သန်လျင်သဘာဝတရားရိပ်သာသို့ လူမှုဝန်ထမ်းကယ်ဆယ်ရေး ပြည်ထောင်စုဝန်ကြီး ဦးအောင်ကြည်မှ အလှူငွေ၊ ဆန်အိတ်၊ အဝတ်အထည်များလာရောက်လှူဒါန်း

အလုပ်သမားဝန်ကြီးဌာန၊ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန-ပြည်ထောင်စုဝန်ကြီး ဦးအောင်ကြည် နှင့် ဇနီးတို့ (၂၈-၇-၂၀၁၂) (စနေနေ့)က သန်လျင်မြို့၊ ဘုရားကုန်း သဘာဝတရားရိပ်သာသို့ လာရောက်ပြီး သဘာဝတရားရိပ်သာအတွက် အလှူငွေကျပ် ၁ဝသိန်း၊ ဆန်အိတ် ၁၈၉ အိတ် နှင့် အဝတ်အထည် ၅၀ဝ တို့ကို လာရောက်လှူဒါန်း ခဲ့ပြီး လှူဒါန်းမှုအစုစုတို့အတွက် လှူဒါန်းပွဲ အစီအစဉ်အခမ်းအနား တစ်ရပ်ကို နေ့လည် (၂း၃၀) တွင်သန်လျင်သဘာဝတရားရိပ်သာတွင် ကျင်းပခဲ့ပါသည်။

အခမ်းအနားတွင် လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဦးအောင်ကြည်မှ သဘာဝတရားရိပ်သာမှ
လုပ်ဆောင်နေသော ပရဟိတလုပ်ငန်းများသည် မိမိတို့ဝန်ကြီးဌာနမှ အကောင်အထည်ဖော် လုပ်ဆောင်မည့် လုပ်ဆောင်မှုမျိုးများဖြစ်နေသည့်အပြင် မိမိဝန်ကြီးဌာနမှ မလုပ်ဆောင်နိုင်သော တရားဓမ္မသင်ကြားပေးခြင်းအလုပ်ကိုပါ လုပ်ဆောင်ပေးနေသဖြင့် ဝမ်းသာဂုဏ်ယူကြောင်းနှင့် သဘာဝတရားရိပ်သာအား အစွမ်းကုန်အကူအညီပေးသွားမည်ဖြစ်ကြောင်း ဆရာတော်အားလျှောက်ထားတင်ပြသွားပါသည်။

ဆရာတော်ဦးဥတ္တမသာရ မှ သဘာဝတရားရိပ်သာကို ဘုရားရှင်၏ သာသနာ (ဝါ) သစ္စာတရားအမှန်တရား ကို မှန်ကန်စွာသိရှိရေး လေးလေးနက်နက်နားလည်စေရေးအတွက် အဓိကထား-တရားရိပ်သာဖွင့်လှစ်ထားခြင်းဖြစ်ပါကြောင်း…။
သို့သော် စွန့်လွှတ်-အနစ်နာခံနိုင်မှုစွမ်းအားများဖြင့် ရိပ်သာကို တည်ဆောက်ထားခြင်း ဖြစ်သဖြင့် သစ္စာတရားများ ဟောပြောသင်ကြားပေးမှုအပြင်
ဆင်းရဲဒုက္ခရောက်နေသူ များကိုလည်း လူမျိုး၊ဘာသာမရွေး ၊ ဆင်းရဲ-ချမ်းသာမရွေး၊ လူကောင်း-လူမမာမရွေး၊ သက်ကြီး-သက်ငယ်မရွး၊ ရည်အနည်း-အများမရွေး မခွဲခြား မကန့်သတ်ပဲ ကူညီစောင့်ရှောက်ပေးထားနိုင်ခြင်းဖြစ်ကြောင်း၊ ဥပေဒနှင့် စောင့်ရှောက်ခြင်း ကူညီခြင်း၊ ထိန်းချုပ်ခြင်းမျိုးထက်၊ နားလည်မှု၊ စာနာမှု၊ မေတ္တာထားမှု၊ ကရုဏာထားမှု၊ အများအတွက် အဆုံးရှုံးအနစ်နာခံနိုင်မှု၊ စွန့်လွှတ်ရဲမှု စွမ်းအားများဖြင့် စောင့်ရှောက်ခြင်း အကူအညီပေးထားခြင်းဖြစ်ကြောင်း ရှင်းလင်းဟောကြားပြကာ သာဓုအနုမောဒနာ တရားချီးမြှင့်ခဲ့ပါသည်။

ထို့နောက်ဝန်ကြီးနှင့် အဖွဲ့ဝင်များအား ကော်ဖီ နှင့် မုန့်များဖြင့် တည်ခင်းဧည့်ခံကာ အခမ်းအနားကို ၄း၃ဝ ခန့်တွင် အောင်မြင်စွာ ကျင်းပပြီးစီးခဲ့ပါသည်။

(News from ThaBarWa Centre by SWH)