“သင်္ကြန်အထူးလျော့ဈေးနော်”     ဒီလိုသင်္ကြန်ရက်ရောက်ရင် ကျနော်ဖိနပ်ဝယ်လေ့ရှိပါတယ်။. အထူးလျော့ဈေး ဆိုတော့ တကယ်လဲ သက်သာလို့ပါ။ ပုံမှန်တစ်သောင်းကျော် ဆိုတဲ့ ဖိနပ်က ဒီအချိန်ဝယ်ရင်လေးငါးခြောက်ထောင်။ ရွေးတတ်ရင် ကောင်းတာရပါတယ်။ ပုံရောင်းတော့ ပြောင်လက်ဝင်းသန့် မနေပေမယ့် စီးပျော်ပါတယ်။ ကင်းဘတ်ဖိနပ် လမ်းလျောက်ရင်စီးဘို့ဝယ်လိုက်တယ် တစ်ရံ4500။ ရိုးရိုးဖိနပ်က 5500 တစ်ရံဝယ်ရင် တစ်ရံ လက်ဆောင် ။ ပုံထားတဲ့အထဲက ကြိုက်တာရွေးယူ။ အဲတော့ ဝယ်ဖြစ်တာပေါ့။ အပြန်လမ်းမှာတော့ 39လမ်းနဲ့42လမ်းကြား 84လမ်းပေါ်က ဆိုင်အချို့ကိုလက်ဆော့လာပါတယ်။ ဒီလိုအချိန်မှာဆိုရင် 29-35ကြား လမ်း80ပေါ်မှာ 39-42ကြား84လမ်းမှာသင်္ကြန်အထူးလျော့ဈေးဆိုင်တွေအရမ်းပေါပါတယ်။ ဈေးဝယ်တွေနဲ့လဲစည်ကားနေတတ်ပါတယ်။ ကဲ နောက်ရက်တွေဖွင့်သေးတယ်. သင်္ကြန်လျော့ဈေးဆိုင်လေးတွေကို ဈေးဝယ်ထွက်လို်က်ကြရအောင်။     ကိုပေါက်ရဲ့စနက်ရှော့မဟုတ်တဲ့လက်ဆော့။ 9-4-2013           […]

  “မန်းလေးလာလို့ ဘုရားကြီးရောက်ရင် လုပ်အားနဲ့ကုသု်ိလ်ယူကြပါ”     မန်းလေးမြို့ရဲ့နံနက်ခင်းကို စတင်ဖွင့်လှစ်တဲ့အချိန်ကတော့ မဟာမုနိရုပ်ရှင်တော်လို့နာမတော်ရှိပြီး ကျနော်တို့ မန်းလေးသားတွေအလွယ်ခေါ်လေ့ရှိတဲ့ ဘုရားကြီး ကို မျက်နှာသစ်တော်ရေ ဆက်ကပ်ချိန်ဖြစ်ပါတယ်။ ဘုရားဆင်းတုတော်ကို သက်တော်ထင်ရှားရှိသည့်အလား နေ့စဉ့် မျက်နှစ်သစ်တော်ရေဆက်ကပ်ခြင်းကို ရှေးနှစ်ပေါင်းများစွာကတည်းက ဆောင်ရွက်ခဲ့သည်မှာ ယနေ့ထိ စဉ်ဆက်မပြတ်ဆောင်ရွက်နိုင်ဆဲ။ မျက်နှာသစ်တော်ရေ ဆက်ကပ်ရာတွင်အသုံးပြုသောအမွှေးနံ့သာရည်အတွက်  သနပ်ခါးများကို ဘုရားကြီးမြောက်ဘက်စောင်းတန်း၏ အရှေ့ဘက်တွင် သွေးကြပါသည်။ ဘုရားဖူးလာရောက်သူများက တစ်ယောက်တစ်လက် သနပ်ခါးသွေးကာ ကုသိုလ်ယူကြစမြဲ။ မသိသေးသောသူများအတွက် မျှဝေပေးလိုက်ပါတယ်။ ဘုရားကြီးမြောက်ဘက်မုဒ် စက်ဘီးအပ်လက်ခံသောနေရာ၏ အနောက်တည့်တည့်တွင်ရှိပါသည်။ ရောက်တုန်းရောက်ခိုက် ကုသိုလ်ယူနိုင်ပါသည်။     ကိုပေါက်လမ်းသလားနေသည် 7-4-2013        

