တတ်သလောက် မှတ်သလောက်
naywoon niတတ်သလောက် မှတ်သလောက်
သူကြီးက လုပ်ကြည့်ဆိုတော့လည်း လုပ်ကြည့်လိုက်ပြီဗျာ ။ ဒါက ကျနော် အင်တာတနက်သုံးသက် ငါးနှစ်အတွင်းမှာ သိခဲ့တဲ့တွေ့ကြုံသိကိုအခြေခံပြီး
https://m.facebook.com/profile.php?id=1634906803411054&ref=m_notif¬if_t=page_new_likes&actorid=100005733100245
ဒီpage လေး လုပ်လိုက်ပါတယ် ။ ရွာသူရွာသားများ သွားကြည့်ပါဦး ။ ညက လုပ်နေရင်း လိုဂိုလေး လိုက်ရှာလိုက်တာ အင်တာနက်ဒေတာ တော်တော်များများ ကုန်သွားရော ။ သူကြီးမင်းက သူ့သတင်းစာကို Scribd မှာတင်ထားသကိုးဗျ။ အဲ့ဆိုက်က နေဝန်းနီ လက်ရှောင်ထားတဲ့ဆိုဒ် ။ သွားကြည့်လိုက်တာနဲ့ သတင်းစာကမမြင်ရသေးဘူး ။ သူ့ အပ္ပလီကေးရှင်း အရင်ဆွဲခိုင်းသဗျ ။ သူ့အပ္ပလီ မရှိပဲ မိုဘိုင်းနဲ့ ကြည့်မရဘူးဆိုတဲ့ သဘောမျိုး ။ pdf တွေတင်တာကို နေဝန်းနီက mediafire.com က တင်ပေးတာပဲ သဘောကျတယ် ။ ဒေါင်းလော့ဒ်ဆွဲဖို့လွယ်တာကိုး ။
ပြီးတော့စောစောက သူကြီးတင်ထားတဲ့ ဆိုဒ်က အွန်လိုင်းပေါ်ပဲ ဖတ်လို့ရတာ ။ ဒါတောင်အကြာကြီး စောင့်ပြီး မှ စာမျက်နှာ တစ်ခုချင်းပေါ်လာတာ ။ လိုဂိုရတာနဲ့ စိတ်မရှည်တော့ပဲ ပိတ်ပစ်လိုက်ရော ။ ပရိုဖိုင်းကတော့ ရွာမျက်နှာဖုံးကိုပဲ စခရင်ေ ရှာ့ ယူလိုက်တာ ။ အဲ့ဒါပြီးတော့ မိတ်ဆက်စာလေးရေးဦးမှ ။ စိတ်ကူးထဲရှိတာကတော့ အရှည်ကြီးရေးဖို့ပါပဲ ။ သို့ပေမဲ့ အင်တာနက်ဒေတာ ပြန်ကြည့်တော့ ၂ဝ မီဂါ္ဂ လောက်ကျန်တော့တယ် ။ ဒါနဲ့ တိုတိုတုတ်တုတ်ပဲရေး ။ ပြီးတာနဲ့ facebook ထဲက ရှိသမျှ friend တွေ အင်ဗိုက်လုပ် ။ လူသုံးလေးရာ လုပ်ပြီးချိန်မှာ Like တွေက တစ်တုံတုံဝင်လာချေပြီ ။ အင်ဗိုက်လုပ်တာ အသာထား ဒီနေ့ပို့စ်တစ်ခုလောက် လင့်ပေးဦးချေမှ တော်ကာကျမယ် ။ ဆိုတော့ ဘရောက်ဇာကနေ ရွာထဲပြန်ဝင် ။ ကိုထွန်းဝင်းလတ် ပို့စ်ကနေ နောက်ပို့စ်တွေ တင်မယ်ပေါ့ ။ မှတ်မှတ်ရရ နှစ်ဆန်းတစ်ရက်နေ့ကနေစမယ် ဆိုတဲ့သဘောနဲ့ ။ ကိုထွန်းဝင်းလတ်က မာတီပလိုင်းမှာထဲက သိလာတာ ။ မာတီပလိုင်း ပျက်သွားချိန်မှာ ရွာထဲကိုရောက်လာအောင် နေဝန်းနီပဲ ဆွဲခေါ်လာတာ ဆိုလေတော့ သူ့လက်ကိုသိပြီးသား ။ ဒါနဲ့ သူ့အကြောင်း နဲနဲလေးမိတ်ဆက်ပေးပြီး လင့်လေးပေး ။ Post လုပ်တာတော်တော်နဲ့ မတက် ။ ဘယ်တက်ပါ့မလဲ ။ အင်တာနက် ဒေတာမှ မရှိတော့ပဲ ။ နေဝန်းနီ က တယ်လီနော ကတ်နဲ့ အင်တာနက် ပလန်ဝယ်သုံးတာဆိုတော့ ပလန်ကုန်သွားရင် ဆက်မဆွဲတော့ဘူး ။ နှေးသွားရော ။ ခုတော့ မနက်တစ်နာရီလောက်လဲရှိဘီ ။ မိုးလင်းမှပဲ ဘေလ်ထည့်ပြီး ပလန်ဝယ်ထည့်တော့မယ် ။ အိပ်မယ်ပေါ့လေ ။
သူကြီးရဲ့ လုပ်ကြည့်လေ ဆိုတဲ့ စာလုံးသုံးလုံးထဲနဲ့ လုပ်ကြည့်လိုက်တာပဲ ။ ရွာသူရွာသားတွေကော ဘယ်လိုသဘောရသလဲ ။ page ကိုသွားပြီး friend တွေကို ကိုယ်စီ အင်ဗိုက်လုပ်ပေးကြရင်ကောင်းမယ် ။ page Like တွေကို ပရိုမိုးရှင်းလုပ်ပေးတဲ့ page တွေနဲ့လည်းအားယူမှာပါ ။ ဆိုတော့ကာ သူကြီး ကြော်ငြာမဲ့ ကိစ္စ တစ်လလောက် နောက်ဆွဲထားပြီး စောင့်ကြည့်ပေးဦးပေါ့ ။ ဒီနည်းနဲ့ မထူးခြားဘူး ဆိုရင်တော့ နောက်တစ်နည်းပေါ့လေ ။။
နေဝန်းနီ
10:05 AM
2015 Apr 18
12 comments
ခင်ဇော်
April 18, 2015 at 10:54 am
Noted
And
Thank you
naywoon ni
April 18, 2015 at 6:04 pm
သူကြီးက
လုပ်ကြည့်လေ ဆိုလို့ လုပ်ကြည့်လိုက်တာ သူကြီးဆီတော့ လူဘယ်လောက်ဝင်တယ်မသိ ။ ကျနော်ဆီမှာတော့ ၁၈ နာရီ အတွင်းလူတစ်ရာ့နှစ်ဆယ့်ကိုးယောက် ရှိသွားပါကြောင်း 🙂
မြစပဲရိုး
April 18, 2015 at 10:12 pm
အပြင်လူ အသစ် တွေ လဲ ရရင်ကောင်းပါတယ်။
ကိုယ့်လူဟောင်းကြီး တွေ ကို လဲ အားလုံး ပြန်ခေါ်လို့ ရရင် အတိုင်းထက် အလွန် ပိုကောင်းမယ်လို့ တွေး ရင်း လွမ်းနေမိတာပါ အဘနီ ရာ။
နေ့တိုင်း မဝင်နိုင်တောင် တစ်ပါတ် ကို တစ်ခါလောက် အသံလေး ပြု တဲ့ ပို့စ် လေး တွေ တင် ရင် ကိုဘဲ အတော်ဟန်ကျလှပြီ။
စာကောင်းကောင်း ရေးသူ များ ရင် သူဟာသူ ဖတ်သူ တွေ တိုးလာမှာပါ။
ကျွန်မ အမြင်သက်သက် ပါလေ။
အဘနီ ရဲ့ စေတနာ ကိုလဲ လေးစားမိပါတယ်။
တကယ်က ဖတ်သူ ထက် ရေးသူ များဖို့ လိုတာရော။
ဦးဦးပါလေရာ
April 18, 2015 at 10:41 pm
ဒီအစီအစဉ်လေးကောင်းတယ်..
