သဗ္ဗာန်စီးပြီး ခရီးနှင်မယ် ချောင်းကလေးထဲဝယ်
weiweiဒီကနေ့တော့ ပူပြင်းလှတဲ့နေရောင်အောက်မှာ သဗ္ဗာန်လေးတစ်စီးနဲ့ ခရီးထွက်ဖြစ်ခဲ့တယ် … တွံတေးမြို့ကနေ ချောင်းကလေးအတိုင်း သဗ္ဗာန်စီးဖြစ်ခဲ့တဲ့ လမ်းတလျှောက် ရှုခင်းလေးတွေကို ဓါတ်ပုံရိုက်ခဲ့လိုက်ပါတယ် …
ဓါတ်ပုံတွေအများကြီးရိုက်ခဲ့ပေမယ့် ပို့စ်ကိုလဲ အပိုင်းမခွဲချင်၊ ပုံတွေသိပ်များရင်လဲ ဖွင့်ရခက်မှာစိုးရိမ်လို့ ဒီလောက်ပဲတင်လိုက်ပါတော့တယ် …. ချောင်းထဲမှာ အသွားအပြန် နှစ်နာရီကြာအောင် စီးနေရင်း မြို့ပြနဲ့မတူတဲ့မြင်ကွင်းတွေကို လေ့လာရေးခရီးစဉ်လိုမျိုး လုပ်နိုင်ရင်သိပ်ကောင်းမှာပဲလို့ တွေးမိတယ် …
31 comments
weiwei
March 13, 2012 at 10:27 pm
ရန်ကုန်ကနေ တွံတေးကို တစ်နာရီသာသာလေးပဲ ကားနဲ့သွားရင်ရောက်ပါတယ် … ချောင်းထဲမှာ လှေစီးရင်း ရှုခင်းကြည့်တာကတော့ သွားချင်ရင် သွားချင်သလောက် လိုက်မောင်းပေးပါတယ် … အသွားအပြန် ၂ နာရီလောက်စီးခဲ့တာကို စင်းလုံးငှား တစ်သောင်းခွဲပေးရတယ် … အရမ်းနေပူလို့ ပင်ပန်းပေမယ့် ပင်ပန်းရကျိုးနပ်တဲ့ ခရီးစဉ်လေးတစ်ခုဖြစ်ပါတယ် ….
MaMa
March 13, 2012 at 10:38 pm
ဝေဝေရေ- ဓာတ်ပုံလေးတွေကြည့်ပြီး ငယ်ငယ်က ချောင်းရိုးတလျှောက်က ရွာတွေကို စက်လှေကလေးနဲ့ သွားလည်တာကို သတိရမိတယ်။
လှေစီးချင်တဲ့ ကိုချောတစ်ယောက် ပန်းတနော်ကို အလှူသွားရင် ပြန်မယ့်အချိန်ကိုငဲ့နေရတာနဲ့ လှေစီးဖြစ်ပါ့မလား မသိဘူး။
မစီးဖြစ်ရင်တော့ အခု ဝေဝေသွားတဲ့ ခရီးစဉ်ကို အစားထိုးပြီး အလျှော်ပေးလို့ရမယ် အတော်ပဲ။ 😀
pooch
March 13, 2012 at 10:38 pm
မဝေ အနားသွားယူခဲ့တာပေါ့လေ အားကျတာ ။ ကျမကတော့ နေပူထဲ သွားပါများတဲ့နေ့ဆို ခေါင်းကိုက်တတ်လို့ 🙁
အဲ့လိုချောင်းတော့ မဟုတ်ဖူး အင်းလေးမှာတော့ စီးဖူးတယ် ၂ ခါလောက် နောက် ရွှေကျင်ချောင်းမှာ တခါ အတော်လေးတော့ စိတ်ချမ်းသာစရာကောင်းတယ်။ ဒါလည်း တမျိုးအမြင်ဆန်းတာပေါ့ ။ အားကျတယ် မဝေကို စိတ်သွားတိုင်းကိုယ်ပါလို့။
weiwei
March 13, 2012 at 10:47 pm
နေပူမိလာတာ အသားတွေတော်တော်မဲသွားလို့ စိတ်ညစ်နေတယ် ….
