စုကီနှင့် သူမ၏ အချစ်တော်များ

မနက် (၆) နာရီအလုပ်ဆင်းတော့ Environmental Superintendent လို ့ခေါ်တဲ့ သဘာဝပတ်ဝန်းကျင်မပျက်စီးရအောင် ထိန်းသိမ်းစောင့်ရှောက်တဲ့ ဌာနရဲ ့ဌာနမှုးက ကျနော့်ကို တွေ ့တွေ ့ခြင်း ဒီလိုပြောတယ်။

Suu Kyi..Democracy….Suu Kyi….Democracy

လက်သီးဆုပ်ပြီး အားရပါးရ အော်ဟစ်နေတယ်။ သူပြောတဲ့ စုကြည် ဒီမိုကရေစီ ၊ စုကြည် ဒီမိုကရေစီ….ဆိုတဲ့စကားလုံးကလည်း အတော်ရီစရာကောင်းတယ်။ သူက စုကြည်ကို အသံမထွက်တက်တော့ စုကီ….စုကီ….ဆိုတော့ ကျနော်က ဒီလူ ဘာကိုပြောနေမှန်း မသိဘူးလို ့တွေးနေမိတယ်။ နောက်မှ ဪ…ဒီလူ အန်အယ်ဒီနိုင်တာကို ဝမ်းသာနေပုံရတယ်။ ဒါ့ကြောင့် သူငါတို ့ကိုအားပေးနေတာ ဖြစ်မယ်လို ့။

သူက ဩစီစစ်စစ်ပါ။ ဩစီတွေဟာ ပါးစပ်ကလည်း Fuck ဆိုတဲ့ စကားကို ထည်လဲသုံးပါတယ်။ ဒါကို ကျနော်က ရိုင်းတယ်လို ့ထင်တယ်။ သူတို ့အချင်းအချင်းတော့ ရိုင်းတယ်လို ့မထင်ဘူး။

တစ်ခါတလေကြရင် လူစုံလာရင် သူတို ့ကမြန်မာအစိုးရ အကြောင်းလည်းးပြောတတ်တယ်။

Fucking Junta and Fucking Suu Kyi ဆိုတဲ့ စကားလုံးကြားတော့ အစိုးရအတွက်ဒေါသမထွက်မိပေမဲ့ ဒီကောင်တွေ ဒေါ်စုကို Fucking Suu Kyi လို ့ပြောတာကိုတော့ အတော်တင်းတယ်။ တစ်ခါတလေ ကျနော်လည်း တင်းလာပြီးဆိုရင် Fuck The Shut Up ဆိုတဲ့ စကားလုံးပြန်ပြီတုန် ့ပြန်မှ ဒီကောင်တွေ Fuck Fuck မပြောတော့ဘူး။ အတော်ဆိုးတဲ့ကောင်တွေ။

မိုင်းမှာ အားလုံးလိုလိုက တစ်ယောက်အကြောင်းကို တစ်ယောက်သိပါတယ်။ ဘယ်လောက်ထိသိလဲဆိုရင် ပြီးခဲ့တဲ့ အပတ်က ထမင်းချက်တဲ့ လူတွေက ထမင်းချက်တာ မနပ်လို ့ဆိုပြီး အီးမေးနဲ ့စားဖို မန်နေဂျာကို ထမင်းကို နပ်အောင်ချက်ဖို ့အကြံပေးတဲ့စာကို ကျနော်ရေးပါတယ်။ ဒါကို မိုင်းတစ်ခုလုံးက သိသွားတယ်။ မိုင်းမှာ လူပေါင်း ၈၀၀-လောက်ရှိတော့ ဘယ်လိုလုပ်ပြီးသိသွားသလဲ မသိဘူး။ သူတို ့က နောက်ဆိုရင် ဗမာတစ်ယောက်ပဲရှိတဲ့ ကျနော့်ကို တွေ ့တိုင်း ထမင်းအကြောင်းပဲပြောတော့တယ်။ ဒီလောက်ထိ တစ်ယောက်အကြောင်း တစ်ယောက်သိပါတယ်။ အားလုံးလိုလိုက တောထဲမှာ မိသားစုနဲ ့ဝေးပြီး အလုပ်လုပ်တာဆိုတော့ တစ်ယောက်တစ်ယောက်ဖေးဖေးမမ ပါပဲ။ ကူညီတက်တယ်။

