Poetry – Page 35 – Myanmar Gazette Print News Media Forum Network

အလွမ်းကိုပုံဖော်ကြည့်တော့ အနမ်းတွေကတစ်ပွေ့တစ်ပိုက်နဲ့။ ဆောင်းကမအေးသေးဘူး ချစ်သူ အပြောင်းအလဲတွေထဲမှာတော့ ကိုနွေးထွေးချင်နေပြီ။ အသိဆိုတဲ့စိတ်တွေထဲမှာ သတိရခြင်းတွေက ကပ်ကပ်ပါလာတယ်။ အဝေးမှာ အဝေးမှာ အဝေးမှာဆိုတဲ့စကားလုံးကို ကိုသတ်ပုံတွေမှားမှားပေါင်းတယ်(သိရက်နဲ့) နှလုံးသားချင်းနီးနေတာပဲ ဟင့်အင်း အမြဲတမ်းနီးစပ်ချင်ပြီဆို အဲ့ဒါ ကိုယ့်အတ္တဖြူပါ….ချစ်သူ။ နောက်ကျတဲ့ဆောင်းရယ် နောက်ဆုံးအချစ်ဆိုတဲ့ ကို့အချစ်ရယ် ဘဝဟာ တစ်ခါတစ်လေတိုက်ဆိုင်မှုတွေများခဲ့တယ်။ ဟုတ်တယ် ၁၄ခုနှစ် နိုဝင်ဘာက ဖောက်ပြန်တယ် မင်းအပေါ်မဖောက်ပြန်ဘူးလို့ ရဲရဲကတိပေးတယ်။ အလွမ်းက အလွမ်းပါပဲ နိုဝင်ဘာမှာ လွမ်းတဲ့အလွမ်း။ နွေးထွေးမှုတွေ ပေးမယ့်အလွမ်း စောင့်ဆိုင်းခြင်းနဲ့အတူ လွမ်းတဲ့အလွမ်း ကို့ရဲ့………………. နိုဝင်ဘာ……အလွမ်း။ ………………………………… ရင်နှင့်ရင်း၍ အောင်မိုးသူ ၂၀၁၄ခုနှစ် ၁၂ရက် နိုဝင်ဘာ

” မျိုးဇာတိဂုဏ် “ ကျီးတွေရဲ့ အလေ့အထ တစ်ကောင်ထိရင် ဝိုင်းအာကြ ဘာလို့အဲလို ဖြစ်လဲဆို အမျိုးစောင့်ကြ သူတို့ကို ခဲမှန်မိတဲ့ ကျီးတစ်ကောင်အဖြစ် ကန့်ကွက်အော်ဟစ် ညီပါ့အစစ် မျိုးချစ်စိတ်ဓာတ် ပေါ်လွင်တယ် ဘယ်သူခွဲခွဲ ဒို့မကွဲ အမြဲစည်းလုံးမယ်။ ခင်ခ။

တိုက်ပွဲ အနိုင်နွှဲနေကြတယ် ယိုင်လဲနေတဲ့စိတ် လောကတိုက်ပွဲကြားမှာ မောဟတွေ တိုက်စစ်နဲ့ ငါလိုက်ပစ်ခဲ့တာ { အနိုင်ရမိရဲ့လား} ကျရှုံးနေတဲ့စိတ်ဓာတ်ကို အရှိန်မြှင့်ဖို့ တိုက်စစ်ကိုဖွင့်ကစားခဲ့တယ် ငါမမြင်လိုက်ဘူး မာယာတွေမြုပ်ထားတဲ့ ကစားကွက်က အသာရလိုက်ပြန်တယ် { ငါအရှုံးပေးလိုက်ပြီလား} တရားသောလောကကြီးမှာ ဒေါသ မောဟ မာန်မာနတို့ အလံထူနေကြတယ် ငါ့မေတ္တာကိုအားကိုးလို့ နောက်ဆုံးတိုက်ပွဲ ခံစစ်နဲ့ကာကွယ်မိတယ် ဟော ဟိုတစ်ဘက်မှာ မိုးလေးသည်းလာပြီ အကျည်းတန်တဲ့တိုက်ပွဲ ယိုင်လုလုနဲ့မို့ အတ္တတွေပေကျံလို့နေပြီပေါ့ ကာရံ ၁၁ ့၁၁ ့၂၀၁၄

