ထောင်တန်တဲ့ စကား ‘ရယ်’ ပေါ့
naywoon niထောင်တန်တဲ့ စကား ‘ရယ်’ ပေါ့
မနက်က နေဝန်းနီ သူငယ်ချင်း ကိုသက်နိုင်တစ်ယောက် အိမ်ကို ပေါက်ချလာပါတယ် ။ နေဝန်းနီက အိပ်ကောင်းတုန်း ။ ဂဇွတ်တက်ထဲမှာ စာရေးနေတာက ည ၂နာရီ လောက်ရောက်သွားတယ် ။ ပြီးတော့ ဖွ ဘုတ်တော်ကြီးမလဲ ဟိုအရေး ဒီအရေး သိချင်တာလေးတွေ ရှာဖတ် ရသေးတယ် ။ ခုတစ်လော ဘောလုံးပွဲ ကို ကျောခိုင်းလိုက်လို့ လက်ဖက်ရည်ဖိုး ထဲက ဖုန်းဘေလ်လေး မှန်နေတုန်း ရေးချင်လေးတွေ စုထားတာ အံထုတ်နေတာ ။ နေ့ခင်း အချိန်တွေမှာလည်း ပူတော့ စာရေးဖို့ ဈာန်သွင်းမရ ။ အပူချိန်လျော့တဲ့ ညပိုင်း အချိန် လေးမှာပဲ ဖုန်းလေး လက်ဖဝါးပေါ်တင်ရိုက်နေရတာ အားမရပေမဲ့ ရေးနေရင်း အချိန်တွေ ကုန်သွားတာ သတိမထားမိ ။ ဖုန်းက ဘက်ထရီ ကုန်မှ အိပ်မယ်လုပ်တော့ မနက် သုံးနာရီ ။ အဲ့တော့ အိပ်ရေးမဝ ။ သူက DVB ဆိုလား အဲ့ လိုင်းကြည့်ရအောင်လာခေါ်တာ ဆိုလို့ မျက်နှာသစ်ပြီး သူ့ဆိုင်ကယ်နောက်က ပဲ လိုက်သွားမိတယ် ။ လက်ဖက်ရည်ဆိုင်ရောက်တော့ သတင်းက ပြီးသွားပြီ ။ ဒါနဲ့ လက်ဖက်ရည် မှာပြီး စားပွဲပေါ် ရောကာနေတဲ့ ဂျာနယ် အဟောင်း ကောက်လှန် ကြည့်မိပါတယ် ။ ပွင့်ပွင့်လင်းလင်း ရေးတတ်တဲ့ ဂျာနယ်တို့ ထုံးစံအတိုင်း နေဝန်းနီ ဖတ်မိတဲ့ သတင်းက ” သမဝါယမ ဝန်ကြီးက ပြည်ပ ( အချစ်တော်ကြီးဆီက ) ဒေါ်လာ သန်းသုံးရာ ချေးဖို့ ကိစ္စ ခွင့်ပြုလိုက်တာက မဲဆွယ်ပွဲ ရန်ပုံငွေ သုံးဖို့လား လို့ ရေးထားတဲ့ သတင်းလေးပါ ။ ထူးထူးခြားခြား သတင်းမဟုတ်ပေမဲ့ အနားက ကိုသက်နိုင်က်ို ပြလိုက်တော့ ” ဘယ်ကလာ အဲ့ဒိသတင်းက ဒိတ်အောက်နေပြီ နောက်ထပ် သန်းနှစ် ရာ နဲ့ သန်းငါးရာ ချေးမှာ ”
လို့ ပြောနေတုန်း အနား ဖြတ်သွားတဲ့ ဆိုင်ရှင်က
“သန်းငါးရာတောင် ဟုတ်လား လူတစ်ယောက် ဆယ်သန်းနှုန်းလောက် ဟုတ်လို့လား ”
လို့ အမေး
ကိုသက်နိုင်က ဒေါသ သံနဲ ့
” အဲ့ ဆယ်သန်း ခင်ဗျားပေးမယ် သူတို့မဲထည့်မလား ”
လို့ ပြန်မေးလိုက်တော့
ထုံးစံ အတိုင်း ဆိုင်ရှင်က ရယ်ကျဲကျဲနဲ့
” ကျုပ်တစ်ယောက်ထဲပေးလို့တော့ မရဘူး တိုင်းပြည်က ရှိတဲ့ လူအကုန်ပေးလိုက် ။ ပြိီးရင် အဲ့ပိုက်ဆံနဲ့ နိုင်ခြားသွားနေပြန်မလာနဲ့ ။ အပြီးနေ ။ ဒီတိုင်းပြည် ကိုယ့်တိုင်းပြည်လို့မမှတ်ကြေး ။ ကျန်ခဲ့တဲ့သူတို့တွေ တလုပ် သိမ်းရင်ခံလိုက် ။ ဟိုဟာတောင်းလဲ သူ့တို့ဟာ သူတို့ပေးလိုက်ကြ ။ မကောင်းဘူးလား ”