ရန်ကုန်နွေက အတော်ပူနေပြီ …
တညင်သား
March 13, 2012 at 10:39 pm
ရှုခင်းတွေက အရမ်းမိုက်တယ်… ပန်တနော်သွားရင်ရော ဒီလိုရှုခင်းတွေ ရှိမှာပေါ့နော်
weiwei
March 13, 2012 at 10:44 pm
ပန်းတနော်မှာ အချိန်ရရင် ချောင်းထဲမှာလှေစီးနိုင်တဲ့ အခွင့်အရေးရမယ်လေ … ရှုခင်းတွေက သိပ်မကွာဘူးလို့ထင်ပါတယ် …
Khin Latt
March 14, 2012 at 2:54 am
ဝေဝေရေ – အဲဒါ တွံတေးချောင်း လို့ခေါ်မှာပေါ့နော်။
ရန်ကုန် ကနေပြီး သွားတာလား?
ဟိုရောက်မှ ငှားစီးတာလား?
ချောင်းထဲမှာ ငါးဖမ်းနေတာ စိတ်ဝင်စားစရာဘဲ။
မှို့ပင် ကြီး နောက် က အိမ်ကြီး ကလဲ အကြီးကြီး ဘဲ။ ဘုန်းကြီးကျောင်း လား၊ လူနေအိမ်လား မသိ။
ရှုခင်းလေးတွေ က လှလိုက်တာ။
မြန်မာပြည်မှာ မြေလွတ်မြေရိုင်း တွေ အများကြီး ကျန်သေးတယ် ထင်ရဲ့။
အရီးက ရေမကူးတတ်တော့ အဲလို ခရီး ကို သွားဖို့ မရဲဘူး။
weiwei
March 14, 2012 at 9:52 am
ရန်ကုန်ကနေ ကားနဲ့တွံတေးကိုသွားပြီးမှ လှေစီးခဲ့တာ …
အဲဒီဘက်မှာအလုပ်ကိစ္စလေးတစ်ခုရှိလို့ သွားရင်းနဲ့ အတူသွားတဲ့နိုင်ငံခြားသားတွေက လှေစီးချင်တယ်ဆိုတာနဲ့ အတူလိုက်ပေးခဲ့ရတာ … သူတို့ကတော့ ပျော်လို့ပေါ့ … ကျွန်မကတော့ အသားတွေမဲလာလို့ စိတ်ညစ်သွားတယ် …
ငါးမွေးမြူရေးလုပ်ငန်းတွေအများကြီးတွေ့ခဲ့ပါတယ် … ငါးတင်တဲ့စက်လှေတွေ၊ ငါးစာပို့နေတဲ့စက်လှေတွေ၊ ခရီးသည်တင်တဲ့လှေကလေးတွေနဲ့ စည်စည်ကားကားရှိတယ် … သစ်သားပဲ့ထောင်တည်ဆောက်နေတဲ့လွန်းကျင်းတစ်ခုလဲရှိတယ် … မြင်ခဲ့သမျှကတော့ အဆန်းတွေချည်းပဲမို့ အခုလိုမျှဝေပေးလိုက်ခြင်းဖြစ်ပါတယ် …
aye.kk
March 14, 2012 at 7:47 am
ဝေဝေရေ..
မမြင်ဘူးတဲ့ရှူခင်းလေးတွေ၊တွေ ့ရတာရယ်..
စေတနာနဲ့နေပူထဲမှာအပင်ပန်းခံပြီးဓါတ်ပုံတွေရိုက်ပြီးတင်ပေးထားတာကျေးဇူးပါနော်..။
မလတ်ရေ..တတ်သည့်ပညာမနေသာလို့သိတာလေးပြောပြချင်ပါသည်။
မလတ်ရဲ လက်ဖဝါးပြင်နှစ်ဖက်စလုံးမှာတနင်းလာဂြိုလ်ခုံလွင်ပြင်တဝိုက်သန့်ရှင်းပြီး..
ကြက်ချေခတ်အသေးစားနဲ ့မှဲ ့အမှတ်အသားတို့မရှိပါက၊မပါထားပါကစိုးရိမ်စရာမရှိပါ..