ကိုနေကတော့ ပင်ပန်းမယ်ပေါ့…
အခု အစီအစဉ် စ ကာစ အချိန်လေးမှာ ပိုစ့်ကောင်းကောင်း ကွန်မင့်ကောင်းကောင်းလေးတွေနဲ့ဆို
ပိုပြီး အဆင်ပြေတာပေါ့..
ရွာထဲက ရေးလက်ကောင်း လိုင်းစုံစုံလေးတွေ ဒီအချိန် ထပ် တက်လာစေချင်လိုက်တာ…
မြစပဲရိုး
April 18, 2015 at 10:50 pm
ဒါဆို ကိုယ်တိုင် ပို့စ် လေး တစ်ပုဒ် တင်ပေးပါ ကိုပါ။ :))
Ma Ma
April 19, 2015 at 4:24 pm
ရေးလက်ကောင်းကို ရှာပြီး ရေးခို်င်းနေရသေးတယ်။
မှန်ထဲပြန်ကြည့်ရောပေ့ါ။ 🙂
Alinn Z
April 19, 2015 at 10:58 pm
အိပ်တော့မယ်
kotun winlatt
April 20, 2015 at 5:38 am
အဘနီရေ မန်းဂဇက်ကနေ ဖေ့ဘုတ်ပေ့စ်ကို ပို့စ်တွေ ပြန်ချိတ်ဖို့ဆိုရင်တော့ အတော်အချိန်ပေးရလိမ့်မယ် blogger မှာတော့ ပို့စ်တင်လိုက်တာနဲ့ ဖေ့ဘုတ်ပေ့စ်မှာ ရောက်အောင်လုပ်တဲ့နည်းရှိတယ် တဂျီးဆိုဒ်ကိုလည်း အဲ့လိုလုပ်လို့ရသလားတော့မသိ ကျနော်ကိုယ်တိုင် Blog နဲ့ ဖေ့ဘုတ်ပေ့ကိုတွဲကိုင်ပီး စာတွေပုံမှန်တင်နိုင်အောင်လုပ်နေရသူမို့ အဘနီရဲ့ ကြိုးစားမှုကို လေးစားပါတယ်ဗျ။
kai
April 20, 2015 at 12:15 pm
ဟိုကလိ… ဒီကလိလုပ်လိုက်တာ… ပို့စ်တွေဖေ့ဘုတ်တက်နေပြီထင်တာပဲ..
အဘနီကောင်းမှု.. ကြိုးစားတုသည်။
နတ်လူသာဓုခေါ်စေ..သော်ဝ်..။
https://www.facebook.com/myanmar.gazette
Mr. MarGa
April 20, 2015 at 2:07 pm
ဖေ့ဘုတ် တွစ်တာ linkedin အကုန်တက်ရဲ့
အဲ ဒါနဲ့
ဘဂျီး personal timeline မှာပဲ တက်နေမှတော့
ညာဘက်ဘေးက page က ဟန်ပြလုပ်ထားတာလား ငင်
အခွံကြီးဖြစ်နေတယ်
:k:
Mike
April 22, 2015 at 3:00 pm
.အော်…ဒါက ကိုနေဝန်းနီလုပ်ထားတာလား..ကောင်းပါလေ့..ဗရာဗိုပါဗျား :))
manawphyulay
April 23, 2015 at 9:41 am
မနောကတော့ အပြင်မှာ ဆိုက်တစ်ခုသတ်သတ်လုပ်ပြီး ပုံတွေနဲ့ PDF စာအုပ်တွေကို သီးသန့်တင်တာတော့ လုပ်ဖြစ်တယ်။ ကိုယ်ပိုင်ဝက်ဆိုက်တွေလည်း ခုတော့ အသက်မဝင်တော့ဘူး။ ဆက်မလုပ်နိုင်တော့လေ။ ဖေဘွတ်ကလည်း အခုမသုံးဖြစ်တာ ကြာပြီ။