အရွှန်း ထဖောက်ပါလေရော ။
အဲ့တော့မှ ကိုသက်နိုင်က ရယ်ကျဲကျဲနဲ့
” တိုင်းချစ်ပြည် ချစ်ကြီး ခင်ဗျားဘယ်နိုင်ငံက လက်ခံမှာလဲ ”
” အိုဗျာ ဒီလောက်နိုင်ငံတွေ အများကြ ီး လူတစ်ယောက် ဒေါ်လာ ဆယ်သန်းတောင်ပါမှာ တစ်နိုင်နိုင်ငံကတော့ လက်ခံမှာပေါ့ ။ တိုင်ပြည် ချစ်တယ်ဆိုပေမဲ့ ရပ်ပြစ် ဆယ်ပါးဆိုလား အဲ့ထဲမှာပါရင် နေတဲ့ အရပ်စွန့်ရမယ်လို့ ဘုရားဟောစကားရှိသားဟ ။ ဘုရားဟောစကားနားမထောင်ပဲနဲ့ ရမ်းချစ်နေလို့မဖြစ်သေးဘူး ။ ဘုရားစကားနားထောင်လိုက်တာကောင်းပါတယ် ။ ဆယ်သန်းရမယ်ဆိုရင်ပေါ့ ”
အဲ့သလိုပြောပြီး လက်ဖက်ရည် မှာတဲ့သူရှိလို့ လက်ဖက်ရည်ဖျော်ခုံဆီ ထွက်သွားပါတော့တယ် ။ သူပြောတာလဲ ဟုတ်သလိုလို ။
ဒါပေမဲ့ ကြားလိုက်တဲ့ နေဝန်းနီ မှာတော့
ဒါကြောင့် ထောင်တန်တဲ့ စကားရယ်ပေါ့ ဆိုသကိုး ။ ကောင်းပါတယ်လေ ။။အဲ့ဒိလို ပေါ့ပေါ့ပါးပါးနဲ့ အခြေအနေတစ်ခုကို ဖြတ်သန်းနိုင်တာ ။ ကိုယ်လည်း ကြားဝင်ဖြေရှင်းနိုင်တဲ့ ကိစ္စ မှ မဟုတ်ပေပဲလို့ပဲတွေးရင်း ……….
နေဝန်းနီ
14 comments
မြစပဲရိုး
March 7, 2015 at 11:05 pm
ဒီနေ့ ခေတ်ကြီး ထဲ သမဝါယမ ဆိုတာ ဒီနိုင်ငံ တွေ မလဲ အဖွဲ့ နာမယ် လို မျိုး ရှိနေဆဲပါဘဲ။
ဒါပေမဲ့ မြန်မာပြည် က သမဝါယမ ကတော့ ဝန်ကြီးဌာန ကြီး နဲ့ ကို ဖြစ်ပြီး အများ ပြည်သူလူထု နဲ့ ဘာ ဆို ဘာမှ မပါတ်သက်။
ကိုကျော်ဆန်း အတွက် သီးသန့်ဖွဲ့ ပေးထားတာ ကော။
naywoon ni
March 7, 2015 at 11:18 pm
သူ့ကို နံခြား ပက်ဆံရှာဖို့ သက်သက်ထားတာလေ ကိုးတန်းလောက်က ဘောဂဗေဒမှာ သမဝါယမသည် ဆိုရှယ်လစ်စနစ်၏ ဒုတိယမံဒိုင်ဖြစ်သည်လို့ သင်ဖူးတော့ သမဝါယမ လို့ကြားတိုင်း ငါတို့နိုင်ငံ ဆိုရှယ်လစ်အရိပ်အောက်က မလွတ်မြောက်သေးပါလားလို့ ခံစားရပါတယ် ။ အရီးရောက်နေတဲ့ နိုင်ငံက သမဝါယမရဲ့ ဖခင်ကြီးတွေရဲ့ နိုင်ငံမဟုတ်လား ။ အဲ့တော့ သူ့မြေးမြစ်တွေတော့ရှိဦးမှာပေါ့ ။
kai
March 8, 2015 at 4:52 am
မြန်မာ့လူဦးရေ.. ၅၁သန်း.. သန်း၅ဝပဲထားပါတော့…
ဒေါ်လှ သန်း၅၀ဝ ကို.. ခွဲရင်..