ရေလမ်းခရီးအတွက်(ရေမကူးတတ်လည်းကိစ္စမရှိပါဘူး)လုံးဝအန္တရာယ်မရှိနိုင်လို့ရဲရဲသွားလို့ရပါတယ်..။
Ma Ei
March 14, 2012 at 9:15 am
နေပူပူ လေပူပူမှာ လှေစီးပြီး ခရီးသွားလို့
ရိုက်လာပေးတဲ့ ပုံလေးတွေ အေးချမ်းစိမ်းစိုနေတာဘဲနော်..
ကိုပေါက်(မန္တလေး)
March 14, 2012 at 9:20 am
မဝေရေ
ကျနော်က ချောင်းလေးထဲကို အဲလိုသွားချင်တာ။
ဒီလိုလုပ်ဗျာ
ပန်းတနော်သွားရင် ချောင်းထဲလှေစီးရအောင် ကျနော်တို့အဖွဲ့တစ်ညအိမ်ရင်မကောင်းဘူးလားလို့
ပုံတွေလှ၏။
သစ်ပင်လေးပုံ ပိုလှ၏။
နေပူခံရကျိုးနပ်ပါ၏။
ဆူး
March 14, 2012 at 10:10 am
ညအိပ်ခရီးထွက်ရင် ခရီးစဉ်ကို စိတ်အေးအေး နဲ့ လိုက်နိုင်ကြလိမ့်မယ် မထင်ဘူး။
ပန်းတနော် သွားတဲ့ ခရီးစဉ် အနေအထား အရ.. လှေစီးဖို့ အချိန် သိပ်မရှိလှဘူး။
ဦးဦးပါလေရာ
March 14, 2012 at 9:47 am
လှေတော့ စီးချင်သား …
ရေကူးတတ် မကူးတတ် ကိုယ့်ကို်ယ်ကို မသေချာတော့ နဲနဲတော့ တွန့်တယ်။
ငယ်ငယ်ကတော့ ရေကူးတတ်ပါတယ်။
အခုက ကိုယ်အလေးချိန်က နှစ်ဆနီးပါးဖြစ်သွားပြီလေ..။
ပလုံ ကနဲ တန်းမြုတ်သွားမှဖြင့် …….။
ကြောင်ကြီး
March 14, 2012 at 9:57 am
အဲဒီချောင်းကို ချဲ့ခိုင်းထားလိုက်…။ ကျနော်တို့ အမေရိကန် ရေတပ်သင်္ဘောတွေ ဝင်လာရင် အဆင်သင့်ဖြစ်အောင်လို့ပါ…။
weiwei
March 14, 2012 at 10:09 am
အဲဒီချောင်းတွေက ရေကာတာရှိတယ် … နွေရာသီမှာလဲ ရေထိန်းတံခါးတပ်ထားလို့ ရေမခန်းဘူး … လယ်ယာတွေကို ရေသွင်းစိုက်ပျိုးဖို့အတွက် ချောင်းရေကိုသုံးတယ် …
ထူးဆန်းတာတစ်ခုက တွံတေးတူးမြောင်းထဲကို နွေရာသီမှာ ရေငံဝင်တတ်တယ်တဲ့ … အဲဒါကြောင့် ရေငံမလာခင် ရေတံခါးပိတ်ပြီး တားထားရတယ်လို့ပြောတယ် …
အမေရိကန်ရေတပ်သင်္ဘောတွေ ဝင်လာလို့မရအောင် တွံတေးတူးမြောင်းကနေ ခံတပ်ကောင်းကောင်းလုပ်ထားတာ တပ်ချုပ်ကြောင်ကြီး မသိသေးဘူးနဲ့တူတယ် … 🙂
ဆူး
March 14, 2012 at 10:09 am
မနေ့က သတင်းကြားတဲ့ ချောင်းကလေး ဒီနေ့တော့ ကိုယ်ထင်ပြပြီပေါ့..
မြန်မာပြည်ရဲ့ သဘာဝကျတဲ့ ရှုခင်းမျိုးကတော့ ဘာနဲ့မှ မလဲနိုင်ပါဘူး။
ချောင်းကလေးနဲ့ ရေပေါ်အိမ်ကလေးကလည်း တော်တော် ချစ်စရာ ကောင်းလှတယ်။
Khaing Khaing
March 14, 2012 at 10:27 am
နွေရာသီ နေလည်းလဲပူနေချိန် အိမ်နောက်ဖေး ချောင်းလေးလဲ ရေကုန်ပြီ မောင်ရေမြန်မြန်လာကွယ် ချောင်း ရိုးလေးတစ်လျှောက်မယ် တို့လှေကလေးစီးကြမယ် တို့လှေကလေးစီးကြမယ် …..
