“ဖုံးသုံး………………….” တွေ့ရာ မြင်ရာ အရုပ်ထင် မြင်မြင်သမျှ မှတ်တမ်းတင် အခုရက်ဒီမှာ တစ်ပါတ်လုံးလုံးမုးိတွေရွာပါတယ်။ နေသာတဲ့ တစ်ရက် အပြင်ထွက်ကြည့်တော့ အဝေးမှာမုးိငွေးတွေ။ အဲ့ဒီတောင်တန်းတွေက မြန်မာပြည်ပိုင်တဲ့ နယ်ပါ။ မိုးဆက်တိုက်ရွာတော့ ရွှေလီမြစ်တောင်ရေပြည့်လာပါတယ်။ ဒါပေမယ့် ရေက အောက်ဖက်ကို ဆက်တိုက်ဆင်းသွားတော့ ဒီမှာရေမကြီး။ ဒီကဆင်းတဲ့ရေတွေက ကသာဘက်ကိုရောက်သွားမှာပါ။ ကန့်ဘလူဘက်ရေကြီးတယ်ဆိုတာ ဒီရေတွေရောပါသလားလို့တွေးမိပါတယ်။ ရေတွေပြည့်လာတယ်ပြောပေမယ့် တံတားနဲ့ထိဘို့အများကြီးလိုပါသေးတယ်။ သစ်ပင်တွေရှိတော့ မိုးမှန်လေမှန်။ မိုးမှန်လေမှန်တော့ သစ်ပင်တွေ စိမ်းစို။ ဒါကသဘာဝရဲ့ ဆက်စပ်မူ့တွေပါဘဲ။ ရာသီဥတု သာယာတော့ လူတွေလဲနေရတာ စိတ်အေးချမ်းသာရှိသပေါ့။ နောက်ရက်ညနေ မိုးတစ်နေကုန်တိတ်တော့ လမ်းလျောက်ထွက်ခဲ့ပါတယ်။ ကိုယ့်ဆီမှာမိုးမရွာပေမယ့် ဟိုဘက်မှ မိုးက ရွာလိုက်တိတ်လိုက်ဖြစ်နေတယ်ထင်ပါရဲ့ သက်တန့်တွေပေါ်လာတယ်။ ကျနော်ဓါတ်ပုံရိုက်တဲ့သက်တမ်းတစ်လျောက် သက်တန့်ကို ပီပီပြင်ပြင်မဖမ်းဘူးသေးပါဘူး။ တက်သိမ်းအင်းညနေစောင်းလေးမှာတစ်ခါတောွရဘူးပါတယ်။ အခုပြန်ကြည့်တော့စိတ်တိုင်းမကျ။ ဓါတ်ဆရာများကလဲ သက်တန့်ဖမ်းရင်သက်တန့်အကွေးကြီးသက်သက်ထက် အထင်ကရ […]

ဖုန်းနဲ့ဖမ်းတဲ့ ဖိုတို  အမှတ်နှစ်   အခုရက် ဒီမှာမိုးနေ့တိုင်းရွာပါတယ်။ တစ်ပါတ်လုံးနီးပါးရွာတာပါ။ မိုးသဲကြီးမဲကြီးရွာပြီးနောက်တစ်ရက် ညနေခင်းမှာမထင်မှတ်ပါဘဲတိမ်တွေအရောင်ပြောင်းလို့လာတာကိုမြင်လိုက်ရတော့ ကမန်းကတမ်းဘဲဖုန်းနဲ့အရအမိဖမ်းလိုက်ပါတယ်။ နောက်ရက်တော့ မိုးမရွာပေမယ့်မိုးတွေအုံ့မိူင်းလို့နေပြန်ပါတယ်။   ကိုပေါက်လက်ဆောင်အလင်းပုံရိပ်များ 26-7-2015

“လက်ဆော့ထားသော ပုံများ”   အရင်က ကျနော်ရိုက်ထားတဲ့ပုံတွေကိုမပြင်ဘဲ ဒီအတိုင်းတင်လေ့ရှိပါတယ်။ နောက်ပိုင်း ဓါတ်ပုံသမားတွေနဲ့ပေါင်းမိတော့ အနည်းနဲ့အများ ပုံကိုပြင်ကြတာကိုတွေ့ရပါတယ်။ ကျနော်မိတ်ဆွေတွေက ကျနော်ကိုလဲ ပုံပြင်ဘို့ ပြောပေမယ့် ကျနော်က ပြင်တာကိုသိပ်မနှစ်သက်။ တစ်ယောက်က ဘယ်လိုပြောလဲဆိုတော့ “မိန်းကလေးတစ်ယောက်ဗျာ ဖီးဖီးလိမ်းလိမ်းနေရင် ပိုမလှပေဘူးလား”လို့ပြောလာတော့ သူပြောတာ မှန်တယ်လို့တွေးမိပါတယ်။ ဒါပေမယ့် မိန်းကလေးတစ်ယောက်လွန်လွန်ကဲကဲ အလှပြင်ထားရင်ကျနော်က မနှစ်သက်တတ်။ ထို့အတူဘဲ ပုံကို လွန်လွန်ကဲကဲပြင်ထားရင် ကျနော်သဘောမကျပါ။ နည်းနည်းပါးပါးတို့ရုံထိရုံလောက်ကတော့  သိပ်မဆိုးဟုထင်ပါတယ်။ ကျနော်က ဖိုတိုရှော့ မသုံးတတ်ပါ။ ကိုစိန်သော့ပြပေးထားတော့  လိုက်ရွမ်းနဲ့တော့ နည်းနည်းဆော့တတ်ပါတယ်။ လက်ဆော့တတ်သူတစ်ယောက် ထပ်လက်ဆော့ထားတာလေးတွေကို ပြချင်ပါသေးတယ်။ သည်းခံပြီးကြည့်ကြပါတော့။   ဒီနေရာလေးက ကျနော်ခေတ္တရောက်နေတဲ့ရွှေလီမြို့ရဲ့ တောင်ဘက်က စိုက်ခင်းတွေဘဲဖြစ်ပါတယ်။ မိတ်ဆွေတစ်ယောက် က အလည်ရောက်လာတော့ တောင်တန်းတွေကိုနောက်ခံထားပြီးရိုက်ချင်တယ်ပြောတာနဲ့ လိုက်ပို့ရင်း ကိုယ်ပါရောရိုက်လာတာပါ။   […]