အနှစ်နဲ့အကာ အုန်းသက်က တစ်ရာ… သားသ္မီးဆိုတာ ခဏတာ… အချိန်တန် တောင်စုံပြန်တော့ ပျံကြစမြဲသာ။ အနှစ်နဲ့အကာ ခွဲခြားကာ ကွဲပြားသိစေတဲ့ တရားအရိပ်ကိုရှာ နောင်သံသရာ အေးစေဘို့လေး။

နာရီတွေပြောင်းတိုင်း ရာသီတွေဟာဟောင်းသွားသတဲ့ ဒါပေမယ့် ချိုတစ်ခါ ရယ်တစ်လှည့် ပလီတတ်တဲ့ မင်းအတွက် ရူးတစ်ခါ ပျော်တစ်ချက် ဖြစ်ပျက်ရတဲ့ကိုယ့်မှာ နာရီဆိုတာ မရှိတော့ပါဘူး ။

====================================== ” လယ်တောက အပြန်…ခံစားချက်…. ” ########################## လယ်တောက အပြန် ၊ ပန်ချင်တယ် ခရေဖူးဆိုလို့… မောင် ခူးကာပေး ။ မနက်တုန်းဆီက ကျော့ဆုံးကို မောင်မြင်တော့… သူ့ဆံပင်နှင်းဆီပွင့်တွေနဲ့… ဂုဏ်တင့်တယ်လေး။ ။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။ အားလုံး …… ဖတ်ဖူး / ခံစားဖူးတဲ့ ဆရာဝဏ် ( ဆရာ-မင်းသုဝဏ် ) ရေးခဲ့တဲ့ ကဗျာလေးပါ ။ ဒွေးချိုးလို့ သတ်မှတ်တဲ့ ကဗျာ အမျိုးအစားလေး ဆိုပါတော့… ။ လယ်တောက အပြန်…. ကျွန်တော် လယ်တောက ပြန်ဖူးပါတယ်။ လွန်ခဲ့သော ငါးနှစ်ခြောက်နှစ်လောက်က… ကျွန်တော်ဟာ.. မြန်မာနိုင်ငံရဲ့ မထင်မရှား ကျွန်းကလေးတစ်ကျွန်းပေါ်မှာ… လယ်အလုပ်… တံငါအလုပ်..စသည်ဖြင့်… ကြုံရာကို လုပ်ခဲ့ဖူးပါတယ်။ အဲဒီမှာနေစဉ်က… […]

သူငယ်ချင်းသိပါစေ အားမငယ်ပါနဲ့ အများသူငါအလည်မှာ မင်းတစ်ယောက်ထဲမဟုတ်ဘူးလေ မာန်မထောင်ပါနဲ့ သူတို့တစ်တွေကဟန်ဆောင်အပြုံးတွေပါကွာ သူငယ်ချင်း ဆူးဆိုတာလူတိုင်းမုန်းတဲ့အကျင့်ပေါ့ အမြင့်မရောက်သေးတော့လဲ လေတိုက်စမြဲပါ မင်းအခြေခိုင်အောင်ကြိုးစားပါနော် ဘဝခရီးလမ်းမဖြောင့်ဖြူးလို့ ကျောက်ဆူးတော့မချလိုက်ပါနဲ့ဦး မိုးကောင်းကင်မပြိုသရွှေ့တော့ ငိုစရာအကြောင်းမရှိပါဘူးလေ မချစ်လို့ပြစ်သွားတဲ့သူ မကြင်နာလို့ရင်မှာမရှိတော့တဲ့သူ အလွမ်းပေးလို့ကျန်ရစ်သူ မင်းခံစစ်ထားတက်ဖို့လိုပြီလေ ပန်းတိုင်တစ်ကွေ့မှာ အလှမ်းကိုင်မိစေဖို့ မင်းနှလုံးသားကြံ့ကြံ့ခိုင်နိုင်ပါစေ သူငယ်ချင်း ကာရံ ၈ ့၁၁ ့၂၀၁၄

