အဲ့ဒီနေ့က
သုရွင္အဲ့ဒီနေ့က
အဲ့ဒီနေ့က
မီးမလာဘူး မေမေ။
သားဖယောင်းတိုင်လေးနဲ့…
စာကျက်ပြီးစာမေးပွဲ ဖြေခဲ့ရပါတယ်။
အဲ့ဒီနေ့က
သိပ်အေးတယ် မေမေ။
သားအင်္ကျီအနွမ်းလေးနဲ့
အစောကြီးထပြီး ကျောင်းသွားခဲ့ရတာ။
အဲ့ဒီနေ့က
သားအိမ် ကျ ပျောက်ခဲ့တယ် မေမေ။
ကျောင်းကအပြန်မှာ
သား အိမ်ကို ရှာမတွေ့ခဲ့ဘူးလေ။
အဲ့ဒီနေ့က
သား ငို ခဲ့တယ် မေမေ။
အသံသာကြားဖူးပြီး
ဘယ်တုန်းကမှ မမြင်ခဲ့ဖူးတဲ့
သယံဇာတ ကျိန်စာတွေ
ထွေးပွေ့ သိမ်းပိုက်ရင်းနဲ့လေ။
သုရှင် ၂၂-၃-၁
3 comments
TNA
March 22, 2014 at 7:07 pm
သမီးကလေးကျေးရွာရဲ့ ကဗျာလေးများလား။
alinsett (gazette)
March 23, 2014 at 6:58 am
အဲဒီနေ့က . . .
ကျနော်လိုလူလည်း အဲဒီနေ့ထဲမှာ ရှိနေတယ်. . .
🙂
ko six
March 23, 2014 at 3:16 pm
အဲဒီနေ့က
အိပ်မက်ထဲမှာ
ယတြာမချေလိုက်ရဘူး
အဲဒီနေ့က
အမေဆိုတဲ့သီချင်းမှာ
ထမင်းဝိုင်းထဲ လူတစ်ဦးမဲ့နေသတဲ့