manawphyulayကျွန်မတို့ဟာ တစ်ခါတစ်ရံမှ လုပ်သင့်လုပ်ထိုက်တဲ့ အလုပ်တစ်ခုကို မလုပ်ချင်ဘဲနဲ့ လုပ်နေကြရတယ်။ ဒါဟာ ဘာလဲဆိုတော့ ဥပမာ ကျွန်မအကျင့်ပေါ့လေ။ ကားစီးတဲ့အခါဖြစ်ဖြစ်၊ ဒါမှမဟုတ် လမ်းလျှောက်တဲ့အခါဖြစ်ဖြစ် ပုတီးစိတ်တာတို့၊ ဘုရားစာရွတ်တာတို့ လုပ်ကျင့်ရှိပါတယ်။ ဒါပေမဲ့ တစ်ခါတလေမှာ လူတွေရဲ့အမြင်ပေါ့ လေ။ အတွေးဆိုရင်လည်း မမှားပါဘူး။ ဪ သူက လူအထင်ကြီး အောင် လုပ်နေတာပဲ။ အသက်ကလေးကဖြင့် ငယ်ငယ်လေးရှိသေး တယ်စသဖြင့်ပေါ့လေ။ ဒီပြင်အတွေး ဪ သူတောင် အသိတရား ရှိရင် ငါတို့ကကော ဘာလို့မရှိရမှာလဲလို့ မတွေးကြဘဲနဲ့ ကိုယ့်အမြင်နဲ့ ကိုယ် မြင်တတ်ကြတယ်။ အဲဒီလို ကြည့်တဲ့အကြည့်ကို အရင်တုန်း ကတော့ လိုက်ကြည့်ပြီး ပုတီးစိပ်ရမှာ၊ ဘုရားစာရွတ်ရမှာ သိပ်ပြီး မဝံ့ရဲခဲ့ဘူး။ ဘေးပတ်ဝန်းကျင်က ငါ့ကို အမြင်တစ်မျိုးဘဲပေါ့။ ဒီလို အတွေးဝင်ရင် […]
ဦးေၾကာင္ၾကီးကံဆိုတာ အလုပ်လို့ လူအများ ပြောကြပါတယ်၊ အဲသည်အလုပ်ကိုပဲ ပုဂ္ဂိုလ်စရိုက်အလိုက် ကွဲပြားစွာ အဓိပ္ပါယ်ဖွင့်ပါတယ်။ ရွာထဲမှာလည်း အမြင်အမျိုးမျိုးနဲ့ပါ။ ဗုဒ္ဓဘာသာဝင် မဟုတ်သူများ၊ စူးစမ်းလေ့လာလိုသူများ၊ ဝေဖန်တိုက်ခိုက်သူလိုများအတွက်လည်း ပစ်မလွဲစတင် ဆွေးနွေးတတ်ကြတဲ့ ခေါင်းစဉ်တခု ဖြစ်လေ့ရှိပါတယ်။ စာပေကျမ်းဂန်များ၊ သမထအမြင်သန်သူများ ကိုယ်တွေ့တွေမှာ ရှေးဘဝနောက်ဘဝ၊ ငရဲ နတ်ပြည် စတာတွေကို အတိအကျ ဆိုလေတော့ ဗုဒ္ဓဘာသာဝင် အများစုဟာ ကံဆိုတာကို အတိတ် ပစ္စုပ္ပန် အနာဂတ်တို့နဲ့ ယှဉ်တွဲလက်ခံကြပါတယ်။ တဖက်မှာလည်း ကံသည် ပစ္စုပ္ပန်အလုပ်လို့ ယုံကြည်သူ ကမ္မပစ္စုပ္ပန်ဝါဒီများလည်း ထုနဲ့ဒေးပါ။ အတိတ်ကံ အစွန်းရောက်များက ဘာဖြစ်ဖြစ် အတိတ်ကံကို ပုံချလေ့ရှိပြီး ပစ္စုပ္ပန်အစွန်းရောက်တွေကတော့ လက်ရှိဖြစ်တည်မှုကိုသာ လက်ခံကြပါတယ်။ ထင်ရှားတဲ့ ကမ္မဌာန်းဆရာတော်များရဲ့ သွန်သင်ချက်တွေမှာတော့ အတိတ်ကံရဲ့ လွှမ်းမိုးမှုကို ပိုအလေးထားကြောင်း တွေ့ရမှာဖြစ်ပါတယ်။ […]
