အမေစုရဲ့ မျက်ဝန်းအိ်မ်မှာ မျက်ရည်ဝဲတဲ့နေ့ (19-11-2012)

ဘာကြောင့်လဲ သိလား
အမေစုရဲ့ ရင်တွင်းပီတိလှိုင်းတွေလေ
ခေတ်အဆက်ဆက်
ကိုယ့်တိုင်းပြည်အတွက် အသက်စွန့်ခဲ့တဲ့
နောင်တော် ညီတော် ကျောင်းသူကျောင်းသားများရဲ့
ရည်မှန်းချက်များ အောင်မြင်တဲ့နေ့ ဖြစ်လို့ပါ။
ငါတို့ရဲ့ မဟာရန်ကုန်တက္ကသိုလ်ကျောင်းတော်ကြီးရဲ့
ဘွဲ့နှင်းသဘင်ခန်းမကြီးမှာ
ကမ္ဘာ့ထိပ်တန်းခေါင်းဆောင်
ငြိမ်းချမ်းရေးနိုဘယ်ဆုရှင်
အမေရိကန်သမ္မတ ဘားရတ် အိုဘားမား
ကိုယ်တိုင် တက်ရောက် ဂုဏ်ပြုစကားပြောကြားခဲ့တဲ့နေ့ဖြစ်တယ်။
ရန်ကုန်တက္ကသိုလ်ကျောင်းတော်ကြီးမှာ
ခေတ်အဆက်ဆက် လှုပ်ရှားခဲ့တဲ့
ကျောင်းသူကျောင်းသားများရဲ့အောင်ပွဲကို
အသိအမှတ်ပြု ဂုဏ်ပြုခဲ့လို့ဖြစ်တယ်။
ဒီလိုပွဲမျိုးဖြစ်မြောက်အောင်
အမေစု ဘယ်လောက်ကြိုးစားခဲ့ရသလဲ
အားလုံးအသိ
ကမ္ဘာအသိပါ။
တစ်သက်လုံး မျက်ရည်မဝဲခဲ့တဲ့
အမေစု ဒီနေ့တော့ ဝမ်းသာလွန်းလို့
မျက်ရည်ဝဲခဲ့ပါပြီ။

မင်းသုတ
22:50 PM
19.11.2012