လေးပေါက်ရေ ညအိပ်ခရီးတော့မလုပ်နဲ့ဗျို့ မရဘူး….. မိသားစုမပါရင် အိမ်ကမလွှတ်ပါ …..
ဆူး
March 14, 2012 at 1:51 pm
လေးပေါက်က မဒမ် ပါတော့ ခွင့်တိုင်စရာ မလိုတော့ ညအိပ်သွားမယ် ပြောတာ..
etone
March 14, 2012 at 10:57 am
မဝေရေ … မြင်နေကြမြင်ကွင်းမျိုးမဟုတ်ပဲ ချောင်းရိုးတစ်လျှောက်မြင်ရတော့ … ပေါ့ပေါ့ပါးပါးဖြစ်သလို ခံစားမိတယ် … ။ နှစ်နာရီလောက်တောင် ကြာခဲ့တယ်ဆိုတော့ .. ရေမကြောက်လို့ဖြစ်ရမယ် … ဟီး 😀 ..
ညီမဆို .. ဘယ်လောက်သင်သင် .. ရေကြောက်လို့ မကူးတတ်ဘူး … ဒါကြောင့် … သဘောင်္တို့လှေတို့ဆိုလျှင် .. ကန်တော်မင်္ဂလာပန်းခြံထဲမှာတောင် … မစီးရဲဘူး .. ဟိဟိ 😀
weiwei
March 14, 2012 at 11:07 am
ရေကအငြိမ်ဆိုတော့ ကြောက်စရာမရှိပါဘူး … ရေကလဲ တိမ်တယ်လေ …
လှေစီးရင်း ချောင်းထဲမှာ ရပ်ထားတဲ့ ငါးတင်တဲ့စက်လှေကြီးပေါ်တက်ကြည့်ချင်သေးတယ်ဆိုလို့ လှေကလေးကို စက်လှေဘေးကပ်ပြီး တာရာကွင်းကြီးကိုခိုပြီး သင်္ဘောဝမ်းဗိုက်ထဲတောင် ဝင်ခဲ့ရသေးတယ် … ငါးတွေအစုံပဲ တင်ထားတာ .. တစ်ပိသာလောက်ရှိတဲ့ ငါးမြစ်ချင်းတွေလဲ တစ်ပုံကြီးပဲ … ငါးစက်လှေသမားက သဘောကောင်းပြီး လက်ဆောင်အတင်းပေးနေသေးတယ် … ငါးကြီးကိုကြောက်ပြီး မယူခဲ့လိုက်ဘူး …
လတ်လတ်ဆတ်ဆတ်ငါးကို ချက်ခြင်းပြုတ်ပြီး စပါးလင်လေးခတ်သောက်ရင် အလွန်ချိုတယ်တဲ့ … ကင်စားရင်လဲ အရမ်းကောင်းတယ်လို့ပြောနေလို့ နောက်တစ်ခါ လာစားမယ်လို့ စရန်သတ်ခဲ့သေးတယ် …
ရွာသူားတွေကို အစားနဲ့မျှားခေါ်ရင် လိုက်ကြမလားမသိ … 😛
ဆူး
March 14, 2012 at 1:52 pm
အစားနဲ့ မျှားရင် အရင်ဆုံး စာရင်းပေးလိုက်မယ်နော်။
တုံကင် နံပါတ် ၁ ဆူး
Novy
March 16, 2012 at 3:18 pm
လတ်လတ်ဆတ်ဆတ်ငါးကို ချက်ခြင်းပြုတ်ပြီး စပါးလင်လေးခတ်သောက်ရင် အလွန်ချိုတယ်တဲ့ … ကင်စားရင်လဲ အရမ်းကောင်းတယ်လို့ပြောနေလို့
ဝေဝေရေ.. အခုတောင် ချောင်းကမ်းပေးမှာ မီးလေဖိုပြီ ချက်စား ကင်စားချင်စိတ်တောင်
ပေါက်နေပြီ
ပြီးရင်တော့ ချောင်းထဲဆင်းရေကူးကြမယ်လေ
နိုဗွီကတော့ ဒီအရွယ်ထိ ရေဆော့ရရင် အရမ်းပျော်
မဟာရာဇာ အံစာတုံး
March 14, 2012 at 3:05 pm
ပုံလေးတွေက လှတယ် ..
