“သင်္ကြန်ဈေး……………………..”   မတ်လရောက်ပြီဆိုတာနဲ့ အချဉ်ပေါင်းသယ် ထီသယ်တွေဆီက သင်္ကြင်္န်သီချင်းတွေစကြားရပါပြီ။ အေပရယ်လ်လဆန်းပြီဆိုတာနဲ့ သင်္ကြန်အထူးလျော့ဈေးဆိုင်တွေအလျိုလျိုပေါ်လာကြပါပြီ။ အဲဒါကျနော်တို့ရဲ့မန္တလေးမြို့ရဲ့ထုံးတမ်းစဉ်လာဆိုရင်လဲမမှားပါဘူး။ ကျနော်ညနေအလုပ်ကအပြန်ဆိုရင် ၈၄ လမ်းအတိုင်းပြန်လေ့ရှိပါတယ်။ ၃၉လမ်း ကျော်ပြီဆိုတာနဲ့လမ်းတစ်ဖက်တစ်ချက်မှာ”သင်္ကြန်အထူးလျှော့ဈေး”ဆိုတဲ့ အထည်ဆိုင်ကလေးတွေကိုစတွေ့ရပါတော့တယ်။ အရှေ့ဘက်ခြမ်းမှာတော့ အိမ်ထဲမှာအကျအနကိုဖွင့်ထားပြီးအနောက်ဘက်ခြမ်းကတော့ ယာယီဝါးတဲလေးတွေနဲ့ ဆိုင်ဖွင့်ကြတာပါ။ လမ်း၄ဝနဲ့၄၂လမ်းကြားမှာတော့  လမ်းအနောက်ဘက်ခြမ်းမှာ” မိုးနတ်မယ်” ကသူ့ခြံဝန်းကြီးထဲမှာ အတန်းလိုက်ကြီးခင်းထားလိုက်တာများအားရပါးရ။ သူ့နံဘေးမှာလဲ ဆိုင်ကလေးတွေ ရှိနေသလို လမ်းအရှေ့ဘက်တန်းမှာလဲဆို်င်တွေကတန်းစီလို့။ ဝယ်သူတွေကလဲရှိသမျှဆိုင်တိုင်းမှာအုုန်းအုန်းထလို့။ လမ်းဘေးမှာ ကားထိုးရပ်ပြီးရောင်းတဲ့အထည်ဆိုင်၊ ယာယီစင်လေးထိုးပြီးရောင်းတဲ့ဆိုင် ခုံကလေးချပြီးရောင်းတဲ့ဆိုင် ဘယ်ဆိုင်မဆိုရောင်းရတာပါဘဲ။ ဆို်င်တိုင်းမှာ ဝယ်သူတွေအပြည့်နဲ့ပါဘဲ။ ကျနော်တို့ မန္တလေးမှာတော့ သင်္ကြန်ဆိုတာနဲ့ရင်ထဲကိုအပျော်တွေကူးစက်လာသလိုပါဘဲ။ နောက်ဒီလိုသင်္ကြန်ရောက်ခါနီးပြီဆိုတာနဲ့ သင်္ကြန်တွင်းမှာ ဝတ်ဘို့စားဘို့လည်ဘို့အတွက် လုံးပန်းရသလို နှစ်ဆန်းတစ်ရက်နေ့မှာဝတ်ဘို့အတွက်ပါ အဝတ်အစားအသစ်တွေဝယ်ကြပါတယ်။ နောက်ကျနော်တို့မန္တလေးက ပုဂ္ဂလိက လုပ်ငန်းရှင်တွေ ဆို်င်တွေများတော့ အဲဒီဆိုင်တွေမှာအလုပ်လုပ်တဲ့သူတွေလဲများပါတယ်။ ဒီလိုသင်္ကြန်နားနီးရင် ဆိုင်ရှင်တွေက သူတို့ဆိုင်မှာအလုပ်လုပ်တဲ့သူတွေကို သင်္ကြန်မုန့်ဘိုးဆိုပြီး […]