တူညီ၍ မတူညီသော အလှတရား (ဆွမ်းဦးပုညရှင်-စစ်ကိုင်း) ကျနော်ငယ်စဉ်ကတည်းက နှစ်သက်တဲ့မြင်ကွင်းတွေထဲမှာ စစ်ကိုင်းတောင်ဆွမ်းဦးပုညရှင်ဘုရားကုန်းတော်ရဲ့ အရှေ့ဘက်ခြမ်းကနေ လှမ်းမြင်နေရတဲ့မြင်ကွင်းတစ်ခုလဲ ပါ ပါတယ်။ တရုပ်စံကားပင်များရဲ့ သင်းပျံ့တဲ့ရနံ့များကလဲ ကျနော်စိတ်ကို ညွှတ်နူးအောင်ဆွဲဆောင်နိုင်ပြန်ပါတယ်။ ကုန်းမြင့်များပေါ်က စေတီပုထိုးများ သူ့ရဲ့အရှေ့က မြစ်မင်းဧရာ နဲ့သဲသောင်ပြင်များ ကို လှပစွာမြင်တွေ့နေရ။ ကြည်လင်သောနေ့များမှာ ဟိုး အဝေးမှာရှိနေတဲ့ မန္တလေးတောင်ကို မပီမသမြင်ရတတ်ပါတယ်။ ရင်ပြင်တော်ပေါ်ကနေကြည့်လိုက်ရင် ကျယ်ပျံ့လွတ်လပ်သောရူ့ခင်းကိုမြင်ရခြင်းက စိတ်ကိုပိုမိုကြည်နူးစေပြန်ပါတယ်။ ကျောင်းသားဘဝကတော့ စစ်ကိုင်းတောင်ဆိုတာ ခြေလျင်တက်ရတဲ့ အရပ်ဒေသ။ မန်းလေးသူမန်းလေးသားများ စစ်ကိုင်းဘက်ကို ကူးပြီး ကထိန်ပွဲတော်ကျင်းပလေ့ရှိတဲ့ တန်ဆောင်မုန်းလပြည့်နေ့မတိုင်ခင် အဖိတ်နေ့မှာတော့ အများနည်းတူ စစ်ကိုင်းတောင်ပေါ်ကိုတက် ညလုံးပေါက်လျောက်လည်ခဲ့ရတဲ့ နေ့ရက်များကတော့ ဘဝမှ အမှတ်ရစရာ။ တောင်ပေါ်တက်ရင်းညောင်းတော့ လရောင်ဖြာနေတဲ့ မြစ်ပြင်ပေါ်မှာ မီးထွန်းထားတဲ့လှေငယ်လေးများကထွက်လာတဲ့ မှိတ်တုတ်တုတ်အရောင်လေးတွေကိုကြည့်ရင်းငေးမောခဲ့။ မြစ်ရေပြင်မှာမျောပါလာတဲ့ မီးဖောင်လေးတွေကြည့်ရင်းဘယ်ကိုမှန်းမသိလွမ်းခဲ့ရတာတွေကို ပြန်တွေးမိတော့ ပြန်လွမ်းမိပါတယ်။ […]

