တစ်ဦးနဲ့တစ်ဦး တစ်ယောက်နဲ ့တစ်ယောက် ကောင်းမွန်သောနေရာ ကောင်းမွန်တဲ့အချိန်အခါ ကောင်းမွန်သောတွေ့ဆုံတဲ့ အချိန်အခါ,နေရာဒေသအလိုက်၊တွေ့ဆုံကြခဲ့ရင် အများအားဖြင့်တော့၊မင်္ဂလာပါနော်။ မင်္ဂလာပါခင်ဗျာလို့နှုတ်ဆက်ကြပါတယ်။ အရမ်းရင်းနှီးတဲ့သူငယ်ချင်း,အချင်းချင်းဆိုရင်တော့ စားပြီးလား?သူငယ်ချင်း နေကောင်းရဲ ့လား?သူငယ်ချင်းလို့နှုတ်ဆက်ကြတာ၊များပါတယ်။ ကိုယ့်ထက်အသက်အားဖြင့်၊ဂုဏ်ဝါကြီးသူများကိုတော့ မင်္ဂလာပါရှင်၊မင်္ဂလာပါခင်ဗျာလို့နှုတ်ခွန်းဆက်သကြပါတယ်။ အပြန်အလှန်၊အားမနာတမ်းခင်မင်ရင်းနှီးကြတဲ့၊လူငယ်သဘာဝအရ နှုတ်ဆက်ကြရင်တော့၊(အထူး)အားဖြစ်တော့တွေ့ချင်ရင်ရသားနဲ ့၊လာချင်ရင်အနီးကလေး ဖြစ်ရဲ ့နဲ ့မတွေ့မဆုံပဲနေကြတာ၊ကြာမိတဲ့အခါ(အကြောင်းကြောင်းကြောင့်လဲပါတာပေါ့နော်)၊ ကိစ္စ,ဝိစ္စရှိမှလာတွေ့တဲ့အခါကြရင်တော့၊သရဲလာခြောက်တာလား?၊သေပြီအောက်မေ့?လို့ စသဖြင့်ပြောဆိုနှုတ်ဆက်တတ်ကြပါတယ်။ တစ်ခါတော့ကိုယ်တွေ့အဖြစ်လေးပါ။ အရမ်းခင်တဲ့သူငယ်ချင်းနဲ ့မမျော်လင့်ဘဲပြန်တွေ့တော့၊မင်းထမင်းစားပြီးလားလို့?ဆိုပြီး ဝမ်းသာအားရနှုတ်ခွန်းဆက်မေးပါတယ်။ ကိုယ်ကလည်း မစားရသေးတာမို့၊မစားရသေးဘူးလို ့ အမှန်အတိုင်းပဲဖြေလိုက်ပါတယ်။ သူကလည်းကျွေးချင်တဲ့စေတနာသဒ္ဓါထက်သန်နေတော့၊လက်ကိုအတင်းဆွဲပြီး နီးရာစားသောက်ဆိုင်ထဲ၊ခေါ်ပြီးကျွေးတော့တာပါ။ ငြင်းရခက်တော့မစားချင်လည်းစားလိုက်ရပါတယ်။ တစ်ခါကလည်း၊အကြောင်းကိစ္စတခုနဲ ့သူငယ်ချင်းအိမ်ရောက်သွားတော့၊ထမင်းစားပြီးလားလို့၊နှုတ်ခွန်းဆက်စကား အဖြစ်အမေးခံရပြန်ပါတယ်။ စားပြီးပြီပြောပြတော့၊စားပြီးလဲမရဘူး။ မင်းကြိုက်တတ်တဲ့ဟာ,ငါလုပ်ကျွေးမယ်၊စားပြီးမှပြန်ပါလို့ပြောပြီး၊မရှိရှိတာနဲ ့အကောင်းမွန်ဆုံးဖြစ်အောင် ကိုယ်တိုင်ချက်ပြုတ်ကြော်လှော်ပြီး၊ပူပူနွေးနွေးချကျွေးပါတယ်။စားပြီးပြောပြလည်းမရ၊အတင်းကျွေးနေတော့ အားနာပြီးစားတော့၊ဗိုက်အင့်ပြီးနေရခက်သွားပါတယ်။ သူငယ်ချင်းကိုယ်တိုင်လဲ၊အစာကြေဆေးကိုအနားမှာအသင့်ချထားပေးတော့၊ ကိုယ့်မှာသူ့ကိုဘာပြောရမှန်းမသိအောင် စိတ်ထဲလေးစားမိသွားပါတယ်။ သူငယ်ချင်းတွေဆုံရင်,ဆုံတဲ့အခါတိုင်း၊သူငယ်ချင်းအားလုံးရဲ ့ဆက်ဆံမှုတွေက တစ်ပုံစံတည်းလိုအမြဲဖြစ်နေတော့၊ဗုဒ္ဓဘာသာဖြစ်ရတာ၊အလိုလိုဂုဏ်ယူမိပါတယ်။လေးစားမိပါတယ်။ တစ်ခါကအသိမွတ်စလင်အိမ်သွားဘူးပါတယ်။ထမင်းစားပြီးလား?လို့အရင်ဦးစွာနှုတ်ခွန်းဆက်မေးပါတယ်။ အိမ်ကနေထမင်းစားပြီးမှရောက်သွားတာမို့၊စားပြီးပြောပြလည်းမရပါဘူး။ ထမင်းစားပြီးမှပြန်ပါ။မစားရင်မခင်လို့ဆိုတော့၊အင်မတန်ကိုအားနာပြီး၊မစားချင်လည်းသူတို့စိတ်ကြေနပ်အောင် စားခဲ့ရပါတယ်။ ကိုယ့်ကိုယ်ကိုတရုတ်ကပြားမှန်းလည်း,သူတို့သိကြပါတယ်။တရုတ်သွေးစပ်နေတာမို့၊မွတ်စလင်အိမ်က ထမင်းဟင်းတွေကိုတော့မစားချင်တာကအမှန်ပါ။ သူတို့စေတနာသဒ္ဓါတရားကောင်းလွန်းနေတာကို၊စိတ်ကခံစားမိပါတယ်။ ဘယ်ဘာသာရယ်လို့တော့၊ကိုယ့်အနေနဲ့ကမခွဲခြားမိတော့တာ၊အမှန်ပါ၊ဗုဒ္ဓဘာသာဖြစ်မှလဲမဟုတ်ဘူးပေါ့နော်။ တစ်ဦးနဲ့တစ်ဦး၊တစ်ယောက်နဲ့တစ်ယောက် အရမ်းခင်မင်ရင်းနှီးခဲ့ရင်၊ရင်ထဲမှာကျွေးချင်မွေးချင်တဲ့စေတနာ,သဒ္ဓါတရားထက်သန်လွန်းလှတဲ့ စိတ်စေတနာအရ ကောင်းမွန်တဲ့အချိန်,ကောင်းမွန်တဲ့နေရာလိုမျိုးမှာတွေ့ဆုံခဲ့ကြရင် ချိုသာခွန်းဆက်,နှုတ်ဆက်ကြပါလျှင် မင်္ဂလာရှိတဲ့နှုတ်ခွန်းဆက်စကားလေးက ထမင်းစားပြီးလား?ဆိုတဲ့နှုတ်ခွန်းဆက်စကားကို ကိုယ့်ကိုယ်ကိုတိုင်၊အင်မတန်နှစ်သက်သဘောကျမိရပါတယ်။။။ […]