Yin Nyine Nwayကိလေသာ အကျဉ်း(၁၀)ပါး ၁- လောဘ = လိုချင်တပ်မက်ခြင်း ။ ရာဂ က တရားကိုယ်အားဖြင့် လောဘမှာ ပါပါတယ်။ ၂- ဒေါသ = အမျက်ထွက်ခြင်း ။ ( စိတ်ထဲမှာ တနှံ့နှံ့နဲ့ အသားထဲဆူးဝင်သလို မျက် နေတာ ၊ စိတ်ထဲမှာပဲ တင်းပြီး မပေါက်ကွဲသေးတဲ့ အဆင့် ၊ physically ဘာမှ မလုပ်သေးတာကို ကောဓ (အမျက်) လို့ ခေါ်ပါမယ် ။အဲဒီ ကောဓ အပြင်ထွက်ပေါက်ကွဲရင် ဒေါသ ဖြစ်ပါတယ်။ ဒါကြောင့် ကဏ္ဍဇာတ်တော်မှာ ကဏ္ဍရသေ့ကြီးက ကောဓ မဖြစ်ရပါလို၏ ၊ ဒေါသ မဖြစ်ရပါလို၏ လို့ ခွဲပြီး ဆုတောင်းအဓိဌာန်ပြုပါတယ်။) ၃- မောဟ = […]
ချစ်သူတွေ ကို သွားမေးရင်တောင် မသိလောက်ဝူး..ဒီတော့ ဖော်ပြလိုက်ပါတယ်….. အေတီ ၃ရာစုတုန်းက ရောမမှာ နိုင်လိုမင်းထက် မင်းမှုနေတဲ့ Claudius လို့ခေါ်တဲ့ မင်းတပါး အုပ်စိုးခဲ့တယ်။ နန်းတော်နဲ့ သိပ်မကွာဝေးတဲ့ နေရာတခုမှာ လှပတဲ့ ဘုရားကျောင်း တဆောင်ရှိတယ်။ အဲဒီ ကျောင်းမှာ Valentine လို့ ခေါ်တဲ့ဘုန်းတော်ကြီးတပါး နေထိုင်တယ်။ရောမလူမျိုး ကြီးငယ်မရွေး၊ ဆင်းရဲချမ်းသာမရွေး အဲဒီဘုန်းတော်ကြီးကို လေးစားကြတယ်။ ကိုးကွယ်ကြတယ်။ အမြဲလိုလို လူစု လူဝေးနဲ့ ဘုရားရှေ့ ထွန်းညှိထားတဲ့ မီးလျှံတွေ ကြားမှာဘုန်းတော်ကြီးရဲ့ဆုတောင်းမှုကို နာယူကြတယ်။ ရောမရဲ့ စစ်ပွဲက အဆက်ပြတ်တယ်လို့ မရှိခဲ့ဘူး။ ဘုရင်မင်းမြတ်က ပြည်သူတွေကိုအတင်းအကျပ် သိမ်းသွင်းပြီး စစ်မြေပြင်ကို စေလွှတ်ခဲ့တယ်။ ယောက်ျားသားတွေက မိသားစုနဲ့ ချစ်သူတွေကို မခွဲချင်ကြဘူး။ Claudius ရဲ့ ရက်စက်ပုံက […]
