အဘဖေါ ရဲ့ နယူးဇီလန်သွား Cruise တောလား – ၁၅ ( At Sea ) ။

အဘဖေါ ရဲ့ နယူးဇီလန်သွား

Cruise တောလား – ၁၅ ( At Sea ) ။

 

၁၈ – ၁၂ – ၂၀၁၃ နှင့် ၁၉ – ၁၂ – ၂၀၁၃ ။

 

နယူးဇီလန် နိုင်ငံ ရဲ့ လှပတဲ့ Milford Sounds ဒေသတွေကို ခံစားပြီးတဲ့အခါမှာတော့ ၊

အဘ တို့ရဲ့ Cruise သင်္ဘောကြီးဟာ နယူးဇီလန် နိုင်ငံကနေ ထွက်ခွာခဲ့ပြီး ၊

ဩစတေလျှ နိုင်ငံ ၊ Tasmania ကျွန်း / ပြည်နယ် ၊ Hobart မြို့ ကို ဦးတည်ခဲ့ပါတယ် ။

 

နယူးဇီလန် နိုင်ငံ Milford Sounds ဒေသ နှင့် ဩစတေလျှ နိုင်ငံ Tasmania ကျွန်း ၊

ရဲ့ အကြားမှာ Tasmania Sea ပင်လယ်ကြီး တည်ရှိနေပြီး ၊

ဒီ ၁၈ – ၁၂ – ၂၀၁၃ နှင့် ၁၉ – ၁၂ – ၂၀၁၃ နှစ်ရက် ကို ၊

အဲဒီ Tasmania Sea ပင်လယ်ကို ဖြတ်သန်းရင်း ကုန်ဆုံးရမှာပါ ။

 

အဲဒီ ၂ ရက်အတွင်းမှာ ၊ ခရီးသည်တွေ လဲ နဲနဲ အနားရသွားတာပေါ့ ။

အဘ ကတော့ ၊ အဲဒီ ၂ ရက်အတွင်းမှာ ၊ သင်္ဘောကြီးပေါ်မှာ ရှိတဲ့ ၊

ဖျော်ဖြေရေး Entertainment တွေကိုဘဲ အတိုးချ လိုက်ကြည့်မိပါတယ် ။

 

အင်းးးး ၊ ဒီ Cruise သင်္ဘောကြီး အကြောင်း ပြောရရင်တော့ ၊

ဟီ ဟိ ၊ ကိုယ် စိတ်ဝင်စားတဲ့ ” အစား ” ကနေ စပြောတာဘဲ ကောင်းပါတယ် ။

 

အဘ တို့ အဓိက စားဖြစ်နေတဲ့ Ocean View Buffet Restaurant ထဲမှာ ၊

ပုံထဲကလိုဘဲ ၊ ကောင်တာ အသေး ၅ ခု နှင့် ကောင်တာ အရှည်ကြီး ၂ ခု ရှိပြီး ၊

စားသောက်ဖွယ်ရာတွေကို မနက် ၆ နာရီကနေ ည ၁ နာရီ အထိ ၊

( ကြားထဲမှာ ၁ နာရီ ၊ ၂ နာရီ လောက်ဘဲ နားချိန် ရှိပြီး ) စားသုံးနိုင်ပါတယ် ။

 

သင်္ဘော က ကပ္ပတိန် အပါအဝင် အရာရှိအဆင့်တွေလဲ ၊

အဘ တို့ ခရီးသည်တွေ နှင့် အတူတူ ဝင်စားကြပါတယ် ။

 

ချက်ပြီးသား စားစရာတွေတင် မကပါဘူး ၊

ကိုယ့်စိတ်ကြိုက် ချက်ခိုင်းလို့ရတဲ ကောင်တာတွေလဲ ရှိပါတယ် ။

အစားအစာတွေကိုလည်း ပုံစံ အမျိုးမျိုး နှင့် အလှဆင်ထားကြပါတယ် ။

 

15 Ocean View Buffet Restaurant ထဲမှာ ၊ ပုံထဲကလိုဘဲ ၊ ကောင်တာ အသေး ၅ ခု နှင့် ကောင်တာ အရှည်ကြီး ၂ ခု ရှိပြီး ၊

 

15 Ocean View Buffet Restaurant ထဲမှာ ၊ စားသောက်ဖွယ်ရာတွေကို မနက် ၆ နာရီကနေ ည ၁ နာရီ အထိ ၊

 