အရက်အတူတူသောက်တယ်။ ပြီးရင် ဘယ်မိန်းမက ဖင် ဘယ်လောက်ကြီးကြောင်း ပြောတယ်။ အင်္ဂလိပ်မတွေလည်း ယောက်ျားတွေထက်ဆိုးတယ်။ အရက်ဝိုင်းမှာ အဆင်ပြေရင် အတူတူ အိပ်ကြရောပဲ။

မိုင်းမှာ ဌာနပေါင်းစုံရှိတယ်။ HR ဌာနစပြီး သင်တန်း၊ လုံခြုံရေး၊ Geology၊ သဘာဝပတ်ဝန်းကျင် နဲ ့ဌာနပေါင်း ၁၀-ခုကျော်လောက်ရှိမယ်ထင်တယ်။ ကျောက်ခဲထဲက ရွှေထွက်အောင်ညှစ်တဲ့အထိဆိုတော့ Process ကာလက ကြာတယ်။ မိုင်းရဲ ့သက်တမ်းက အနည်းဆုံး နှစ်ပေါင်းနှစ်ဆယ်လောက်တော့ တူးလို ့ရတယ်။

အခုလက်တစ်လော နစ်ကယ်ဈေးကြနေတော့ ဩစီက နစ်ကယ်တူးတဲ့မိုင်းက အလုပ်သမားတွေကို အလုပ်လျှော ့နေပါတယ်။ ကျနော်တို ့လည်း ဘယ်တော့ လျှော့တဲ့အထဲမှာပါမလဲမသိပါဘူး။ ကံကောင်းတာက ရွှေ ဈေးနှုံးက ကျတယ်လို ့မှမရှိတာ။ ဒါ့ကြောင့် ကျနော်တို ့ရွှေမိုင်းကတော့ မထိခိုက်နိုင်ဘူးလို ့ပြောပါတယ်။

အလုပ်ထဲက လူတွေအားလုံး မြန်မာပြည်ကို စိတ်ဝင်စားပါတယ်။ မြန်မာပြည်နဲ ့ပက်သက်ပြီး ဦးသန် ့ကိုသိသလို၊ စုကီလို ့ခေါ်တဲ့ ဒေါ်စုကိုလည်း သူတို ့သိပါတယ်။ အတိုက်အခံကို အရမ်းအားပေးပါတယ်။ ဒေါ်စုနိုင်တော့ နယူးဇီလန်က ဘူမိဗေဒပညာရှင်က မင်းတို ့နိုင်ငံမှာ မိန်းမ ဝန်ကြီးချုပ်ဖြစ်အုံးမှာပေါ့လို ့ သူကမှတ်ချက်ပေးတယ်။။ ဒီကိစ္စကို အလုပ်ထဲမှာ မနည်းရှင်းပြရပါတယ်။ ဘာ့ကြောင့်လဲဆိုတော့ သူတို ့အထင် ဒေါ်စုက အစိုးရဖြစ်တော့မယ်လို ့ထင်နေကြလို ့ပါ။ နိုင်ငံတကာမှာ ဒီကိစ္စကို ကျနော်တို ့အနေနဲ ့ရှင်းပြဖို ့လိုအပ်နေပြီ။ ဆိုတော့ ကျနော်က နယူးဇီလန်ကငနဲကို ဒေါ်စုအစိုးရဖြစ်ဖို ့နေနေသာသာ ပါလီမန်မှာ အစောင့်တောင်ရပါ့မလားမသိဘူးလို ့ပဲပြောမိပါတော့တယ်။

၈-ရက်ဆက်တိုက်၊ တစ်ရက်ကို ၁၂-နာရီတိတိ အလုပ်လုပ်ရတော့ အတော်ပင်ပန်းပါတယ်။ အိမ်ပြန်ခါနီးတော့ လူက အတော့်ကိုမောနေပြီ။ မိုင်းကနေ ဘတ်စ်ကားပေါ်တက်ပြီး လေယျာဉ်ဆီကိုတန်းပြေးရပါတယ်။ယူနီဖောင်းတွေကလည်း ညစ်ပတ်နံစော်နေကြပြီ။ ဘယ်သူမှ နပ်ကတိုင်နဲ ့လေယျာဉ်ပေါ်မှာမတွေ ့ပါဘူး။ အားလုံးက ညစ်ပတ်နံစော်နေတဲ့ ယူနီဖောင်းတွေနဲ ့။

