ရွှေအကြောင်းသိကောင်းစရာ 116,117,118,119

ရွှေအကြောင်းသိကောင်းစရာ(116)
Fed က QE tapering လုပ်မှာမို့ ရွှေဈေးတွေကျတယ်လို့ facebook မှာ သတင်းတွေမှာရေးကြတော့ Fed ဆိုတာ
ဘာလဲ QE tapering ဆိုတာဘာလဲ မေးကြပါတယ်။ Fed ဆိုတာ Federal Reserve of United State ပါ အမေရိကန်
ဗဟိုဘဏ်ပေါ့ တစ်နိုင်ငံလုံးရဲ့ငွေရေးကြေးရေး policy တွေချမှတ်တဲ့ဌာနပေါ့ သူ့ရဲ့ policy အပြောင်းအလဲ တစ်ခုဟာ
ကမာ္ဘ့ရွှေဈေး စတော့ဈေးတွေကို ဇောက်ထိုးမိုးမျှော် ဖြစ်သွားနိုင်လောက်အောင် အင်အားကြီးပါတယ်။ FOMC ဆိုတာ
ကတော့ Federal Reserve’s Open Market Committee ပါ အတူတူပါပဲ QE ဆိုတာက တော့ Quantitative Easing
ပါ purchasing bond (ငွေချေးစာချုပ်ဝယ်ယူခြင်း) လို့လဲခေါ်ပါတယ် tapering ကတော့ လျော့ချတာပါ။
အမေရိကန်စီးပွားရေးကျတဲ့အခါ လူတွေဘဏ်က အတိုးနှုန်းနဲနဲနဲ့ ငွေတွေချေးပြီး စီးပွားရေးလုပ်ငန်းတွေလုပ်နိုင်အောင်
Fed ကဘဏ်တွေဆီက bond တွေဝယ်ပါတယ်။
ရွှေအကြောင်းသိကောင်းစရာ(117)
(စဉ် 116 မှအဆက်)
အဲဒီလို Fed ကဘဏ်တွေဆီက bond တွေဝယ်တဲ့အခါ ငွေကြေးဖောင်းပွမှုတွေဖြစ်ပြီး ရွှေဈေးတက်ပါတယ်။ bond
ဝယ်တဲ့ amount ကိုလျှော့ချ (tapering) လိုက်မယ်လို့သတင်းတွေထွက်ရင် လုံးဝမဝယ်တော့ဘူး ရပ်လိုက်တော့မယ်လို့
သတင်းတွေထွက်ရင် ရွှေဈေးကျပါတယ်။ ငွေဖောင်းပွမှုလျော့ပြီး အမေရိကန်ဒေါ်လာဈေးမာတော့မှာကိုး ကမာ္ဘမှာ
ဒေါ်လာဈေးတက်ရင် ကမာ္ဘ့ရွှေဈေးကျပါတယ်။ မြန်မာမှာဒေါ်လာဈေးတက်ရင် မြန်မာ့ရွှေဈေးတက်ပါတယ်။
ဘာကြောင့်လဲဆိုတော့ မြန်မာမှာဒေါ်လာဈေးတက်တယ်ဆိုတာ မြန်မာကျပ်ငွေတန်ဖိုးကျတဲ့အဓိပ္ပါယ်ပါ။
မြန်မာကျပ်ငွေတန်ဖိုးကျတော့ မြန်မာကျပ်ငွေနဲ့ဝယ်ရတဲ့ မြန်မာ့ရွှေဈေးတက်တာပေါ့။
ရွှေအကြောင်းသိကောင်းစရာ(118)
ရွှေတစ်ထုပ်စာ (တစ်ပိဿာ) လောက်ရင်းပြီး ရွှေဝယ်ရောင်းလုပ်ချင်လို့မေးထားပါတယ် comment မှာ message
မှာမေးတာတွေကို post ကပဲပြန်ဖြေသွားပါမယ်။ အားလုံးသိရအောင်လို့ပါ ဝယ်ရောင်းလုပ်တယ်ဆိုတာ နှစ်မျိုးရှိပါတယ်
ဈေးနဲတဲ့ နေရာမှာဝယ်ပြီး ဈေးများတဲ့နေရာမှာပြန်ရောင်းတာ ဥပမာ ရန်ကုန်မှာရွှေဈေးမြင့်တဲ့အချိန် မန္တလေးကဝယ်ပြီး
ရောင်းတာမျိုး ရန်ကုန်မြို့ထဲမှာလဲ ရွှေဘုံသာလမ်းက ဈေးကွက်ထဲကိုအပင်ပန်းခံပြီး ဆင်းမဝယ်ချင်တဲ့သူတွေ
မရောင်းချင်တဲ့သူတွေအတွက် အမြတ်နဲနဲတင်ပြီး ဝယ်ရောင်းလုပ်ပေးတာမျိုး အဲဒါမျိုးကိုတော့ စီးပွားရေးလုပ်တယ်လို့
ဆိုနိုင်ပါတယ်။ နောက်တစ်မျိုးက ဒီနေရာကပဲဝယ် ဈေးတက်ရင် ဒီနေရာမှာပဲ ပြန်ရောင်းလုပ်တဲ့သူတွေ ရှိပါတယ်။
အဲဒါကိုတော့ စီးပွားရေးလုပ်တယ်မဆိုနိုင်ပါဘူး ရွှေကစားတယ်လို့ခေါ်ပါတယ် မြတ်လဲမြတ်နိုင်သလို ရှုံးလဲရှုံးနိုင်ပါတယ်
အတက်အကျကိုခန့်မှန်းပြီး ကစားရတာကိုး။
ရွှေအကြောင်းသိကောင်းစရာ(119)
(စဉ် 118 မှအဆက်)
ရွှေဝယ်ရောင်းကစားတာကို ပုံမှန်ဝင်ငွေရနိုင်တဲ့ စီးပွားရေးလုပ်ငန်းတစ်ခုလို့ မထင်မိဘို့အရေးကြီးပါတယ် ကိုယ့်မှာပုံမှန်
ဝင်ငွေရတဲ့စီးပွားရေး လုပ်ငန်းတစ်ခုရှိတယ် ငွေလဲပိုတယ် အချိန်လဲပိုတယ် ရွှေဈေးအတက်အကျကို စိတ်ဝင်စားတယ်
အရှုံးအမြတ်ကစားရတာ ဝါသနာပါတယ်ဆိုရင်တော့ အပျော်သဘောကစားသင့်ပါတယ် ငွေရင်းပြီးကစားလို့ရသလို
လေရင်းပြီးကစားလို့လဲရပါတယ်။ ( အမှတ် ၈ မှာရေးပြီးပါပြီ) များများကစားချင်ရင်တော့ အသင်းဝင် ဒါမှမဟုတ်
ကိုယ်တိုင်လမ်းထဲဆင်းတာ ပိုကောင်းပါတယ် online မှာလဲကစားလို့ရပါတယ်။(အမှတ် ၂၃ မှာရေးပြီး) မြန်မာပြည်မှာလဲ
မကြာခင် stock and share market ပေါ်လာတော့မှာပါအဲဒီအခါကျရင်တော့ တရားဝင်စိတ်ကြိုက်ကစားလို့ရပြီပေါ့ဗျာ။