15 သင်္ဘော က ကပ္ပတိန် အပါအဝင် အရာရှိအဆင့်တွေလဲ ၊ အဘ တို့ ခရီးသည်တွေ နှင့် အတူတူ ဝင်စားကြပါတယ် ။

 

15 ချက်ပြီးသား စားစရာတွေတင် မကပါဘူး ကိုယ့်စိတ်ကြိုက် ချက်ခိုင်းလို့ရတဲ ကောင်တာတွေလဲ ရှိပါတယ် ။

 

15 အစားအစာတွေကိုလည်း ပုံစံ အမျိုးမျိုး နှင့် အလှဆင်ထားကြပါတယ် 1

 

15 အစားအစာတွေကိုလည်း ပုံစံ အမျိုးမျိုး နှင့် အလှဆင်ထားကြပါတယ် 2

 

 

ပုံမှန်အားဖြင့် ၊ Daily Special ( ၂ ) မျိုး ရှိပါတယ် ။

 

၁ ။ Chef စားဖိုမှူး ရဲ့ ဒီနေ့ စိတ်ကြိုက်ဟင်း Chef ‘s Daily Special နှင့် ၊

( Chef ‘s Daily Special ကောင်တာ သပ်သပ် ရှိပါတယ် )

 

၂ ။ နေ့စဉ် တစ်နေ့ တစ်နိုင်ငံ မရိုးရလေအောင် ၊ နိုင်ငံ တစ်ခုစီရဲ့ အစာ ပြောင်းကျွေးပါတယ် ။

( ပုံထဲမှာ မက်ဆီကန် အစာ ကျွေးတဲ့နေ့မို့ မက်ဆီကန် ဦးထုပ် အလံ တွေနှင့် အလှ ဆင်ထားတာပါ ) ။

 

စားပွဲပေါ်က Drink Menu လေးကို လှဲထားရတာက လှဲမထားရင် ၊

စားပွဲထိုးတွေက ဘာ အရက်သောက်မလဲ ခဏ ခဏ လာမေးနေလို့ပါ ။

( သူတို့ ယဉ်ကျေးမှု က ဘာစားစား အရက် / ဝိုင် / ဘီယာ လေး နှင့် မျှောချကြပေသကိုး )

Drink Menu လေး လှဲထားလိုက်တော့ ဘာမှ ထပ်မမှာတော့ဘူး ၊

ဆိုတဲ့ အဓိပ္ပါယ်ရပြီး သူတို့ ထပ်လာမမေးတော့ပါဘူး ။

 

15 Chef စားဖိုမှူး ရဲ့ ဒီနေ့ စိတ်ကြိုက်ဟင်း ( Chef ‘s Daily Special ကောင်တာ သပ်သပ် ရှိပါတယ် )

 

15 မက်ဆီကန် အစာ ကျွေးတဲ့နေ့မို့ မက်ဆီကန် ဦးထုပ် အလံ တွေနှင့် အလှ ဆင်ထားတာပါ ။

 

15 Drink Menu လေးကို လှဲထားရတာက လှဲမထားရင် စားပွဲထိုးတွေက ဘာ အရက်သောက်မလဲ ခဏ ခဏ လာမေးလို့ပါ ။

 

 

အဘ က ပင်လယ်ထဲမှာ ပျင်းရင် သင်္ဘော Library ထဲက စာအုပ်တွေ သွားယူပြီး ၊

ဒီလို အိပ်ရာလေးပေါ်မှာ အိပ်လိုက် ၊ ပင်လယ် မြင်ကွင်း ငေးလိုက် ၊ စာဖတ်လိုက် လုပ်ပါတယ် ။

ဟီ ဟိ ၊ သိပ်အထင်ကြီးမသွားနှင့်ဦး ၊ အဘ က အဲဒီလို ပုံအဓိက စာအုပ်တွေက ပုံကြည့်တာရယ် ။

 

အဟဲ ၊ ဒီပုံမှာ အဘ ရဲ့ မျက်နှာကို ဘာ Software နှင့်မှ မဖျက် မကာထားဘူးနော် ။

( အ ဟိ ၊ အလင်းရောင်ကို လှန် ရိုက်ထားတာရယ် ၊ ဇာကန့်လန့်ကာ ကလဲ ကာနေသေး )

ပြောရဦးမယ် ၊ အဲဒီ ဇာကန့်လန့်ကာ ၂ လွှာက Privacy အတွက် ဘေး ၂ ဖက်ကိုဘဲ ကာထားတာ ။

သူက ဇာခြင်ထောင် လို ဘေးပါတ်ပါတ်လည် အပြည့်ကာထားတာ မဟုတ်ဖူးရယ် ။

 