မိုုးကောင်းကင်အောာက် မင်းရောက်လာမလား မျှော်စောင့်စားလည်း ခွဲသွားသူက ပြန်မလာ ၊ တိမ်ပြာပြာကြား မင်းလားလို့တွေး ငေးနေသော်လည်း ထားခဲ့သူက အဝေးမှာ ၊ စီးနေဆဲ မြစ်ရေ အသစ်တွေဖြစ်ခဲ့ပေမယ့် ချစ်ခဲ့လေတဲ့ သူ အပြစ်တွေဖွဲ့ ပစ်လေတဲ့ အမုန်းမြား ငါ့အား ထိမှန် မချိ ပြန် ငမိုက်သားမျိုး ဘာအားကိုးနဲ့ စောင့်လေသလဲ သဲကွဲခြင်း မရှိ ပီဘိအရူးပမာ ထူးမလာတာသိပေမယ့် ငြိနေဆဲ သံယောဇဉ် အမှန်ကော ထင်သလား ဟင် ၊

လေညွှန်တံကို ဘယ်မှမပြစေနဲ့ ယူရေနီယံကို ဘယ်သူမှ မသန့်စင်စေနဲ့ ဝီကီပီဒါကို ဘယ်မှ မဖွင့်စေနဲ့ လယ်မြေကို ဘယ်သူမှ သီးနှံမစိုက်စေနဲ့ ကာဗွန်ဒိုင်အောက်ဆိုက်ကို ဘယ်သူမှ မဝယ်စေနဲ့ အားလုံး ခဏလောက်လေး သမ္မတရွေးကြရအောင် မြစ်ကမြစ်လိုမစီးတာတွေ အချစ်ကအချစ်လိုမစီးတာတွေ ကြာလာရင် ဖြစ်သလိုကြီးနဲ့ပြီးသွားမှာစိုးလို့ပါ ခဏလောက် ထမင်းတစ်နပ်လျှော့စားပြီး ကျန်တဲ့ပါးကို ထပ်အရိုက်ခံလိုက် လောလောဆယ် ခလောက်ဘယ်သူ့ဆွဲပေးရမလဲ မိုးတဆုံးမြေတဆုံး စဉ်းစားတုန်း ။ ကိုစစ်

ဟိတ်… တိတ်တိတ်နေကြ ငါ့ချစ်သူအိပ်နေတယ် ဗန်ဂိုးချစ်တဲ့အဝါရောင်ကလွဲရင် ဘယ်သူမှ မဲမပေးရ ငါ့ဆန္ဒအရ သူမကိုချစ်ခဲ့တာ ကြားဖြတ်ရွေးကောက်ပွဲလား ငါနဲ့ချစ်သူကြားမှာအမှိုက် ကဲ ရိုက်ချင်လဲရိုက်ခဲ့တော့ ဇာတ်တိုက်ပြီးမှ ချစ်ခဲ့ကြတာတော့မဟုတ်ရယ်။ ကိုစစ်

ဆုံမှတ် ဟိုးအဝေးကမင်း ကမ်းတစ်ဘက်လှိုင်းချက်က နီးဖို့စေသတဲ့လား အငြိုးနဲ့ ရွာတဲ့မိုး ကမ်းပါးတို့ပြို ပျက်နေသေတယ် အသည်းခွဲရက်သူတဲ့ လေပြေတစ်ခဏမှာ ရနံ့မွှေးတဲ့ပန်းကလေး တစ်ရွှေ့ရွှေ့နဲ့ကူးခက်နေတယ် မုန်တိုင်းရယ်မပြယ်သေးတော့ လှမ်းဖို့ခက်ပြီပေါ့ သစ္စာတို့အခြေတည်ကြတယ် မေ့မေတ္တာအိမ်ငယ်လေးမှာ ကိုယ်လေအကြင်နာအင်အားနဲ့တွန်းဖယ်ဖို့ကြိုးစားမယ်နော် ထာဝရရင်မှာရှိရင်လေ အနမ်းလေးပွင့်အံပါစေသား ကာရံ ၄ ့၁၁ ့၂၀၁၄

