လွတ်လပ်စွာပျံသန်းပါ
zaw winမင်းဟာ အမြင့်ပျံငှက်ကလေးတစ်ကောင်ပါ
လှောင်အိမ်ထဲမှာမမြင်လိုပါ
မင်းဟာ အနိမ့်မှာလည်း ကျက်စားလို့ရတယ်
အမြင့်မှာလည်း ကျက်စားလို့ရတယ်
မင်းဟာ ပတ်ဝန်းကျင်နဲ့နေလို့လည်းရတယ်
တစ်ဦးထဲလည်း နေထိုင်လို့ရတယ်
မင်းဟာ လွတ်လပ်မှုအပြည့်အဝရထားတဲ့
ငှက်ကလေးတစ်ကောင်ပါ
လောကမှာ မင်းလုပ်ချင်တာလုပ်ယူလို့ရတယ်
ကြိုက်သလိုပုံဖော်လို့ရတယ်
မဆိုင်တဲ့အကြောင်းအရာတွေကို
ခေါင်းထဲမှာ ထည့်မထားနဲ့
ကိုယ်ပိုင်အချိန်တွေ ဆုံးရှုံးလိမ့်မယ်
လွတ်လပ်စွာပျံသန်းပါ ငှက်ကလေး
မင်းရဲ့ရည်မှန်းချက်တွေအောင်မြင်ပါလိမ့်မယ်။
မင်းသုတ
3.7.2001
3 comments
ရွာသူ jujuma .
November 5, 2012 at 3:44 pm
လွတ်လပ်မှု အပြည့်ပေးထားတာပါလား….
လွတ်လပ်ခြင်းမှာ အကန့်အသတ်တော့ ရှိသင့်ပါတယ် …
အရမ်းကြီးလွတ်လပ်သွားရင်လဲ လွတ်ထွက်သွားတတ်ပါတယ် …
aye.kk
November 5, 2012 at 4:28 pm
ခံစားမိပါတယ်။
padauk moe
November 7, 2012 at 7:48 pm
ကောင်းကင်ထက်ဝယ်
ပျံသန်းနေတဲ့ ချစ်ဌက်ငယ်သို့
အလွမ်း အဆွေး အရှင်းကင်းလျှက်
တောင်မှမြောက်သို့ ဘယ်ဆီပျံဝဲ
ပျော်မြူးခြင်းနဲ့ ဌက်ငယ်လေးများ
အားကျမိသည် ငါ၏စိတ်လည်း
ထို့အတူပင် ဖြစ်ချင်စမ်းဘိ
ချစ်ဌက်သိရင် ငါ၏ပုခုံးထက်
ခိုနားလှည့်ကွယ်…………….. အားပေးခဲ့တယ်ဗျာ ပျော်ရွှင်မှုတွေ အောက်မှာ သူငယ်ချင်းတစ်ယောက်
အမြန်ဆုံး လျှောက်လှမ်းနိုင်ပါစေနော်