အဲဒီမှာ ၊ ဆက်စပ်ပြီး တွေးမိတာ တစ်ခုက ၊

အခုဆိုရင် ၊ မြန်မာပြည်ဟာ အခုမှ စတင် ပွင့်လင်းလာတဲ့ ၊

Virgin Tour Destination ( အသစ်လေး ) ဖြစ်နေတဲ့အတွက် ၊

နိုင်ငံတကာမှာ ( အရမ်း ဈေးကြီးနေသေးပေမယ့် ) အရမ်း Popular ဖြစ်နေပါတယ် ။

 

အဘတို့ အမေရိက ခရီးစဉ်ကို သွားနေတုံးက ၊ အဖွဲ့ထဲက ၊ အဘ သိသလောက် ၊

၂ စုံတွဲလောက်က သိပ်မကြာခင် မြန်မာနိုင်ငံကို သွားလည်မှာမို့ ( Tour တောင် ဝယ်ထားပြီးပြီတဲ့ ) ၊

အဘ တို့ကို မြန်မာနိုင်ငံ အကြောင်းကို Detail မေးနေခဲ့ပါသေးတယ် ။

 

အဘတို့ စီးခဲ့တဲ့ Celebrity Cruise Line ကနေလဲ ၊

အဘတို့ စီးခဲ့တဲ့ Celebrity Solstice သင်္ဘောထက်ငယ်တဲ့ Celebrity Century ဆိုတဲ့ သင်္ဘော နှင့် ၊

၂၀၁၅ ဖေဖေါ်ဝါရီလ လောက်မှာ ရန်ကုန်ကို လာဖို့ရှိတယ်လို့ ကြေငြာထားပါတယ် ။

( http://www.celebritycruises.com/search/searchResultsVacationItinerary.do?packageid=CN14I056&dest=FAR.E&shipCode=CN )

 

အဲဒီလိုမျိုး ၊ သင်္ဘောကုန်းပါတ် အပွင့် Opened Type Cruise သင်္ဘောကြီးမှာ ၊

ပါတ်ပါတ်လည် ဇာခြင်ထောင်တွေလဲ မရှိဘဲနှင့် ၊ ရန်ကုန် ဆိပ်ကမ်းမှာ ၃ ရက်ကပ်မယ်တဲ့ ။

” ခြင် ” ကိစ္စ သူတို့ ဘယ်လို ရှင်းကြမယ် မသိ ( တော်ကြာ လူတွေကို ခြင် ချီသွားဦးမယ် ၊ ဟီ ဟိ ) ။

အင်းးးးး ၊ မြန်မာပြည် မှာလဲ ၊ အခြေခံ အဆောက်အဦးတွေ တော်တော် လုပ်ရဦးမှာဘဲ ။

 

15 ပင်လယ်ထဲမှာ ပျင်းရင် သင်္ဘော Library ထဲက စာအုပ်တွေ သွားယူပြီး ၊

 

15 ဒီလို အိပ်ရာလေးပေါ်မှာ အိပ်လိုက် ၊ ပင်လယ် မြင်ကွင်း ငေးလိုက် ၊ စာဖတ်လိုက် လုပ်ပါတယ် ။

 

15 သိပ်အထင်ကြီးမသွားနှင့်ဦး ၊ အဘ က အဲဒီလို ပုံအဓိက စာအုပ်တွေဘဲ ပုံကြည့်တာရယ် ။

 

 

အဲ ၊ ဇာခြင်ထောင် ကိစ္စ ဆက်တွေးလိုက်တာ ၊ ပြောရင်း ပြောရင်း နှင့် ဘေးရောက်သွားပြန်ပြီ ။

 

သင်္ဘော ပေါ်မှာ တစ်နေကုန် အဆက်မပြတ် ရှိုးပွဲတွေလဲ အများကြီး ရှိပါတယ် ။

အဲဒီ ရှိုးပွဲတွေထဲက ကြည့်ဖြစ်ခဲ့တဲ့ တစ်ခုကို ပြောရရင်တော့ ” Hot Glass Show ” ပါ ။

သူကတော့ မှန် နှင့် လုပ်တဲ့ ပန်းအိုး / အလှဆင် ပစ္စည်းတွေကို လက်တွေ့ လုပ်ပြတဲ့ပွဲပါ ။

 