ဘာပြောလိုက်တယ် ပြန်ဆုံကြမယ် ဟုတ်လား မင်း နှုတ်ဖျားကစကား ပြန်ရုပ်သိမ်းသွားပါ မင်းမှာလည်း မျက်စိတစ်စုံ ငါ့မှာလည်း မျက်စိတစ်စုံဆိုပေမယ့် မတူညီတဲ့ အကြည့်တွေကြားမှာ မင်းဘက်ကကြည့်တော့ လမ်းဆုံ ငါ့ဘက်ကကြည့်တော့ လမ်းခွဲ ပြီးသွားခဲ့ပြီပဲ ကြွေပြီးသား သစ်ရွက် ပင်စည်နဲ့ပြန်မဆက်နိူင်သလို ပြာကျပြီးသား စက္ကူ စ ဥုံ ဖွ လို့ ဘယ်လောက် မန်း မန်း သူ့သက်တမ်းက ကုန်ခဲ့ပြီပဲ ရွှေမျက်ရည်လည်း လာမဝဲနဲ့ ကျူး လှခဲ့တဲ့ မင်း စကားသံ ငါ့နားထဲမှာ လျှံနေတုန်း လွယ်လွယ်နဲ့ မုန်းခဲ့တာမဟုတ် အရုပ်လိုလဲ ငါမနေနိူင်လှ အခြေခိုင်စ ငါ့ဘဝနား လား လား တောင်လှမ်းမလာနဲ့ ဇာတ်သိမ်းခန်းရဲ့ နိဂုံး ပြီးဆုံးသွားခဲ့ပြီ ။ ( ၂၄ – […]

” ဦးဆုံးဖွင့်သည့်တံခါး “ မနက်ဖြန် သုံးဆယ့်တစ် ဒို့တိုင်းပြည်တံခါး ဖွင့်ကာလှစ် ထိုးလို့တိုးဝင် ရောင်ခြည်သစ် နွေးထွေးပြည့်စုံ လင်းလက်စုံဖို့ ဒို့တွေမျှော်လင့် နားကိုစွင့်လို့ ရလာဒ်ကောင်းတွေ ဖြစ်ပါစေလို့ ရင်ခုန်စွာနဲ့ စောင့်မယ်ဗျို့။ ခင်ခ။ (30.10.2014) BREAKING NEWS: ” လေးပွင့်ဆိုင်သာမက ကျန်သူများပါဝင်သော နိုင်ငံရေးဆွေးနွေးပွဲ ကျင်းပမည်၊ လာမည့် အောက်တိုဘာ ၃၁ ရက်တွင် သမ္မတဦးသိန်းစိန်၊ သူရဦးရွှေမန်း၊ ကာကွယ်ရေးဦးစီးချုပ်နှင့် ဒေါ်အောင်ဆန်းစုကြည်တို့ လေးပွင့်ဆိုင်သာမက ကျန်သူများပါဝင်သော နိုင်ငံရေးဆွေးနွေးပွဲတစ်ရပ် ကျင်းပမည်ဖြစ်ကြောင်း သတင်းရရှိပါသည်။ ”

SEARCH

နိုဝင်ဘာ….အလွမ်း

” မျိုးဇာတိဂုဏ် “

တိုက်ပွဲ

အနှစ်နဲ့အကာ

( နာရီ )

လယ်တောက အပြန်…ခံစားချက်

သူငယ်ချင်းအတွက်

( တမ်း တ ရင်း နဲ့ ဝေး )

ခဏလောက်

အပြစ်

ဆုံမှတ်

( မတူသောအကြည့်များ )

” ဦးဆုံးဖွင့်သည့်တံခါး “