“နေသာတဲ့နေ့ အပြင်ထွက်ခြင်း” (ဓါတ်ပုံပိုစ်) ဒီမှာမိုးတွေရွာနေတာနေ့တိုင်းလိုလို။ ဒီနေ့တော့ နေသာတော့ ဆိုင်ကယ်နဲ့အပြင်ထွက်ဖြစ်ပါတယ်။ မိုးရွာမယ့်အရိပ်အယောင်မရှိတော့ ရွှေလီမြို့တောင်ဘက်ဖျား လူသူကင်းဝေးတဲ့နေရာထိရောက်ခဲ့ပါတယ်။ တိမ်တွေနဲ့လှပ လွတ်လပ်ကျယ်ပြန့်တဲ့မြင်ကွင်းဆိုတော့ စိတ်ချမ်းသာစရာ။ မြို့ စွန် လူသူတွေ နေတဲ့ အကြားမှာတော့ ငြိမ်းချမ်းသူများရဲ့ ထာဝရလှဲလျောင်းရာနေရာလေးကိုလည်းတွေ့ခဲ့ရ။ အပြန်လမ်းမှာတော့ တိမ်တွေစီးမိုးထားတဲ့မြန်မာပြည်ဘက်က တောင်တန်းများကို မြင်ရပြန်ပါတယ်။ ဘာဘဲပြောပြော စိတ်အေးချမ်းခဲ့ရတဲ့နေရာလေးပါဘဲ.   ကိုပေါက်လက်ဆောင်အလင်းပုံရိပ်များ 12-8-2015  

“နေဝင်စရယ်က ရောင်စုံခြယ်” (ဓါတ်ပုံပိုစ်) အခုရက်ကျနော်ရောက်နေတဲ့အရပ်မှာမိုးနေ့တိုင်းရွာပါတယ်။ တစ်ခါတစ်လေ တစ်နေကုန် တဖွဲဖွဲ။ တစ်ခါတစ်လေတော့လဲရွာလိုက်တိတ်လိုက်။ တစ်ခါတစ်လေ နေပွင့်လိုက်မိုးရွာလိုက်။ မိုးကိုလဲ မရွာစေချင်ပါဘူး။ ဒီအထက်ကရွာတဲ့မိုးကအောက်ဖက်ကလူကိုသွားဒုက္ခပေးမှာသေချာနေတာကိုး။ မိုးရွာတာက အလုပ်ဖွင့်တဲ့ရက် မှာတော့  သိပ်ပြဿနာမရှိ။ အလုပ် လုပ်နေရင်းက အချိန်ကုန်မှန်းမသိကုန်သွားတတ်ပါတယ်။ အလုပ်ပိတ်ရက်မှာတော့ အိမ်ထဲမှာနေရတာပျင်းလာပါလေရော။     ပြီးခဲ့တဲ့ ဥပုဒ်နေ့ ကတော့ မိုးက ဖွဲဖွဲလေးကျလိုက်တိတ်လိုက်နဲ့။ ညနေပိုင်းတော့ မိုးရိပ်ရှိပေမယ့် မိုးကမရွာပါဘူး။ ဒါနဲ့ဘဲအညောင်းပြောဆိုပြီး မြို့အနောက်ဘက်ခြမ်းမှာရှိတဲ့ ကစားကွင်းဘက်ကို လမ်းလျှောက်ဘို့သွားခဲ့ပါတယ်။ ကျနော်နေတဲ့အိမ်နဲ့ဆိုရင်ဆယ်မိနစ်လောက်လောက်ဘဲဆိုင်ကယ်မောင်းရပါတယ်။ အဲဒီနေရာက သစ်တောပင်အစုလေးတွေနဲ့ အုတ်ခင်းလမ်းတဲ့ဆိုတော့ ညနေခင်းမှာလမ်းလျောက်လာသူတွေအများကြီးပါဘဲ။ အဘိုးအဘွားအရွယ်တွေရော လူလတ်ပိုင်းရော ကလေးတွေနဲ့မိသားစုတွေရော လူငယ်လေးတွေရော စည်ကားလှပါတယ်။ အဝင်ဝမှာဆိုင်ကယ် ကားထားခဲ့ရပါတယ်။ ကိုယ်ဘာသာကိုသော့ခတ်။ အစောင့်ရဲတွေရှိပေမယ့် ယာဉ်အပ်ခမပေးရ။ အဲဒီ လမ်းလျောက်စရာနေရာနဲ့ကလေးကစားကွင်းနဲ့တွဲနေပါတယ်။ လာကစားတဲ့ကလေးတွေလဲအများကြီး။ အဲဒိနေ့က […]

