အင်္ဂလန်နောက်တန်း အခက်တွေ့ အင်္ဂလန် လက်ရွေးစင်အသင်းသည် အသင်းခေါင်းဆောင် ရီယိုဖာဒီနန် ဒဏ်ရာရသွားသဖြင့် အဓိက ခံစစ်မှူးအဖြစ် ထည့်သွင်းကစားနေသည့် လက်ဒ်လေကင်းပါ ပေါင်ခြံဒဏ်ရာ ထပ်မံရရှိသွားသောကြောင့် နောက်တန်းအတွက် အကြီးအကျယ် ခေါင်းခဲစရာ ဖြစ်လာရကြောင်း သိရှိရသည်။ ဂါနာ ဆာဘီးယားအား နောက်ဆုံးမိနစ် ပင်နယ်တီဂိုးဖြင့် အနိုင်ရခဲ့သည့် ပွဲစဉ်အတွင်း အာဖရိက ပရိသတ်များအားလုံး မိမိတို့ကို အားပေးခဲ့သည်ဟု အနိုင်ဂိုးရှင် ဂါနာကစားသမား အဆာမိုဂျန်က ပြောကြားလိုက်သည်။ အဆိုပါ အဖွင့်ပွဲ အနိုင်ရလဒ်ကြောင့် ဂါနာသည် ယခုနှစ် ကမာ္ဘ့ဖလားတွင် ပထမဆုံး နိုင်ပွဲရသည့် အာဖရိကအသင်း ဖြစ်လာသလို အုပ်စုမှ တက်ခွင့်ရရေးအတွက်လည်း အလားအလာ ကောင်းသွားပြီဖြစ်သည်။ ဂျာမနီ ဩစတြေးလျအား အနိုင်ရရှိလိုက်ခြင်းသည် အသင်းအတွက် ယုံကြည်မှုကို အမြင့်ဆုံးအဆင့်သို့ ရောက်ရှိစေခဲ့ကြောင်း ဂျာမနီတိုက်စစ်မှူး လူးကက်စ်ပိုဒေါ့စကီးက […]