တယောက်.. ၁ဒေါ်လာဆို.. ဒေါ်လှ သန်း၅၀…။
တယောက် ၁ဝဒေါ်လာခွဲယူရင်.. ဒေါ်လှ သန်း၅၀၀။
တယောက်.. ဒေါ်လာ ၁၀ဝ (မြန်မာငွေ တသိန်းလောက်) ..ယူရင်.. ဒေါ်လာ သန်း၅ထောင်( ၅ဘီလီယန်)
တယောက်… ဒေါ်လှ ၁၀၀ဝ (မြန်မာငွေတသန်းလောက်) ခွဲရင်.. ဒေါ်လှ သန်း၅သောင်း… ( ၅ဝဘီလီယန်)
တယောက်… ဒေါ်လှ ၁၀၀၀၀(တသောင်း) ခွဲကြရင်.. ဒေါ်လှ သန်း၅သိန်း.. ( ၅၀ဝဘီလီယန်)
တယောက်… ဒေါ်လှ ၁၀၀၀၀၀(တသိန်း) ခွဲကြရင်.. ဒေါ်လှ ၅၀၀ဝဘီလီယန်( ၅ ထရီလီယန်)
..
တယောက်… ဒေါ်လှ ၁ဝသန်း ခွဲကြရင်.. ဒေါ်လှ ၅၀ဝ ထရီလီယန် $5,000,000,000,000, 000
ကမ္ဘာ့လူသားအားလုံး GDP တောင်.. ၂၀၁၃စာရင်းအရ.. ၈၇.၂၅ ထရီလီယန်ဒေါ်လာရှိတာပါ..။
ကြည့်လည်းလုပ်ကြပါဦ်း…. :k:
ကြုံလို့ပြောရရင်.. မြန်မာတွေ.. ငွေဂဏန်းသချ်ာအမည်ပေးစနစ်မှာ…
ခု၊ဆယ်၊ရာ၊ထောင်၊သောင်း၊သိန်း၊သန်း၊ကုဋေ၊ ကုဋာ၊သချေင်္၊သချ်ာ၊ လုပ်ထားတာကိုသုံးကြတာထက်..
ငွေ. ရာ..။ထောင်…။သောင်း တခုခုကို.. အဓိကထား.. ပြောသင့်နေပြီထင်တာပဲ..။
အမေရိကန်တွေက.. သူ့ငွေအကြီးဆုံးအရွက်ဖြစ်တဲ့.. ဒေါ်လာရာဂဏန်းကနေပြောတယ်..။ ဥပမာ.. ဒေါ်လာ ၁သိန်းဆို.. hundred thousand
ဂျပန်တွေက.. . သူ့ငွေအကြီးဆုံးအရွက်ဖြစ်တဲ့.ယန်း ၁သောင်းတန်ကပြောတယ်..။
မြန်မာတွေ.. ကိုယ့်ငွေအကြီးဆုံးကနေ.. မြှောက်ပြီးပြောသင့်တယ်ထင်တာပဲ..။
ဆိုတော့..
“ငါးထောင်တန်စကား.. ရယ်ပေါ့..။” :i:
naywoon ni
March 8, 2015 at 2:19 pm
ဟုတ်ပါ့ဗျာ ကျနော်သတိမထားမိဖူး ကျနော်တို့လူမျိုးက သိန်းဂဏန်းထက်ပိုရင်မတွက်တတ်တော့ဘူး ။ သိန်းဂဏန်းနဲ့ သုံးတာလဲ သိသလောက် အိန္ဒိယ ပဲရှိတယ်နဲ့တူရဲ့ ( lakh – သိန်းဂဏန်း အိန္ဒိယ အသုံးလို့ တွေ့ဖူးတယ် ) ဟိုတစ်ခါလည်း အဘ ဖော က ဖြေရှင်းပြီးပြီ ကျနော်ကိုက နနောနမဲ့ နေတာ ။ ဆိုတော့ သူတစ်ပါး အပုတ်ချချင်ဇော ကြီးနေတဲ့ နေဝန်းနီ ဖြစ်သွားပါရောလား ။ နောက်နေ့ အဲ့ လက်ဖက်ရည်ဆိုင် ရောက်မှ ပြန်ရှင်းရဦးမယ် ။ တစ်ယောက် ဆယ်ဒေါ်လာ လောက်ဆိုတော့ ဖုန်းဘေလ်ဖိုးပဲ ရှိဦးမယ် နော့
မြစပဲရိုး
March 8, 2015 at 5:23 pm
သူကြီး တို့ တော်ချက်။
ကျွန်မ လဲ ဖတ်ပြီး ဂဏန်းတွေ ကို မတွက်မိဘူး။
ဒါမှ မဟုတ် အဲ့ လူ က ဟို ကိုလှဆွေ ကို လှောင်ထားသလား 🙄
lol:-))))
ခင်ဇော်
March 8, 2015 at 11:16 am
