ကျောင်းသားဘဝကို အမှတ်ရစေသော ကဗျာလေး
thihayarzarအပျော်ဆုံးအချိန်
ကျောင်းတော်ရယ် ဖွင့်ကာစမှာ
ကျွန်တော်ဘဝစိုပြည်လာ
မျိုးတကာ ပေးပါတဲ့ မုန့် ဖိုးပေါင်း
အိတ်ကပ်ဖောင်း သယ်မနိုင်အောင်ပါပဲ
တွန်းလှည်းဖြင့်ကူ။
ဒါပေမယ့် ဘာကြာလိုက်သလဲ
မန်ယူ ပွဲ အဆွယ်ကောင်းရယ်နဲ့
ပိုကာတွဲ အတော်မလိုက်သပ
တစ်ပြားမှ မကျန် …။
မျက်ဖြူလန် အကြံအိုက်လှသပေါ့
ညဉ့်နက်ထိ အိပ်မပျော်
ဪ မထူးတော့ပါဟု
လက်စွပ်ရယ် ထုခွဲလို့ ရယ်မှ
ဆိုင်ကယ်က အပေါင်ဆိုင်
ဒီတစ်ခါမနိုင်ရင်တော့
ဟောင်ပေတော့ တဝုတ်ဝုတ်နဲ့
ခွေးဖြစ်ချည်ရဲ့
နာရီတွေတကြည့်ကြည့် နေမထိထိုင်လို့ မသာ
ပေါ်ပါပြီ G0al Score
မန်ယူပွဲ ( ၄ – ဝ ) တဲ့
အလုံးကြီးရင်မှာကျ လက်ခုပ်တီးထလို့ ခုန်
ပုံအောကာယုံမိသူ ကျွန်တော်မှာလ
ဂိုးသွင်းသူ Ronny ကို ကျန်းမာပါစေကြောင်း
ဆုမွန်ကောင်း တောင်းလိုက်သပ
ကျေးဇူးကြီးပါပေ့ ဆရာရယ် ………
သူငယ်ချင်းတစ်ယောက်ပေးသော ကဗျာလေးဖြစ်သည် .. ကျောင်းသားဘဝနဲ့ တိုက်ဆိုင်လို့လွမ်းမိတယ် ….
6 comments
သားဦး၊မြေးဦး
June 5, 2012 at 6:33 pm
တိုက်ဆိုင်တယ်. ခင်များဘယ်ပျောက်နေတာလဲ။
မဟာရာဇာ အံစာတုံး
June 5, 2012 at 6:39 pm
ကိုပေနဲ့ပေါင်း
ဘောပွဲလောင်း
ကျုပ်ခေါင်းလောင်းသံ ပေးလိုက်ဒယ် ..
မောင်ပေ
June 5, 2012 at 7:31 pm
တိုက်ဆိုင်လိုက်တာနော်
ကျုပ်ဆိုင်ကယ်လေးလဲ အပေါင်ဆိုင်ရောက်နေတာ
ဘယ်အသင်းနှိပ်စက်သွားမှန်း မမှတ်မိတော့ဘူး
ဒီလိုပါဘဲ…
ဖိုးသူတော်စာ ဖိုးသူတော်ဖတ်တတ် တဲ့
MaMa
June 5, 2012 at 11:19 pm
မိဘက ပညာသင်ဖို့ စေလွှတ်တယ်။
ကျောင်းပညာတတ်မတတ်တော့ မသိဘူး။
အဋ္ဌာရဿ ၁၈ ရပ် စုံလာတာတော့ အသေအချာပဲ 🙁
Shwe Tike Soe
June 6, 2012 at 9:10 am
ဟုတ်ပဗျာ… ဒီကဗျာလေးဖတ်ရတော့ မန်းလေး မှာ တက္ကသိုလ်တက်တဲ့အချိန်လေးတွေကို သွားသတိရမိတယ်ဗျာ…
အဆောင်က သူငယ်ချင်းတွေ မရှိအတူရှိအတူ ငတ်တလှည့်ပြတ်တလှည့် နေလာကြတဲ့အချိန်တွေ သိပ်ပျော်စရာကောင်းတာပေါ့ဗျာ…… 😀
thihayarzar
June 6, 2012 at 5:05 pm
ကျွန်တော်လည်း တက္ကသိုလ်ကျောင်းသားဘဝတုန်းက တော်တော်ဆိုးခဲ့တာဗျာ …. မကောင်းတာအကုန်လည်း လုပ်တက်တယ် … ဒီကဗျားလေးထဲကထက်တောင် ကျွန်တော်အဖြစ်ကဆိုးနေသေးတယ် … အရင်ကအချိန်တွေကို ပြန်လည်နှမျောမိတယ်ဗျာ .. စိုင်းထီးဆို်င်ရဲ့ သီချင်းလို အပူအပင်ကင်းတဲ့ ကလေးလေးဘဝ ကို တစ်ခါပြန်ပြီး ရချင်သေးတယ် …….