လွန်ခဲ့တဲ့တစ်ပတ်ခန့်က သူငယ်ချင်းတစ်ယောက်ရဲ့အိမ်ကို မနက် ၉နာရီလောက်ကြီး ကျွန်တော်ရောက်သွားတယ်။ သူငယ်ချင်းက ကျွန်တော့်ကိုမြင်မြင်ချင်း “ဟာအတော်ဘဲ ဟေ့ကောင် ငါနဲ့အတူမင်္ဂလာဆောင် တစ်ခုကိုလိုက်ခဲ့စမ်းကွာ“ လို့ပြောတယ်။ အမှန်တော့ အဲဒီ မင်္ဂလာဆောင် ကလည်း ကျွန်တော်နဲ့ ခင်မင်ရင်းနှီးနေတဲ့ သူငယ်ချင်းတစ်ယောက်ရဲ့မင်္ဂလာဆောင်ပါ။ ဖိတ်စာ မရောက်တာတော့ ဘာကြောင့်လဲ မသိဘူးပေါ့ ။ ဒီတော့ “ငါက ဒီအတိုင်းလိုက်ရမှာလားကွ၊ အိမ်ခဏပြန် အဝတ်လဲလိုက်ဦးမယ်“ “လဲမနေနဲ့တော့ကွာ ငါ့အဝတ်အစားပဲမင်းယူဝတ်လိုက်တော့ ငါဝတ်တာ XL မင်းဝတ်တာလည်း XLပဲ၊ လာအခန်းထဲ သွားလဲရအောင်“ဆိုပြီး ခေါ်သွားရာက သူငယ်ချင်းရဲ့ ပွဲတက်ဝတ်စုံအပြည့်နဲ့ မင်္ဂလာဆောင်ကို ထွက်လာခဲ့ကြပါတယ်။ ကျွန်တော့် ကိုယ်ပေါ်က သူငယ်ချင်းရဲ့ ဝတ်စုံကိုဝတ်ရတာဟာ ကိုယ့်ကိုကိုယ် ယုံကြည်မှုမရှိသလို ခံစားနေရတာ လမ်းတစ်လျှောက်လုံးပါ။ ကျွန်တော့် အဝတ်အစားနဲ့ကျွန်တော်ဆို ယုံကြည်မှုအပြည့်နဲ့ ဖြစ်နေမှာလို့လည်း အိမ်ပြန် […]

စားပွဲတွင် ပြန့်ကျဲနေသော အရောင်များကို ကျွန်တော်မြင်သည်။ အဖြူ၊အစိမ်း၊ စိမ်းဖျော့၊ အနီ၊ ခဲပြာ၊ စသဖြင့် အရောင် ငါးမျိုးရှိသည်။ ထိုအရောင်များထဲမှ ကျွန်တော့်ကို ကြိုက်နှစ်သက်ရာတစ်ရောင်ကို ရွေးချယ်ခိုင်းမည်ဆိုလျှင် အကြိုက်နှစ်သက်ဆုံးကို ကျွန်တော် ရွေးချယ်နိုင်မည် မဟုတ်ပါ။ သို့သော် တစ်နေ့တစ်မျိုး သို့မဟုတ် တစ်ပတ်ကို အရောင် တစ်မျိုးမျိုးကိုတော့ ကျွန်တော် ပြောင်းလဲ ရွေးချယ်လေ့ရှိသည်။ ထိုသည်က အရောင်တွေကို ကြိုက်နှစ်သက်၍ မဟုတ်ပါ။ စိတ်၏ အခါအားလျှော်စွာ အာသီသပြင်းပျမှုအပေါ် ကျွန်တော် ရွေးချယ်လိုက်ခြင်း ဖြစ်ပါသည်။ (၁) ရုပ်ဝတ္ထုအစိတ်အပိုင်းတွေကို ပြင်ဆင်နေရာချဖို့ ကျွန်တော် တော်တော်ဝါသနာပါသည်။ ရုတ်တရက် ကျွန်တော့်အခန်းထဲကို ဝင်ကြည့်လိုက်မည်ဆိုလျှင် တစ်ယောက်မဟုတ် တစ်ယောက်ကတော့ ပြောင်းထားပြန်ပြီဟု လွှတ်ခနဲ ပြောမိတတ်ကြသည်။ ကျွန်တော့်အခန်းဖွဲ့စည်းပုံသည် အမြဲတသတ်မှတ်ထဲမရှိ။ ပြီးခဲ့သည့် အပတ်က […]

မြို့မှာဖြစ်သွားတဲ့ ကိစ္စကြီးက ဟိုးလေးတကျော်ကျော်ဆိုတော့ ခုချိန်မှာ ပါပါရာဇီတွေ ကျွန်တော့်နောက် လိုက်နေကြတာ မဆန်းပါဘူး။ ပြီးတော့ ကျွန်တော်ကိုယ်တိုင်က ဒီနိုင်ငံမှာ နာမည်တစ်ခုအနေနဲ့ကျော်ကြားနေတော့ ခုဖြစ်တဲ့ကိစ္စကို လူတိုင်းသိချင်ကြမှာလည်း သေချာတယ်။ လောလောဆယ်တော့ ကျွန်တော့်အကြောင်း ကောလဟလက ဟိုဂျာနယ်မှာတစ်မျိုး၊ ဒီစာစောင်တစ်မျိုးနဲ့ အခြေအမြစ်မရှိတဲ့သတင်းတွေ အမျိုးမျိုးရေးနေကြတာကိုတွေ့ရတယ်။ ထားပါ။ ဒါကိုတော့ ကျွန်တော်ပြန်ဖြေရှင်းဖို့မရှိဘူး။ မဟုတ်တဲ့ကိစ္စကို အလုပ်ရှုပ်ခံပြီး ဟိုမေးသည်မြန်းနဲ့ဖြေရှင်းဖို့လည်း မလိုဘူးလို့ထင်တယ်လေ။ ဒါပေမယ့် အိမ်ကိုတော့ ဖုန်းတွေတဂွမ်ဂွမ်လာနေကြတယ်။ ကျွန်တော် ဟမ်းဖုန်းနံပါတ်ကိုတောင် ဘယ်ကဘယ်လိုသိကြတယ်မပြောတတ်ဘူး။ ဆက်လာလိုက်ကြတာစုံလို။ ဒါကြောင့် ခုဖုန်းကိုပိတ်ထားလိုက်တယ်။ အိမ်ဖုန်းကိုတော့ ချာတိတ်လေးတစ်ကောင်ကိုပဲကိုင်ခိုင်းပြီး ဘာမေးမေး မသိဘူး၊ ဖြေခွင့်မရှိပါဘူးဆိုတဲ့စကားနဲ့ ဘူးတစ်လုံးခံခိုင်းထားလိုက်တယ်။ ဒီတော့ ပြီးသွားလားဆို မပြီးသေးဘူး။ ဂျာနယ်အစုံစုံက စူပါမင်းသား ကျော်ကျော်လတ်နဲ့ဆက်သွယ်ရာမှာ ဖုန်းပိတ်ထားပါတယ်ဆိုတဲ့အကြောင်းကို သတင်းတစ်ပုဒ်ဖြစ်အောင် ရေးနေကြသေးတာကို အံ့ဩရတယ်။ ဒီတော့ […]