၂၁၀ဝခုနှစ် အနာဂတ်မြန်မာနိုင်ငံတော်
moonpoem၂၁၀ဝခုနှစ် ဇန်နဝါရီလ ၄ရက်။
်
ရုံးရှိရာ မြို့ထဲသို့ မွန်းပိုအမ်တစ်ယောက် ကျည်ဆန်ရထားဖြင့်သွားရာ နှုတ်ခမ်းနီဆိုးလို့မပြီးခင်
်၂မိနစ်အတွင်းမှာတင် ရောက်သွား၏။
လူတိုင်းသည်လည်း ကျည်ဆန်ရထားအသုံးများ၍ပွဲလမ်းသဘင်ကိစ္စရှိမှသာ ကားထုတ်စီးကြရာ ပြည်လမ်းတစ်လျှောက် တရားအားထုတ်၍ ရလောက်အောင်ပင် တိတ်ဆိတ်နေ၏။
လွန်ခဲ့သော၁ဝစုနှစ်များမှစပြီး အခြေခံလူတန်းစားများအား အခြေခံလစာ တစ်လ၁၂သိန်းနှင့် ဘွဲ့ရပညာတတ်များအား တစ်လ၂၅သိန်းဟု သတ်မှတ်ထားလေရာ မွန်းပိုအမ်သည် လစာရော အတွေ့အကြုံအရ တစ်လလျှင် သိန်း၈ဝခန့်ရလေသည်။
အိမ်အငှားအရောင်းများသည်လည်းဈေးနှုန်းအတိုင်းအခွန်ဆောင်နေသဖြင့် ဈေးကျသွားကာ ယခုမွန်းပိုအမ်ဝယ်ထားသောအင်းလျားလမ်းမှ အိမ်တစ်လုံးသည် သိန်း၁၀ဝသာရှိ၏။
ုမြန်မာအနှံ့ပတ်သည့် မြို့ပတ်လေယာဉ်များရှိလာပြီး လက်မှတ်တစ်စောင်မှ မြန်မာငွေ ၃ထောင်ကျပ်သာရှိသဖြင့် မွန်းပိုအမ်ရုံးပိတ်ရက်တိုင်း အိမ်ပြန်၏။
ရှေးတုန်းက စာအုပ်များကို ဖတ်ကြည့်သောအခါ ပုဂံခေတ် ရတနာပုံခေတ် စစ်တပ်အုပ်ချုပ်ရေးခေတ် အွန်လိုင်း အဝိုင်းလည်သောခေတ် စသဖြင့်မှတ်သားရလေရာ ကျွန်ုပ်မှာ နားမလည်နိုင်အောင် ရှိရလေ၏။
ယနေ့ခေတ် အင်တာနက်သည် ရွှီးတောက်မဟုတ်ပါလား။
အစစအရာရာပြည့်စုံသဖြင့်မိမိတစ်ယောက်တည်းသာမကအားလုံးသော သူငယ်ချင်းများသည်လည်း ဘဝတွင် အဆင်ပြေနေကြလေရာ Facebookတွင်ပင် စိတ်ညစ်တယ်ဆိုတာ ဘယ်လိုများပါလိမ့်နော်ဟု လည်းကောင်း စိတ်တစ်ခါလောက် ညစ်ဘူးချင်တယ်တို့ ဘာတို့ဟု လည်းကောင်း ရေးသူများကိုသာ တွေ့ရလေ၏။
အပိုင်း၁ပြီးပြီ။
ဖတ်ကောင်းကောင်းနှင့် ဖတ်နေမိသည်မဟုတ်လား
မိတ်ဆွေ။ခဏစောင့်ပါ အထက်ပါ စိတ်ကူးယဉ်ဇာတ်လမ်းများ အခန်းဆက်ဝတ္တု အပိုင်း၁
စာမူပို့ရန် ကျွန်ုပ် လမ်း၃ဝသို့ ၄၃အထူးကားစီးပြီး ပွိုင့်များကြပ်ပိတ်သိပ်နေသောလမ်းများကို့ဖြတ်၍သွားလိုက်ပါဦးမည်။
စာမူခများစုပြီးတက်သွားသော အိမ်လခ၂သိန်းခွဲအားလျှော့ပေးရန်ပွဲစားနှင့် ညှိလိုက်ပါဦးမည်။
ယခုကား ၂၀၁၄ခုနှစ်။
5 comments
lu lu
May 13, 2014 at 6:26 pm
အိမ်က ကားထုတ်မစီးတာကြာလို ့ကားဂိုဒေါင် လည်း
ဖှုန်တောထဲမှာ မြှုပ်နေပြီ ။ အယ် မနက်က အလုပ်
သွားတော့ကျဉ်ဆန်ရထားစီးတုန်းက ယဉ်ထားတဲ့
စိတ်ကူး မပြီးလိုက်လို ့ခုမှပြန်ယဉ်ရမယ် ။ ရန်ကုန်မှာ
ဝယ်ထားတဲ့အိမ်နဲ ့ခြံကို ရောင်းဖို ့ဟာ အရင်းတောင်
ပြန်မရ တော့လို ့ခဏထားလိုက်တယ် ။ ဒါနဲ ့ကျုပ်ပင်
စင် လစာနဲ ့ဝယ်ထားတဲ့ အိမ်တလုံးတောင် ရှိရဲ ့။
အခုလို ကျုပ်ကြီးပွားတိုးတက်လာတာကိုကွယ်လွန်း
သွားတဲ့ ကျုပ် မိဘ တွေကို မြင် စေချင် တယ် ။
အခုဘယ်နှ နာရီထို းထိုး ဟဲ့ အ ကောင် နေ ဖင် ထိုး
နေပြီအခုထိမထနိုင်သေးဘူးလား ဒီလောက်တောင်
အိပ်နေရ အောင် နင့်ကိုယ်နင် သူဌေးကြီးမှတ်နေလို ့
လား ဘာလားညာလား 😀 ဟိုက် !!! ငါ့အိမ်မက်တော့
ပျက်ပါဘီ ကောင်းခန်းရောက်နေပြီဆိုမှ နောက်မှ လိုင်းကားပေါ်မှာပဲ ဆက်မက်တော့မယ်
ခင် ခ
May 14, 2014 at 11:09 am
မြန်မာပြည် လက်ရှိရထားလမ်းပေါ် ကျည်ဆန်ရထားတင်ပြီးမောင်းလိုက်လို့ကတော့ တစ်ခါတည်း တန်းကနဲအမြန်ရောက်သွားမှာ မြင်ယောင်မိပါတယ်ဗျ။
လယ်ကွင်းထဲမှာ ရထားကြီး ဟီးလို့။
alinsett (gazette)
May 14, 2014 at 1:21 pm
စာမူခ = အဟက်
အင်တာနက်မြန်နှုန်း = အဟက်
အဟက် အဟက်
:kwi:
အနာဂတ် = အဟက်
:kwi:
Mr. MarGa
May 14, 2014 at 6:55 pm
သေချာရဲ့လားးး ဟင်
တော်ကြာ လွင်တီးခေါင်လဲ ဖြစ်ပြီး ကျန်နေဦးမယ် :kwi:
snow smile
May 16, 2014 at 5:37 am
အဲ့ လို တွေ ရေး တတ် သူ တစ် ယောက် သာ ရှိ သည်
ဒါ့ ကြောင့် ရွာ ထဲ ဝင် မိ တိုင်း
မ လွတ် တမ်း ဖတ် တယ်