“ခါတော်မှီ အလှူ”   ဒီနှစ် ဝါထပ်တော့ ရေကြီးတာပေါ့။ ရေကြီးတာမှ တစ်နိုင်ငံလုံးအတိုင်းအတာနဲ့ ကို ကြီးတာပါ။   အဲတော့ အစိုးရကပစ်ထားတဲ့ရေဘေးဒုက္ခသည်တွေကို ပြည်သူအချင်းချင်းကဘဲ ဝိုင်းကူကြတာပေါ့။ ကိုယ်ဆိုင်ရာ နယ်ပယ် ကိုယ် ကျွမ်းကျင်ရာ နယ်ပယ် ကနေပြီး ကူညီဘို့ ငွေရှာကြရတာပေါ့။ ကျနော်တို့မန်းလေးက ဓါတ်ပုံဆရာများကလဲ ကျုံးနံဘေးမှာ ဓါတ်ပုံတွေခင်းကျင်းပြီး ရောင်းချပြီး လှူဘို့လုပ်ကြတာပေါ့။ အဝေးရောက်နေတဲ့ကျနော်က ဒီပွဲမှာပါချင်ပေမယ့် မပါ နိုင်ဘူး။ မိတ်ဆွေတွေက ဘယ်ပုံ ရောင်းရပြီ ဆိုပြိး ဖေစ်ဘုတ်မှာတက်လာတော့ အားကျ ဝမ်းသာပေါ့။ ဒါနဲ့ကျနော်လဲ ကျနော်ပုံလေးတွေထဲက စိတ်တိုင်းကျတာတွေစုပြီး ဖေစ်ဘုတ်က ကျနော် စာမျက်နှာမှာတင်လိုက်ပါတယ်။ ကြေးသတ်မှတ်မထားပါဘူး ကြိုက်တဲ့သူက ကကြိုက်တဲ့အရွယ်အစားကိုကြိုက်ဈေးနဲ့ဝယ်နိုင်အောင်လို့ပါ. ဒီနေ့မနက်တော့ “ကံသာနွဲ” ဆိုတဲ့မိတ်ဆွေက 6×8 အရွယ်အစားလေးပုံ ကို […]

အမှတ်တမဲ့ရိုက်ချက်များ  

“ဖုံးသုံး………………….” တွေ့ရာ မြင်ရာ အရုပ်ထင် မြင်မြင်သမျှ မှတ်တမ်းတင် အခုရက်ဒီမှာ တစ်ပါတ်လုံးလုံးမုးိတွေရွာပါတယ်။ နေသာတဲ့ တစ်ရက် အပြင်ထွက်ကြည့်တော့ အဝေးမှာမုးိငွေးတွေ။ အဲ့ဒီတောင်တန်းတွေက မြန်မာပြည်ပိုင်တဲ့ နယ်ပါ။ မိုးဆက်တိုက်ရွာတော့ ရွှေလီမြစ်တောင်ရေပြည့်လာပါတယ်။ ဒါပေမယ့် ရေက အောက်ဖက်ကို ဆက်တိုက်ဆင်းသွားတော့ ဒီမှာရေမကြီး။ ဒီကဆင်းတဲ့ရေတွေက ကသာဘက်ကိုရောက်သွားမှာပါ။ ကန့်ဘလူဘက်ရေကြီးတယ်ဆိုတာ ဒီရေတွေရောပါသလားလို့တွေးမိပါတယ်။ ရေတွေပြည့်လာတယ်ပြောပေမယ့် တံတားနဲ့ထိဘို့အများကြီးလိုပါသေးတယ်။ သစ်ပင်တွေရှိတော့ မိုးမှန်လေမှန်။ မိုးမှန်လေမှန်တော့ သစ်ပင်တွေ စိမ်းစို။ ဒါကသဘာဝရဲ့ ဆက်စပ်မူ့တွေပါဘဲ။ ရာသီဥတု သာယာတော့ လူတွေလဲနေရတာ စိတ်အေးချမ်းသာရှိသပေါ့။ နောက်ရက်ညနေ မိုးတစ်နေကုန်တိတ်တော့ လမ်းလျောက်ထွက်ခဲ့ပါတယ်။ ကိုယ့်ဆီမှာမိုးမရွာပေမယ့် ဟိုဘက်မှ မိုးက ရွာလိုက်တိတ်လိုက်ဖြစ်နေတယ်ထင်ပါရဲ့ သက်တန့်တွေပေါ်လာတယ်။ ကျနော်ဓါတ်ပုံရိုက်တဲ့သက်တမ်းတစ်လျောက် သက်တန့်ကို ပီပီပြင်ပြင်မဖမ်းဘူးသေးပါဘူး။ တက်သိမ်းအင်းညနေစောင်းလေးမှာတစ်ခါတောွရဘူးပါတယ်။ အခုပြန်ကြည့်တော့စိတ်တိုင်းမကျ။ ဓါတ်ဆရာများကလဲ သက်တန့်ဖမ်းရင်သက်တန့်အကွေးကြီးသက်သက်ထက် အထင်ကရ […]