အဲဒီမှာ ၊ ပန်းအိုးဖြစ်မယ့် မှန်လုံးကြီးကို အရောင်တွေစပ် ၊ မီးဖိုကြီးထဲထည့် ၊

မှန်လုံးကြီး ပူပျော့နေတုန်း အချိန်မှာ ပါးစပ် နှင့် လေမှုတ်သွင်းပြီး ဖေါင်း ၊

ကိုယ့် စိတ်ကြိုက် မှန် အလှဆင် ပစ္စည်း ဖြစ်အောင် လက်တွေ့ ပုံသွင်း လုပ်ပြပါတယ် ။

ရလာတဲ့ မှန် ပန်းအိုး / အလှဆင် ပစ္စည်းတွေကို သင်္ဘော နေရာအနှံ့မှာ အလှဆင်ထားပါတယ် ။

( Made at the Hot Glass Show, on Celebrity Solstice တဲ့ )

 

ကိုယ် ကြိုက်တာလေးတွေ တွေ့ရင်လဲ တစ်ခါတည်း ဝယ်လို့ရပါတယ် ။

( ဈေးတွေကတော့ တော်တော် ဈေးကြီးပါတယ် ၊ ဒေါ်လှ ရာကျော်ပေးရတာတွေချည်းဘဲ )

 

ဒီ မှန် အလှဆင် ပစ္စည်းတွေ လုပ်ပြတဲ့ ရှိုးပွဲ နှင့် ၊ အဘ နှင့် က ခဏ ခဏ ကံဆုံနေပါတယ် ။

၁ ။ ဥရောပ ခရီးစဉ်တုန်းကလည်း ၊ အီတလီ နိုင်ငံ ၊ ဗင်းနစ် မြို့ က Murano စက်ရုံမှာ တစ်ခါဆုံပြီးပြီ ။

၂ ။ နယူးဇီလန် Cruise သင်္ဘော ပေါ်မှာလည်း ” Hot Glass Show ” နှင့်တွေ့ခဲ့တယ် ။

၃ ။ အမေရိက ခရီးစဉ်မှာလည်း ၊ New York မှာ Corning Glass Museum ရောက်ခဲ့ပြန်တယ် ။

 

အမှန်ကတော့ ၊ နယူးဇီလန် Cruise သင်္ဘော ပေါ်က ” Hot Glass Show ” ပြတဲ့ အဖွဲ့က ၊

အမေရိကန် နိုင်ငံ New York မြို့က Corning Glass Museum ရဲ့ အဖွဲ့ခွဲ တစ်ခုပါဘဲ ။

အဲဒါကို ဒီတစ်ခေါက် New York မြို့က Corning Glass Museum ကို ရောက်မှ သိရတယ်လေ ။

New York က Museum ထဲမှာ Celebrity သင်္ဘော ပုံစံငယ်လေး နှင့်ပါပြပြီး ကြော်ငြာထားတယ် ။

ဒီ ဓါတ်ပုံက ၊ New York မြို့က Corning Glass Museum ထဲမှာ ရိုက်လာတဲ့ ပုံလေ ။

 

ကဲ ကဲ ၊ ဒီ Post မှာ ဓါတ်ပုံတွေလဲ တော်တော်များသွားပြီ ဆိုတော့ ၊

( စူပါ ရွှေ Connection ကြီးကို ငဲ့ပြီး ) ဒီလောက်နှင့်ဘဲ တော်လိုက်ပါရစေကွယ် ။

 

တော်သေးဘီ ။

 

အဘ ဖေါ ( F R ) ။

 

15 အဲဒီ ရှိုးပွဲတွေထဲက ကြည့်ဖြစ်ခဲ့တဲ့ တစ်ခုကို ပြောရရင်တော့ Hot Glass Show ပါ ။

 

15 ပန်းအိုးဖြစ်မယ့် မှန်လုံးကြီးကို အရောင်တွေစပ် ၊ မီးဖိုကြီးထဲထည့် ၊

 

15 မှန်လုံးကြီး ပူပျော့နေတုန်း အချိန်မှာ ပါးစပ် နှင့် လေမှုတ်သွင်းပြီး ဖေါင်း ၊

 

15 ရလာတဲ့ မှန် ပန်းအိုး အလှဆင် ပစ္စည်းတွေကို သင်္ဘော နေရာအနှံ့မှာ အလှဆင်ထားပါတယ် ။

 

15 ဒီ ဓါတ်ပုံက ၊ New York မြို့က Corning Glass Museum ထဲမှာ ရိုက်လာတဲ့ ပုံလေ ။