္ဓဘာသာက..ကမ္ဘာ့အကောင်းဆုံးဆိုတာကြီးကိုကျ.. တကယ်ဆိုပြီး.. တချို့စာအုပ်တွေမှာတောင် ပုံနှိပ်ဖေါ်ပြနေကြသေး…။
ယုံချက်တွေကတော့.. ဘာပြောရမှန်းတောင်မသိ….တော့..။
Wow
May 22, 2015 at 4:27 pm
အဟွာလေ ရုံးက နိုင်ငံခြားသားပြောတာက သူတို့ဆီမှာဆို 13% ဆောင်ရတယ် နင်တို့ဆီက သက်သာတယ်တဲ့ အာ့လေးလာပြောတာ
padonmar
June 4, 2015 at 10:12 pm
စာရေးစာဖတ်ဝါသနာရှင် ဂရုကို ရှဲသွားပါကြောင်း
ကိုပေါက်(မန္တလေး)
June 5, 2015 at 1:52 pm
မိုက်ချက်အေ
မြန်မာပြည်က တူး ဝေး ပါ
အစိုးရက အခွန်ကောက်ပြီး ဘာမှ လုပ်မပေးဘူး
အဲဒါကိုအကြောင်းပြပြီး လူထုက အခွန်ရှောင်တယ်
စားသောက်ဆိုင်မှာ ကုန်သွယ်ခွန် ကောက်တော့ စားပြီးတာနဲ့ပေးလိုက်ရတယ်
အခွန်တံဆိပ်ခေါင်းတောင်းတော့စကားများရတယ်
ပေးတော့ပေးလိုက်ရတာပါဘဲ
ဆိုင်ရှင်က သူ့အိတ်ထဲ ထည့်သွားရော
ဆိုင်ရှင်မထည့်လဲ ကောက်ခိုင်းသူက သူ့အိတ်ထဲထည့်မှာသေချာနေတာ့
ဟေတုပစ္စယော သဘောထားလိုက်ပါ၏