လေဆိပ်ရောက်တော့ ညနေဆောင်းနေပြီ။

လေယျာဉ်မထွက်ခင် ဆေးလိပ်သောက်ကြတယ်။ ဟိုအကြောင်းပြော ဒီအကြောင်းပြောနဲ ့။

စုကြည်ကို စုကီလို ့ပြောတဲ့ သဘာဝပတ်ဝန်းကျင်ဌာနက ဌာနမှုးနဲ ့ကျနော်စကားပြောဖြစ်ပါတယ်။ အဓိက ခင်ဗျားတို ့ဘယ်လိုမျိူး မိုင်းမတူးခင်နဲ ့တူးပြီးတဲ့အချိန်မှာ ပတ်ဝန်းကျင်ကိစ္စကို စီမံခန် ့ခွဲလဲလို ့မေးပါတယ်။

သူကတော့ Environmental Impact Assessment ကိုညွန်းတယ်။ ဒါကိုတော့ လူတိုင်းနားလည်ပါတယ်။ အဓိက အစိုးရရဲ ့ဝင်ရောက်စွတ်ဖက်မှုကို ကျနော်သိချင်လို ့ ဒီကိစ္စကို အဓိကထားပြီး ထပ်မေးကြည့်တယ်။

သူက မိုင်းမတူးခင်မှာ အစိုးရဆီမှာ ကုမဏီတိုင်းက အပေါင်ထားတဲ့ငွေ (Bond) တင်ရပါတယ်။ ကျနော်တို ့မိုင်းက ဒေါ်လာ ၂၅-သန်း အပေါင်ထားရတယ်။ တကယ်လို ့အစိုးရရဲ ့မိုင်းနဲ ့ဆိုင်တဲ့ စည်းကမ်းကို မပြည့်မှီဘူးဆိုရင် အပေါင်ထားတဲ့ငွေ ရှုံးပါတယ်။ ဒါ့ကြောင့် ကုမဏီတွေက ဒီငွေမရှုံးအောင် ဒီကိစ္စအတွက် ဌာနသီးသန် ့ရှိရတယ်လို ့ဆိုတယ်။

” ဒီအချိန်မှာ မင်းကို ပြောရင် ပြီးမှာမဟုတ်ဘူး။ လေယျာဉ်လည်း ထွက်ခါနီးပြီ။ နောက်အပတ် ငါ့ရုံးခန်းကို လာခဲ့။ မင်းသိချင်တဲ့စာရွက်စာတမ်းတွေကို ငါ Print ထုတ်ပေးမယ်”

“ဘာ့ကြောင့် မင်းသိချင်တာလဲ” ထပ်မေးပါတယ်။

ကျနော်က-

“မြန်မာပြည်မှာ မိုင်းတွေရှိတယ်။ သူတို ့ကို ရှယ်ပေးချင်လို ့ပါ”

“ဘာမိုင်းတွေရှိလဲ”

“အတော်စုံပါတယ်”

ဒါဆိုရင် မင်းကို ငါကူညီမယ်လို ့ကတိပေးပါတယ်။

ကျနော်ကကျေးဇူးတင်ပါတယ်လို ့ပြောတာ့ သူက မလိုပါဘူးကွာလို ့ပြောတဲ့အထိ မြန်မာပြည်နဲ ့ပက်သက်ပြီး အတော်ကူညီချင်တဲ့ပုံပေါ်ပါတယ်။ ဒီလိုလူမျိူးတွေအများကြီးပါ။ ဒါ့ကြောင့် မြန်မာအစိုးရရဲ ့ပါးစပ်ကသာ ကျနော်တို ့နိုင်ငံအတွက် အကူအညီတောင်းကြည့်ပါ။ ရိုးရိုးသားသားနဲ ့အခမဲ့အကူအညီပေးမဲ့လူတွေတစ်ပုံကြီးပါ။

စုကီ ဒီမိုကရေ၊ စုကီ ဒီမိုကရေစီ