ashinindakaအနော်ရထာမင်းလဲ ရှင်အရဟံကို မြင်တော့ ဒါမျိုးကိုယ်တော် အရင်တစ်ခါမှ မမြင်ဘူးတော့ အတော်ထူးဆန်းနေတာပေါ့။ ရှင်အရဟံကလည်း သွားတဲ့နေရာ၊ လာတဲ့နေရာ၊ ပြောတဲ့နေရာ ဆိုတဲ့နေရာတွေမှာ အတော်လေးကို ဣန္ဒြေရရ သိက္ခာရှိရှိ တည်တည်ငြိမ်ငြိမ်ရှိပုံပေါက်ပါတယ်။ အနော်ရထာမင်းက သူကိုးကွယ်နေတဲ့ အရည်းကြီးရဟန်းတွေနဲ့ ရှင်အရဟံကို ချိန်ထိုးကြည့်ပုံပေါက်တယ်။ အရည်းကြီးရဟန်းတွေကို အဲ့ခေတ်က ရှင်မထီးလို့ခေါ်ပါတယ်။ စာအုပ်တစ်အုပ်ထဲမှာ ဖော်ပြထားတဲ့ ရှင်မထီးရဲ့ပုံပန်းသဏ္ဌာန်က “ရှေးအတီတွေ၊ ပုဂံပြည်တွင်၊ ဆံကေသာ လက်လေးသစ်၊ မုဆိတ်မွေး ဗလပြစ်၊ မဲညစ်သည့် စီဝရံနှင့်၊ တာတေလံ အကျင့်ဆိုးသော၊ ရှင့်သိုးတကာ့ခေါင်ထီး၊ ရှင်မထီး” တဲ့။ ရှင်မထီးဆိုသူ အရည်းကြီးတွေက ဆံပင်ကို လက်လေးသစ်လောက်ရှည်အောင်ထားလေ့ရှိတယ်တဲ့။ မုဆိတ်မွေးက ဗလပြစ်နဲ့။ စီဝရံဆိုတာက ပါဠိစကား၊ မြန်မာလို သင်္ကန်း။ ဒါ့ကြောင့်သူတို့ဝတ်ဆင်တဲ့သင်္ကန်းက မဲညစ်ညစ်အရောင်ရှိတဲ့သင်္ကန်း။ အခုခေတ်တောင် တချို့ဆရာတော်တွေ ဒီလိုသင်္ကန်းဝတ်တာတွေ့ဘူးတယ်။ […]
မြတ်စွာဘုရားလက်ထက်တော်က သူဌေးကြီးတစ်ယောက်ရှိပါတယ်။ သူက ” နေ့တိုင်း ကုသိုလ်ဖြစ်စေရမယ်” လို့ အဓိဌာန်ပြီး ရဟန်းသံဃာတော ်တွေကို အိမ်မှာ ဆွမ်းခံကြွစေပါတယ်။ ဒီလိုနဲ့ ဆွမ်းလောင်းလှူလာလိုက်တာ ကာလတစ်ခုမှာတော့ သူတို့ရက်ကွက်ကို သူခိုးသူဝှက်တွေ မကြာခဏ လာလာကပ်လာပါတယ်။ ဒါကြောင့် ဇနီးလုပ်သူက အိမ်ခြံဝင်းတံခါးကို အမြဲပိတ်ခိုင်းထားလိုက်ပါတယ်။ ဒီတော့ ဆွမ်းခံကြွလာတဲ့ ရဟန်းသံဃာတော်တွေက ပိတ်ထားတဲ့ တံခါးကိုကြည့်ပြီး ပြန်လှည့်သွားကြပါတယ်။ ပထမတော့ အိမ်ရှင်သူဌေးကြီးက စီး့ပွားရေးအလုပ်တွေနဲ့ ရှုတ်နေတဲ့အတွက် သတိမထားမိပါဘူး။ တစ်နေ့ အလုပ်အားတဲ့ရက် သံဃာတော်တွေ ကြွမလာတာ တွေ့တာနဲ့ အိမ်ရှင်ဇနီးကို မေးကြည့်ပါတယ်။ ” ရှင်မရေ အိမ်မှာ သံဃာတော်တွေကော နေ့စဉ် ဆွမ်းခံကြွရဲ့လား” ” အခုတလော မကြွဖြစ်ကြပါဘူး” ”ဟင် ဘာဖြစ်လို့လဲ” ” အခုတလော ရက်ကွက်မှာ […]
