လူသားများကိုပိုမို၍ ကရုဏာစိတ်ကြီးမားလာစေရန် ဗုဒ္ဓဘာသာ၏တရားထိုင်ခြင်း လုပ်ငန်းဖြင့် လေ့ကျင့်ပေးနိုင်ကြောင်း သိပ္ပံပညာရှင်များက ညွှန်းဆိုခဲ့ကြသည်။ ဝိုက်စ်ကွန်ဆင် မက်ဒီဆန်တက္ကသိုလ်၏ စိတ်ကျန်းမာရေး စောင့်ကြည့်ရေးစင်တာမှ သုတေသီများသည် အရွယ်ရောက်ပြီးသူများအား ကရုဏာစိတ်ဖြစ်ပေါ်မှုကို လေ့ကျင့်နိုင်ပြီး အတ္တစိတ်နည်းပါးသောအပြုအမှုများ ကြီးကြီးမားမား တိုးတက်လာနိုင်စေကာ အာရုံကြောစနစ်များတွင် ငုပ်လျိုးနေသည့် ကရုဏာစိတ်များ ဆက်စပ်ပြောင်းလဲမှု ဖြစ်ပေါ်နိုင်ကြောင်း ဆန်းစစ်တွေ့ရှိခဲ့ကြသည်။ အဆိုပါသင်ယူမှုတွင် လေ့လာအကဲခတ်သူများအနေနှင့် အရွယ်ရောက်ပြီးသား လူငယ်များအား တရားထိုင်ခြင်းနှင့် ထိတွေ့ပေးခြင်း၊ ရှေးဟောင်းဗုဒ္ဓဘာသာနည်းစနစ်များနှင့် ဝေဒနာခံစားနေရမှုများအား ဝေဒနာပြေလျော့စေရေး စသည်တို့ကို လေ့ကျင့်ပေးခဲ့သည်။ တရားထိုင်ချိန်တွင် ပါဝင်လေ့ကျင့်သူများသည် ဝေဒနာသက်သာလာသည့် အချိန်တစ်ခုအထိ အာရုံပြုစိတ်ကူးပြီးနောက် ရောဂါဝေဒနာသက်သာရာ ရလာသည့် စိတ်ခံစားချက်ကို လေ့ကျင့်မှုများ ပြုလုပ်ခဲ့ကြသည်။ တရားထိုင်သူများသည် လူအမျိုးအစားအမျိုးမျိုးအလိုက် လေ့ကျင့်ကြရသည်။ ပထမဦးဆုံး မိတ်ဆွေသူငယ်ချင်း ၊သို့မဟုတ် မိသားစုဝင်တစ်ဦးဦးစသော ချစ်ခင်သူတစ်ယောက်ယောက်အား အာရုံပြု ကရုဏာသက်ဝင်စေခြင်းမျိုး […]