များကတော့ ရေကြောက်တယ် ..
သွားရဲဘူး …
တော်ကြာ အဲလိုသွားနေရင်း ဇာတ်ကားတွေထဲကလို မိကျောင်းကြီး ဝုန်းခနဲ ပေါ်လာမှဖြင့် …
ပြီးတော့ များက ရေလည်း ကူးတတ်ဘူး … လို့ ..
😀
အားပေးသွားတယ်နော် …
ဆူး
March 14, 2012 at 3:10 pm
မဟာရာဇာ အံဇာတုံး ကို ပြောတာ လူမှားပြီး နိပ်မိသွားတယ်။ ဆောတီးပါနော်။
snow white
March 14, 2012 at 3:07 pm
အမရေပုံလေးတွေကလှပါတယ် ရေမကူးတက်ပေမယ် လှေတော့စီးချင်သားအမရေ အမလည်းပုံလှလှလေးတွေရဖို့နေပူထဲမှာ တောင်ရိုက်ထားရတာအမကိုကျေး ဇူးတင်ပါတယ်နော် နောက်ထပ်လည်းပုံကောင်းတာလေးတွေ တင်နိုင်ပါစေနော်
ဆူး
March 14, 2012 at 3:09 pm
အဲဒါ မလက်တို ချောင်း ဖြစ်မလားတောင် မသိဘူး။
မလက်တို ဆိုတာ ငမိုးရိပ်ကို ကြိတ်ပိုးလို့ အကိုက်ခံရပြီး လက်တိုသွားတဲ့ မိချောင်းမ မို့ မလက်တို လို့ ခေါ်တာ။
မဟာရာဇာ အံစာတုံး
March 14, 2012 at 3:16 pm
အောင်မလေး …
များက ကြောက်ပါတယ် ဆိုမှ .. ဗြဲခြောက်နေပြန်ပါပြီ ..
တော်ပြီ .. တော်ပြီ … သွားတော့ဘူး …
တော်ကြာ မိကျောင်း မလက်တိုနဲ့ တွေ့နေမှဖြင့် …
ဒုက်စ …. 😀
ဆူး
March 16, 2012 at 2:55 pm
ငမိုးရိပ်ဆိုတာ ဦးခေါင်း ၁ဝတောင် ရှိတယ် ပြောတာပဲ.. ငမိုးရိပ်ကို ကြိတ်ခိုက်တဲ့ မလက်တို ဆိုတာလည်း ငမိုးရိပ်နဲ့ သိပ်ကွာဘူး ကြားဖူးတာပဲ..
စီးတဲ့ လှေထက်တောင် ကြီးနေအုန်းမယ်။
snow white
March 14, 2012 at 3:08 pm
အမရေပုံလေးတွေကလှပါတယ် ရေမကူးတက်ပေမယ် လှေတော့စီးချင်သားအမရေ အမလည်းပုံလှလှလေးတွေရဖို့နေပူထဲမှာ တောင်ရိုက်ထားရတာအမကိုကျေး ဇူးတင်ပါတယ်နော် နောက်ထပ်လည်းပုံကောင်းတာလေးတွေ တင်နိုင်ပါစေနော် အမကိုဆက်လက်အားပေးနေမယ်နော်
blackchaw
March 14, 2012 at 4:54 pm
နွေရောက်နေတာတောင် ချောင်းရေက တော်တော်များတယ်နော်။
ရေ ကူးတတ်ဘူးဗျ။
ကမ်းခြေရောက်ရင်တောင် ဘောကွင်းပါမှ ရေထဲဆင်းရဲတာ။
လှေသေးရင် စီးရဲဘူးဗျို့။
😀
yaungchikha
March 16, 2012 at 1:25 pm
ချောင်းလေးက သာယာလိုက်တာနော်၊ ပျော်ဖို့ကောင်းမှာပဲ၊ ကျနော် နားတောင်းကျချောင်းထဲ စက်လှေစီးတုန်းကစက်လှေ က ချောင်းအလည်ခေါင်ကျမှ ရပ်သွားလို့ဘုရားတလိုက် ရတာ၊ ရေလည်းမကူးတတ်ဘူးဆိုတော့လေ..