အရှင်ဘုရား ရဟန်းတော်များ ဆေးရုံဆေးခန်းများသို့ တက်ရောက်ကုသရာ၌ ဆရာဝန်မ၊ သူနာပြုဆရာမများက သွေးစမ်းခြင်း၊ သွေးချိန်ခြင်း၊ စသည်ပြုရာ ၎င်းတို့နှင့် ရဟန်းတော်များ ထိတွေ့ကြမြဲဖြစ်ပါသည်။ ထိုကိစ္စ၌ ရဟန်းတော်များ အာပတ်သင့်၊ မသင့် အပြစ်ရှိ၊ မရှိ သံသယရှိပါသဖြင့် ဖြေရှင်းပေးတော် မူစေလိုပါသည်ဘုရား၊ တပည့်တော် ဃောသိက သံတွဲ- ရခိုင်ပြည်နယ်။ သာမန်အားဖြင့် ရဟန်းတော်များသည် မာတုဂါမများနှင့် ထိတွေ့ခြင်း၊ တိုးဝှေ့ခြင်း၊ မပြုမိအောင် ရှောင်ကြဉ်ရပါသည်။ ရဟန်းများနှင့် မာတုဂါမတို့ ထိတွေ့တိုးဝှေ့၍ သာယာမိလျှင် အပြစ်ရှိသည်ဟု သိမှတ်ထားကြသည်။ ကာယသံသဂ္ဂ သိက္ခာ ပုဒ်အရ အာပတ်သင့်လျှင် ဂရုကအာပတ် သံဃာဒိသိသ် အာပတ်မျိုးဖြစ်သဖြင့် သာမန်ဒေသနာကြား အာပတ်ဖြေရုံနှင့်မရ၊ ထုံးစံရှိသလောက် ရက်ချိန်ယူ၍ ပရိဝါသ်မာနတ် ဆောက်တည်ရသည်။ အမ္ဘာနတံဆောင် ရသည်။ ထို့ကြောင့် ရဟန်းတော် […]
အသောကမင်းကြီးရဲ့ ကျေးဇူးနဲ့ ဘီစီ ၂၃၅ ခန့်မှာ ဗုဒ္ဓဘာသာမြန်မာနိုင်ငံကို မွန်ပြည်နယ် သထုံတဝိုက်ရောက်လာတယ်ပဲ ဆိုပါစို့။ အဲ့ဒီအချိန်ကစပြီး သထုံတဝိုက် ဗုဒ္ဓဘာသာ အတော်စည်ပင်ပြန့်ပွါးခဲ့ပုံပေါ်ပါတယ်။ ဒါ့ကြောင့် သထုံဒေသမှာရှိတဲ့ မွန်လူမျိုးတွေဟာ မြန်မာနိုင်ငံအလည်ပိုင်းနဲ့ အထက်ပိုင်းမှာရှိတဲ့လူမျိုးတွေထက်စောပြီး ဗုဒ္ဓဘာသာအရသာနဲ့ ဗုဒ္ဓဘာသာကျင့်စဉ်တွေကို သုံးဆောင်ခံစားကျင့်သုံးခွင့်ရခဲ့တယ်လို့ မှတ်ယူနိုင်တယ်။ ဗုဒ္ဓဘာသာနဲ့ဆက်စပ်တဲ့ယဉ်ကျေးမှု ဓလေ့ထုံးစံများ၊ စာပေများကို သထုံတဝိုက်မှာရှိတဲ့ မွန်လူမျိုးတွေက အရင်ကျင့်သုံးခွင့်ရတဲ့အတွက် ဗုဒ္ဓဘာသာယဉ်ကျေးမှုအဆင့်အတန်း၊ စာပေမြင့်မားမှုမှာ သူတို့က ရှေးပိုကျတယ်လို့ ဆိုနိုင်ပါတယ်။ လူနဲ့သူနဲ့တူအောင်နေနိုင်တာ သူတို့က ပိုစောတယ်လို့ဆိုရမယ်။ ဒါ့ကြောင့် အညာသားရှင်ဘုရင် အနော်ရထာတို့ မွန်ဘုရင် မနူဟာမင်းဆီသွားပြီး ပိဋကတ်သုံးပုံတောင်းတော့ “မင်းတို့လိုအရိုင်းအစိုင်းတွေနဲ့ ပိဋကတ်နဲ့လားလားမှ မထိုက်” လို့ ပြောလွှတ်လိုက်တာဖြစ်မယ်။ ထား။ ဒီနေရာမှာ ပြောချင်တာက သထုံတဝိုက်မှာ အသောကမင်းလက်ထက်ကစပြီး ဗုဒ္ဓဘာသာစတင်ရောက်ရှိထွန်းကားလာတယ်လို့ ပြောလိုရင်းဖြစ်တယ်။ နောက်ပိုင်းနှစ်အတန်အကြာ […]
