ဟောင်းနွမ်းသွားသော ဆန္ဒတစ်ခုသို့ ွ

ဟာင်းနွမ်းသွားသော ဆန္ဒတစ်ခုဆီသို့….

ကြာခဲ့ပြီ..
အချိန်နာရီတွေ ရွေ့လျား
မင်းရဲ့ ကိုယ်သင်းရနံ့ ပါးပါးလေးကို
တပ်မက်ခဲ့မိတာ
စောင့်စည်းခဲ့ရတဲ့ ဆန္ဒတစ်ခုပါ..
ကြံရာမရတဲ့ အဆုံး
နှလုံးသားကို ထိပ်တုံးခတ်ဖို့
ကြိုးစားလိုက်ရတယ်..
ဒါပေမယ့်လည်း
သော့မခိုင်လို့ ပြုတ်ထွက်ပြန်တော့
ရုတ်တရက် ဦးမော့လာတဲ့ဆန္ဒနဲ့
ကံကြမ္မာစစ်တလင်းမှာ
အချစ်တွေ
စစ်ခင်းကြည့်လိုက်ရင်…
…
……….
မျှော်လင့်နေပါရစေ..
သံသယတွေကို ပစ်ခွင်းဖို့
အချစ်မြားတစ်စင်းတော့ လိုအပ်လိမ့်မယ်..
မရဏကို မသွားခင်
မင်းရဲ့ ရင်ခွင်ထံပါးမှာ
အချစ်ထုထည် ခပ်များများကို
သိမ်းဆည်းထားခဲ့ချင်တယ်..
ရှိသမျှအချစ်တွေပုံအောပြီး
ရင်ဘတ်ဟောင်းလော­င်းဖြစ်သွားတဲ့အထိ
ချစ်လိုက်ချင်တယ်..
ခွင့်ပြုပါ..
ပုထုဇဉ်လူသားတစ်ယောက်အတွက်
သံသရာကို မခွာနိုင်သေးလို­့
ဆည်းဆာချိန် နေမဝင်ခင်
ငါပိုင်တဲ့ လက်နှစ်ဖက်နဲ့
တစ်သက်စာ ထွေးပွေ့ခဲ့ချင်တယ်..
အတ္တကို စွန့်ပစ်
လောကဓံရှစ်ကောင်ကို မြင်းလုပ်
လူ့ယဉ်ကျေးမှုကိုအတောင်ပံတပ်ပြီး
သံသရာခရီးကို
စီးနင်းလိုက်ကြရအောင်…
*(လာလေ..
နိဗ္ဗာန်ဖြစ်ဖြစ်
ငရဲဖြစ်ဖြစ်
စိတ်မညစ်နဲ့
ခုန်ချလိုက်စို့
အမှောင်ထဲကို.. လာ
မသိမှုရဲ့ ချောက်ထဲမှာ
အသစ်တစ်ခုတော့
ငါတို့အတွက်
တွေ့မှာ အသေအချာ…။)*
ဝေဒနာ ခရီးလမ်း
ဘယ်လောက်ပဲ ကြမ်းတမ်းပါစေ…
*(နှစ်.. လ.. ရှည်
မျက်ရည်လူး
ငါ…
ရူးရူး.. မရူးရူးပေ့ါ
နောက်ဘဝမကူးခင်
မင်းနဲ့..
လက်ထပ်ဖူးချင်တယ်…။)*
ရူးသွပ်နေကြသူတွေထဲ
ဆည်းလည်းရိပ်ကိုလည်း မခိုဝင်
ကံကြမ္မာကိုလည်း မငြိုငြင်ဘဲ
ငှက်တစ်ကောင်လို…
*(ထုထောင်းတဲ့ မာန်
လောကဓံကို
အနိုင်လှဲဖို့
အသိုက်ထဲက ထွက်ခဲ့ပါ…။)*
ကိုယ့်ရဲ့ ရင်ခွင်မှာ
တစ်သက်တာ
နွေးထွေးတဲ့ အကြင်နာတွေနဲ့
ဘဝခရီးလမ်း
ကိုယ့်ရဲ့လက်ကိုတွဲပြီး
ရဲရဲကြီး လျှောက်လှမ်းနိုင်ပါစေ….။ ။

တောက ကိုရင်
၂၂.၀၂.၂၀၀၅ (WED)
၁၁း၁ဝ (a.m)

မှတ်ချက်။ ။*( )* အငှားသုံးထားသော­စကားလုံးများဖြစ်ပါသီ..။ ။