  ချစ်လှစွာသော     ကျနော်ငယ်စဉ် ကလေးဘဝကတည်းက တရုပ်စံကားပင်ရဲ့ ဖွဲ့တည်ပုံရော စကားပွင့်လေးတွေရဲ့အနံ့ရော အပွင်ဖြူဝါဝါလေးတွေပါနှစ်သက်ပါတယ်။ ကျနော်ဆယ်တန်းအောင်ပြီးတော့တက်ခဲ့တဲ့ သင်တန်းကျောင်းတစ်ခုလုံးကလဲ စကားပင်တွေအပြည့် ။ မွှေးမြနေတဲ့ စကားပန်းရနံ့များက သတိရစရာ။   “စကားပွင့်လေး တစ်ပွင့် နှစ်ပွင့် အိ်ပ်နေအချစ်ကလေးမျက်လုံးပွင့်။ မျက်နက်ဝန်းလေးတစ်စုံနှစ်စုံ တိတ်တိတ်ကလေးရင်တွေခုန်……………….” ဘာညာကွိကွ ကဗျာတွေရေးခဲ့ကြတာပေါ့။ အဲဒီတုန်းက မောင်ပန်းမွှေးကဗျာခေတ်ကိုးဗျ။   စစ်ကိုင်းတောင်ရဲ့ သင်္ကေတမှာလဲ တရုပ်စံကားပင်က မပါမဖြစ်။ စစ်ကိုင်းတောင်ပေါ်က ဆွမ်းဦးပုညရှင်ရောက်တဲ့တစ်ရက် စံကားပန်းတွေပွင့်နေတာမြင်တော့ စိတ်က အတိတ်တွေဆီပြန်ရောက်သွား။ အဲတော့ငယ်စဉ်ကတည်းက  ချစ်လှစွာသောစကားပွင့်လေးများကို အခုကြီးလာတော့လဲ ဒီတရုပ်စကားကိုနှစ်သက်ဆဲပါဘဲ။     ကိုပေါက်လမ်းသလားနေသည် 4-4-2014              

  လိမ္မော်ရောင်နံနက်ခင်းလေး       ဒီနှစ်ကတော့ ကျနော်အပျင်းကြီးတဲ့နှစ်လို့သတ်မှတ်ရင်ရနိုင်ပါတယ်။ ဇန်နဝါရီလ ရန်ကုန်က ပြန်လာပြီးကတည်း ရာသီဥတုအေးတာ ပင်ပန်းတာ ညတစ်နာရီထိုးလောက်မှအိပ်ဖြစ်တာကိုအကြောင်းပြပြီး မနက် မနက် ခါတိုင်းလို့ လမ်းမလျောက်ဖြစ်။ တစ်ရက်လျောက် နှစ်ရက်နားကြာတော့ လူက အပျင်းလူသားဖြစ်လာပါတယ်။ မတ်လရောက်ရင်တော့ နေ့တိုင်းလျောက်မယ် ကြံစည်ပေမယ့် တစ်ရက်လျောက် နှစ်ရက်နား ဆိုတော့ ကိုယ့်ကို ကိုယ်လဲ အားမရ။ အဓိက အချက်က ဓါတ်ပုံ ရိုက်ချင်စိတ်မရှိတာလဲ ပါ ပါတယ်။ တစ်ရက်တော့ လမ်းမလျောက်ဖြစ်ဘဲ အိမ်ရှေ့ထွက်အရပ် လိမ္မော်ရောင်ကောင်းကင်တွေ့လိုက်တော့ ကင်မရာယူပြီး ကျုံးနံဘေးကို အပြေးအလွားသွားတော့ တကယ်ကို မှီတယ်ဆုိုရုံလေးပါဘဲ။ ဓါတ်ပုံ ဆယ်ပုံလောက်အရ နေမင်းက ပုန်းနေတဲ့ တိမ်ကြားကထွက်လာတော့ အမြင်မလှ။   ကိုပေါက်လက်ဆောင်မြန်မာပြည်မှအလှတရားများ 3-4-2013   […]

    4   “ဝါစိမ်းနီ တစ်ထွေ အလွမ်းစေ………………..”     အခုရက်ပိုင်းမှာတော့ မန်းလေးနွေအစမှာကို အတော်လေးပူနေပါပြီ။ အရှေ့တောင်ဘက် ကျုံထိပ်ကိုရောက်တဲ့ တစ်ရက် ကျူံးမြို့ရိုးနီနီ။ ကျုံးရေပြင်စိမ်းစိမ်း။ အုတ်ခုံနံဘေးမှာပေါက်နေတဲ့ ညောင်ပင်က ရွက်ဝါတွေနဲ့အပြည့်။ လက်ဆော့မယ်ဆိုပြီး ဆုံးဖြတ်လိုက်ပါတယ်။ ကံကောင်းခြင်တော့ ကျုုံးနံဘေးက သံဇကာတစ်ခုက ပြုတ်နေပါတယ်။ ဒါနဲ့ဘဲ ကျုုးအတွင်းဘက်က အုတ်ခုံလေးထဲ ကုတ်ကုတ်ကပ်ကပ်နဲ့ဝင်ပြီးလက်ဆော့ခဲ့ပါတယ်။ လှမလှကတော့ …………………….     ကိုပေါက်လက်ဆောင်မြန်မာပြည်မှအလှတရားများ 1-4-2013          

“အရုဏ်”   နံနက်ပိုင်းလမ်းလျောက်တဲ့ရလဒ်ကတေ့ စိတ်ကြည်လင်ခြင်းပါဘဲ။ ဒါပေမယ့် ၂၀၁၃ ခုနှစ်ရန်ကုန်ကပြန်လာကတည်းက လမ်းမလျောက်ဖြစ်ပါဘူး။ သိပ်အေးလွန်းတော့ စောစောမထနိုင်။ နောက်ကျမှလျောက်ရင်လဲ အလုပ်မမှီ။ ဒါပေမယ့် အလုပ်ပိတ်ရက်ဆိုရင်တော့ကြိုးစားပြီးလျောက်ဖြစ်ပါတယ်။ မတ်ချ်လရက်များမှာတော့ လမ်းပြန်လျောက်ဖြစ်ပါတယ်။   အရုဏ်မှာထွက်ပေါ်လာသောနေမင်းနီနီ၊ ဝမ်းစာအရှာထွက်သောလှေငယ်။ ခိုမှီတွယ်နေသောပိုးမျှင်များ၊ အရိုင်းပြိုင်းပြိုင်းအရွက်မဲ့သောရိုးတံများ။ အင်းရေပြင်ပေါ်ရေသောက်ဆင်းနေသောနံက်ခင်းရောင်ခြည်၊ ကမ်းစပ်မှာအလေ့ကျပေါက်နေသောခြံနွယ်များ တွဲလောင်းကျနေသောသစ်ရွက်အို တစ်စထက်တစ်အလင်းရင့်လာသောနေမင်း၊   အားလုံးပေါင်းစုကြည့်လိုက်တော့ ကြည်နူးဘွယ်အရုဏ်နံနက်ခင်းလေးဖြစ်သွားခဲ့ပါတယ်။       ကိုပေါက်လမ်းသလားနေသည် 24-3-2013                    

    “စိမ်းမြအေးရိပ်တွင် တစ်မှေးအိပ်စက်ခြင်း”   တစ်စထက်တစ်စ ပူနွေးလာသော ကမ္ဘာမြေ။ ရေခဲတောင်တွေ အချိန်မတော် ပျော်ကျ ရေကြီးတဲ့နေရာကြီး။ မိုးခေါင်တဲ့နေရာခေါင် လေတိုက်သောနေရာတိုက် မြေပြိုတဲ့နေရာပြို ဖြစ်လိုက်ပြီဆိုမှ အသဲအသန် ယိုယွင်းလာသောဥတုရာသီနဲ့အညီ မမျှတသောအဖြစ်အပျက်များ ရှောင်လွှဲသွားချင်လို့မရ။   ဖြစ်ချင်သလိုဖြစ်နေတဲ့လောက မမျှတခြင်းများနဲ့အမြဲကြုံ ပေါများသူ ပေါသထက်ပေါ ခက်ခဲသူခက်သထက်ခက် ဘက်လိုက်တဲ့လောကပါလ တိုင်တည်စရာလူမရှိ သိသိကြီးနဲ့ငုံ့ခံ လောကဓံဆိုတာ ဒါမျိုးပေါ့။   သဘာဝကအဆစ်ပေးလိုက်တဲ့ ဝမ်းလေးတစ်ထွာ၊ ဆန့်လိုက်တော့ အူဂင်္ဂါ ငြိမ်သက်အောင်ဖြည့်စွက် ခက်ခဲတဲ့နေ့စဉ်။ -ရှာရဖွေရ မောပါ့ အချိန်တိုင်း ခေါင်းတွေပူ ကိုယ်တွေကိုက် စိတ်တွေနာ ကြံရာမရ။ လာမယ့်ဘေး ပြေးတွေ့လို့ရအောင် စိမ်းမြသောသစ်ပင်ရိပ် ခဏလေးမှေးအိပ်လိုက်ပါအုံးမယ်။   ကိုပေါက်လက်ဆောင်အတွေးစဉ် 22-3-2013       […]