nigimi77မေး။ ကံဆိုတာ ဘာလဲ ။ ဖြေ။ ကံဆိုတာ အလုပ်ပါ။ ထမင်းစားရင် ချီးပါမယ်။ ရေသောက်ရင် သေးပေါက်မယ်။ ချွင်းချက်တော့ ရှိတယ်။ စားတာများပေမဲ့ ပါရင် နဲမယ်။ သောက်တာများပေမဲ့ ပေါက်ရင် နဲမယ်။ မင်းအတွက်လက်ရှိ အသက်ရှင်ဖို ့ ဖယ်ရဦးမယ်လေ။ ထို ့အတူပဲ ကောင်းတာလုပ်ရင် ကောင်းတာဖြစ်မယ်။ မကောင်းတာ လုပ်ရင် မကောင်းတာ ဖြစ်မယ်ဆိုတာ သဘောတရားအရတော့ မှန်ကန်တယ်။ အထက်က ဥပမာလိုပဲ မင်းက ကောင်းတာ လုပ်ပေမဲ့လည်း မင်းအတွက် မင်းရပ်တည်ဖို ့အတွက် ဖယ်ရဦးမယ်။ ဒါကြောင့် မင်းက ကောင်းတာတွေ လုပ်လဲပဲ ဘာကြောင့် တန်ပြန် အကျိုးမခံစားရသလဲလို ့မမေးနဲ ့။ ထမင်းတောင် မင်းစားပြီးရင် အကုန်ပြန်ပါတာမှ မဟုတ်ပဲ။ […]
ဆင်းတုရှိခိုးတာ အကျိုးရှိသလား ဂေါတမ မြတ်စွာဘုရား ပရိနိဗ္ဗာန် စံလွန်သွားတာ နှစ် ၂၅၀ဝ ကျော်ပြီ။မရှိတော့တဲ့ မြတ်စွာဘုရားကို ဆည်းကပ်ကိုးကွယ်လို့ ရသေးသလား။ကိုးကွယ်နေလို့ကော အကျိုးရှိပါမလား။ ဗုဒ္ဓဘာသာက ဆင်းတုတွေ၊ ရုပ်ပုံပန်းချီကားတွေကို ကိုးကွယ်တဲ့ ဘာသာလား?ဆင်းတုတွေ ရုပ်ပုံတွေကို ရှိခိုးကိုးကွယ်နေလို့ ဘာအကျိုးရှိမှာလဲ။ ဒါတွေက အနောက်နိုင်ငံသားတွေ ဘာသာခြားတွေမေးတက်တဲ့ မေးခွန်းတွေပဲ။ ဂေါတမ မြတ်စွာဘုရားဟာ ပရိနိဗ္ဗာန် စံလွန်သွားပြီ ဖြစ်ပေမဲ့သူဟောကြားထားတဲ့ တရားအဆုံးအမတွေက ပကတိအတိုင်း ရှိနေကြတုန်းပဲ။သူဘုရားဖြစ်အောင် ကြိုးပမ်းခဲ့တာ အခုလို တရားအဆုံးအမကို ဟောပြဖို့ပဲ။ နိဗ္ဗာန်ရောက်ကြောင်းတရားကို ညွှန်ပြပေးခဲ့ဖို့ပဲ။ ဒါတွေက အခု အကုန်ရှိနေသေးတာမို့ ဒီတရားတော်အတိုင်း လိုက်နာကျင့်ကြံအားထုတ်ရင်း မြတ်ဗုဒ္ဓရှိစဉ်တုန်းကလိုပဲ ထပ်တူထပ်မျှ အကျိုးထူးများကိုခံစားရပါတယ်။ နိဗ္ဗာန်ချမ်းသာကိုလည်း မျက်မှောက်ပြုနိုင်ပါတယ်။ ဗုဒ္ဓမြတ်စွာ ပရိနိဗ္ဗာန်မစံမီမှာ ဗုဒ္ဓကိုယ်စား ကိုးကွယ်ဆည်းကပ်ဖို့အတွက်စေတီ ၄ မျိုးကို […]