ထောင်တန် တဲ့ စကား ရယ် မိ လို့ အချုပ်ထဲ ရောက် ဆိုလား ဘာလားးး
ဒီရွာထဲက လူဂျီး တစ်ယောက် ပြောဖူးတာပဲ/
Wow
March 8, 2015 at 1:00 pm
ဒါနဲ့ ရပ်ပြစ် ၁ဝပါးက ဘာဒွေလဲဆြာနီ
Alinsett@Maung Thura
March 8, 2015 at 2:05 pm
telenor နဲ့ ရွာထဲ ဝင်လို့ အဆင်ပြေနေတာလား အဘနီ
ကျနော်တော့ အခုနောက်ပိုင်း telenor နဲ့ ဝင်ရတာ အဆင်ပြေနေသား
.ဘေလ်ကျတော့လည်း သိပ်လည်း မကုန်ဘူး။
အကြာကြီးသုံးမှ ငါးဆယ်လောက်ပဲ ဖြတ်တယ်
:k:
naywoon ni
March 8, 2015 at 2:25 pm
ခုလည်း တယ်လီနောနဲပဲလေ ။ My internet month Pack ပဲ ဝယ်သုံးတယ်လေ 500mb ကို ၁၉၀ဝ ဘိုး ။ ငါးရက်လောက်တော့ အနဲဆုံး သုံးရတယ် ။ နီ mp 3 မှာ အပြတ်တွေပါလား ။ ခု ပထမဆုံး နန္ဒာ သိန်းဇံ နားထောင်နေတာ Victor Soe Moe ရဲ့ စာအုပ်ဆိုင်မှာ 🙂
Mr. MarGa
March 9, 2015 at 12:32 am
အင်းးးးး
အင်းးးးး
အင်းးးးး
အတွေးများစွာနဲ့……
naywoon ni
March 9, 2015 at 12:49 am
ကျနော် သိချင်တာက ” သမဝါယမ ဝန်ကြီးဌာန ” ဆိုတာ ဒီမိုကရေစီစနစ်ကျင့်သုံးတဲ့ နိုင်ငံတွေမှာ ရှိမရှိနဲ့ ကမ္ဘာ ပေါ်မှာ ဘယ်နှစ်နိုင်ငံလောက် ဒီသမဝါယမ ဝန်းကြီး ဌာန ဆိုတာ ရှိသေးလဲ ဆိုတာပါပဲ ။
kai
March 9, 2015 at 3:44 pm
Cooperative ပေါ့..။
ယူအက်စ်နဲ့.. ဂျပန်မှာ.. ဝန်ကြီးဌာန.. အစိုးရလုပ်တယ်ဆိုတာထက်.. ပုဂ္ဂလိကက တည်ထောင်လုပ်ကြတယ်လို့သိဖူးတယ်..။
အဲဒါက.. လူတွေစုပိုက်ဆံထည့်.. အသင်းအဖွဲ့ကုမ္ပဏီထောင်တဲ့.. သဘောပါပဲ..။
မြန်မာပြည်မယ်တော့.. ဆိုရှယ်လစ်ခေတ်က.. အမွေအဖြစ်.. အစိုးရကထလုပ်တာပေါ့…။
မဆလဖျက်သိမ်းတော့.. အဲဒီကငွေတွေ… မဆလ.. တစညပါတီမရောက်အောင်တားထားရင်းနဲ့ပဲ.. ကျန်နေတာလား..။
.. နောက်တက်လာတဲ့ ပြည်ခိုင်ဖြိုးကပဲ. ဝါးချင်လို့ဖန်ထားတာလားတော့မသိ.။
ပြောသာပြောတာ.. တစညနဲ့.. ပြည်ခိုင်ဖြိုးတို့ရဲ့.. ပါတီရံပုံငွေတွေ. ..အရင်အစိုးရတွေကနေ.. ဘယ်လိုလွှဲယူလာတယ်ဆိုတာနဲ့.. လောလောဆယ်.. ငွေကြေးရှာဖွေရယူပုံတွေသိချင်လှ…။
အဲဒီအချက်က.. ၂၀၁၅ ရွေးကောက်ပွဲမှာ.. ဒီချုပ်ရဲ့..နင်းကွက်ဖြစ်သင့်…။
Mike
March 9, 2015 at 1:34 pm
.“သမဝါယမ ဝန်ကြီးဌာန ” ဆိုတာဟန်ပြသက်သက်ပါ
.ဖျက်ပစ်သင့်ပီ
ခင်ဇော်
March 9, 2015 at 1:36 pm
သမ တဲ့ နေရာမှာ
ဝါယမ စိုက်ထုတ် တဲ့ ဝန်ကြီး ဌာန ကို ပြောဒါလား???