စက်မှုလယ်ယာတင်ဒါ( ၇.၂.၂၀၁၃) နေပြည်တော် ရုံး(၁၅)

ဒီပွဲမှာ ဓါတုဆေးပစ္စည်း၊ ဓါတ်တိုင်၊ စက်အပိုပစ္စည်း၊ နဲ့ မော်တော်ကားအပိုပစ္စည်း စတဲ့ ပစ္စည်းတွေအတွက်ဝင်ပြိုင်ကြတဲ့ သူတွေကိုလည်း တွေ့ခဲ့ရပါတယ်။ ဒီအဆင့်ထိရောက်လာကြတဲ့ သူတွေကိုလည်း အဘလေး(ဒုဝန်ကြီး)တွေအတွက် Gold lable Whisky တွေယူဆောင်လာကြဘို့ ညွှန်မှူး တို. ဒုညွှန်တို့ ကကြိုတင်ညွှန်ကြားထားပြီးလို့သိခဲ့ရပါတယ်(ညွှန်မှူးဆိုတာ ဒီလိုမျိုးတွေကိုညွှန်ကြားရတာ-အခုမှဘဲသိတော့တယ်)။ဒါကတော့ ဌာနတော်တော်များများမှာ ယဉ်ကျေးမှုဖြစ်နေပြီလေ   ။

အဲဒီလိုနဲ့ နောက်ဆုံးအဆင့် ကုန်ပစ္စည်းသွင်းခွင့်ရတဲ့သူတွေ ထုတ်ပြန်ပါတယ်။ သွင်းခွင့်ရတဲ့သူတွေက ပျော်နေတဲ့မျက်နှာတွေနဲ့ပေါ့။ သွင်းခွင့်မရတဲ့သူတွေကတော့ စိတ်ပျက်အားငယ်ကြတာပေါ့လေ။

ခဏကြာတော့ ဒုဝန်ကြီး ဦးအုန်းသန်းက စကားပြောပါတယ်…အဲ..မှားလို့…ဈေးစရောင်းပါတော့တယ်။

အဲဒီမှာတင်..ခုနကတင်ဒါအောင်ထားတဲ့သူတွေအားလုံး အပျော်တွေရပ်ကုန်ပြီး အီးမှန်ကုန်တော့တာဘဲဗျာ…

ဒီလို..ဒီလိုဗျ..

စိုက်ပျိုးရေးဌာန က ဖျက်သိမ်းတော့မယ့် စက်ရုံတစ်ခုမှ စထော်ဘယ်ရီယိုဘူးတွေကို တင်ဒါအောင်တဲ့ငွေပမာဏကို ကြည့်ပြီး ယိုဘူးတွေကို ဘူး ၅၀ဝ မှ ၁၀၀ဝ ကြား-မယူမနေရ အရောင်းခံရတော့တာဘဲ။ တစ်ဘူးကို(၈၀၀)ကျပ်နဲ့-၅၀ဝ ယူရတဲ့သူဆိုရင်..ငွေ (၄)သိန်းပါသွားပြီလေ။ တင်ဒါပြိုင်တာ အမြတ်တွေအများကြီးရနေတာမှမဟုတ်ဘဲ..။

အားလုံးကမာဂျင်လိုင်းပေါ်မှာ အလုပ်လုပ်နေရတာလေ။ ဒုဝန်ကြီး ဦးခင်ဇော် ကတောင် “ခင်ဗျားယိုရောင်းရင် ကျနော်က ယိုနဲ့စားဘို့ ပေါင်မုန့်ပါတွဲရောင်းရင်ကောင်းမယ်” လို့တောင်ပြောသွားသေးတယ် လို့သိရပါတယ်။

(( ဒီလိုမျိုးတွေက လုပ်ဆောင်ရန် တရားဝင်လုပ်ဆောင်ရန် အစိုးရအဖွဲ့မှာ ညွှန်ကြားမှုများရှိပါသလား))

Good & Clean Government ကိုကြိုးစားနေတယ့် ဆရာကြီးတို့ရေ…ဘာလုပ်ကြမှလဲ ???။

ဖြစ်သင့်ပါလား ?။

သမတကြီးကြိုးစားနေတာအားလုံးကို ကျနော်တို့ပြည်သူတွေ အသိအမှတ်ပြုပါတယ်။

ဒီလူတွေက သမတကြီးရဲ့

(၁) အစိုးရအဖွဲ့ကို အကြီးတန်စေတာလား

(၂) ပါတီကို အကြီးတန်စေတာလား

(၃) သမတက လက်နဲ့ရေးတာကို ခြေနဲ့ဖျက်နေကြတာ ဒီအတိုင်းကြည့်နေမှာလား

(၄) ကျနော်တို့ပြည်သူတွေက ဒါတွေ ယဉ်ကျေးမှုအဖြစ်လက်ခံသင်ယူရမှာလား