တရားထူးရခြင်း ဆိုသည်မှာ ဗုဒ္ဓဘာသာဝင်အဖို့ တရားထူးရခြင်းနှင့်ပတ်သက်၍ ဘာသာရေးစကားဝိုင်းများတွင် မကြာခဏဆွေနွေးကြပါသည်။ တရားထူးရန် မည်သည့်အချက်များ ပြည့်စုံရမည်နည်း။ မည့်သို့ ဖြည့်ကျင့်ရမည်နည်း။ ဘုရားလက်ထက်တော်က တရားတစ်ပိုဒ် ကြားနာရုံဖြင့် တရားထူးရခြင်းနှင့် ယခုခေတ် ဘာဝနာ အထပ်ထပ်ပွါးများပြီးမှ တရားထူးရခြင်း ဘာများ ကွာခြားပါသနည်း စသော မေးခွန်းများအပေါ် အမျိုးမျိုး ထင်မြင်ချက် အကြံပြုချက်များ ဖတ်ရှုရပါသည်။ အချို့က တရားတစ်ပိုဒ်နာကြားရယုံဖြင့် တရားထူးရခြင်းသည် ဝိပဿနာအလုပ် မပါဟုလည်း ထင်ကြသူများလည်း တွေ့ရပါသည်။ သို့နှင့် ဆရာတော်ကြီးများ ဟောကြားချက်များကို ဖတ်ရှုလေ့လာကြည့်မိပါသည်။ မိမိဖတ်ရှုမိသမျှ အချက်အလက်များကို လိုရင်းတိုရှင်း တင်ပြသွားပါမည်။ မိုးကုတ်ဆရာတော်ကြီး၏ တစ်ဘဝသာသနာ စာအုပ်တွင် မြတ်စွာဘုရား ကိုယ်တိုင်ဟောကြားသော အင်္ဂုတ္တိုရ် ပါဋ္ဌိတော်အရ သောတာပန်ဖြစ်ရန် အင်္ဂါ ၄ ရပ်နှင့် ညီရမည်ဟု ဆိုထားပါသည်။ […]
တတိယသံဂါယနာတင်ပွဲကျင်းပပြီးတော့ အသောကမင်းကြီး နိုင်ငံရပ်ခြားသို့ သာသနာရောက်ရှိပြန့်ပွါးအောင် ကိုးတိုင်းကိုးဌာနသာသနာပြုစီမံကိန်းကြီးကို အကောင်အထည်ဖော်ခဲ့တယ်။ ကိုးတိုင်းကိုးဌာနထဲမှာ ရှင်သောဏနဲ့ ရှင်ဥတ္တရမထေရ်တို့က သုဝဏ္ဏဘူမိအရပ်ကို သာသနာပြုကြွရကြောင်း အရင်ပြောပြခဲ့တယ်။ သမိုင်းသုတေသီတို့က မြန်မာနိုင်ငံမှာရှိတဲ့ မွန်ပြည်နယ်၊ သထုံဒေသဟာလဲ သုဝဏ္ဏဘူမိထဲမှာ အကျုံးဝင်တယ်လို့ ယူဆပြောဆိုကြတယ်။ ဒီယူဆချက်မှန်တယ်ဆိုရင် အသောကမင်းလက်ထက် (ဘီစီ ၂၃၅) ခန့်က မြန်မာပြည်ကို ဗုဒ္ဓဘာသာ သာသနာရောက်ရှိတယ်လို့ ဆိုနိုင်တယ်။ ဒါပေမဲ့ တချို့က ဘုရားရှင်သက်တော်ထင်ရှားရှိစဉ်ကတည်းက ဘုရားရှင်ကိုယ်တော်တိုင် မြန်မာနိုင်ငံကို ရောက်ဖူးကြောင်း၊ ဒါ့ကြောင့် ဘုရားရှင်အဆုံးအမဖြစ်တဲ့ ဗုဒ္ဓသာသနာဟာ ဘုရားရှင်လက်ထက်ကတည်းက ရောက်ရှိကြောင်း ရေးသားဖော်ပြကြတယ်။ ဒါနဲ့စပ်လို့ သာသနာ့တက္ကသိုလ်ကျောင်းသားဘဝတုန်းက ညနေတိုင်း အညောင်းပြေ တက်ခဲ့တဲ့ မန္တလေးတောင်ကို သတိရမိတယ်။ မန္တလေးမှာနေတုန်း မန္တလေးတောင်ပေါ်တက်ရင် လက်ညှိုးထိုး ရပ်တော်မူဘုရား (ဗျာဒိတ်ပေးဘုရား) ကြီး တွေ့ရလိမ့်မယ်။ ရပ်တော်မူဘုရားဘေးက […]
နိဗ္ဗာန်သို့လျှောက်လှမ်းတဲ့နေရာမှာပဲဖြစ်ဖြစ် အခြားအခြားသို့ လူမှုရေး၊ စီးပွါးရေး၊ နိုင်ငံရေးစတဲ့အရေးတွေကို လုပ်တဲ့အခါမှာပဲဖြစ်ဖြစ် အမြင်မှန်ဘို့ အင်မတန်အရေးကြီးပါတယ်။ အမြင်မှန်မှ အမှန်မြင်နိုင်မှာမို့ပါ။ အမြင်မှန်၊ အမှန်မြင်ကို ပါဠိလို သမ္မာဒိဋ္ဌိ လို့ခေါ်ပါတယ်။ သမ္မာဆိုတာ မှန်ကန်တာ၊ ဒိဋ္ဌိဆိုတာ အမြင်။ နိဗ္ဗာန်သို့သွားရာလမ်းကြောင်းလို့ခေါ်တဲ့ မဂ္ဂင်ရှစ်ပါးထဲမှာ အမှန်မြင်လို့ ခေါ်တဲ့ သမ္မာဒိဋ္ဌိကို ဘုရားရှင်က ပထမဦးဆုံးနေရာမှာထား ဟောကြားခဲ့ပါတယ်။ အရေးအကြီးဆုံး မဂ္ဂင်ဖြစ်လို့ပါ။ လူတစ်ဦးတစ်ယောက်ဟာ ဘယ်အလုပ်မှာပဲဖြစ်ဖြစ် အမှန်မြင်လို့ခေါ်တဲ့ ဒီသမ္မာဒိဋ္ဌိသဘောတရားမရှိရင် ဘာမှ ရှေ့ဆက်လုပ်လို့မရတော့ပါဘူး။ တရားထိုင်လို့လဲ မရတော့ဘူး။ လူမှုရေးလုပ်လို့လဲ မရတော့ဘူး၊ နိုင်ငံရေးလုပ်လို့လဲ မရတော့ပါဘူး။ မှန်ကန်တဲ့အမြင်မရှိဘူး၊ အမြင်မမှန်ဘူးဆိုရင် ဘာကြီးကို လုပ်နေလုပ်နေ အကျိုးရှိသင့်သလောက် မရှိတော့ပါဘူး။ လူတစ်ဦးတစ်ယောက်မှာ မှန်ကန်တဲ့အမြင်မရှိဘူးဆိုရင် မှန်ကန်တဲ့အတွေးအခေါ်လဲ မရှိနိုင်ပါဘူး။ မှန်ကန်တဲ့အတွေးအခေါ်ရှိဘို့အတွက် အမြင်မှန်ရှိဘို့လိုပါတယ်။ မှန်ကန်တဲ့အတွေးအခေါ်ကို ပါဠိလို […]