ပန်းချီစကား​ပြောရရင်​ မူလအ​ရောင်​မတူကွဲပြားခြားနားသည်​့ အ​ရောင်​နှစ်​မျိုးကို ​ပေါင်​းစပ်​​ရေးဖွဲ့လိုက်​ရင်​ မူလအစအ​ရောင်​များနှင်​့ကွဲပြားခြားနားသည်​့ အ​ရောင်​သစ်တစ်​မျိုး​ဖြစ်​​ပေါ်လာရသလိုမျိုး မတူညီ​သောဘဝနှစ်​ခု​ပေါင်​းစပ်​ရေးဖွဲ့လိုက်​ရင်​ လုံးဝကွဲပြားခြားနားသည်​့ ဘဝအသစ်​တစ်ခုဖြစ်​လာရ​တော့၏။ ထို့​နေ့က ​ဆောင်​းအကုန်​​နွေအကူး ကံ့​ကော်​​တွေလည်​းဖူး​နေကြသည်​။လက်​ပံပွင်​့တို့သည်​လည်​း အပြာ​ရောင်​မိုး​ကောင်​ကင်​းကြီးကို​နောက်​ခံထားလျက်​​နေမင်​းကိုအံတု ​နေသည်​့အလား ရဲရဲနီနီ ပင်​လုံးကျွတ်​ပွင်​့​ဝေ​နေကြသည်​။ ထို​နေ့က Kenbo 110 ဆိုင်​ကယ်​​လေးတစ်​စီးသည်​ ဘဝနှစ်​ခုကို တင်​​ဆောင်​ကာ စစ်​​တောင်​းမြစ်​​ဘေးက ရွာက​လေးဆီ မငြီးမညူ ထမ်​းပိုးသယ်​​ဆောင်​သွား၏။ ထို​နေ့က ​ကျေးငှက်​သရကာတို့အနက်​ ဥဩငှက်​က​လေးတစ်​​ကောင်​သာ ​တေးဆို၍ အား​ပေး၏။ ထို​နေ့က မိသားစုထမင်​းဝိုင်​တွင်​ တစ်​​ယောက်​​ရော့​နေ​သော​ကြောင်​့ အ​ဖေကအစ အ​မေအဆုံး လက်​​ဆေးဇလုံကို ငြင်းပယ်​ကာ ငူငိုင်​​နေကြသည်​ဆို၏။ ထို​နေ့က ခါတိုင်​းလိုပင်​ ကမ္ဘာတစ်​ဘက်​၌ ​နေသာ​နေ၍ ကျန်​တစ်​ဖက်​၌ ​မှောင်​မိုက်​​နေ၏။ ထို​နေ့က ​လောကရုပ်​ရှင်​ရုံတွင်​ ဓာတ်​မတည့်မှုှုဇာတ်​ကားသစ်​ရုံတင်​​နေ၏။ ထို​နေ့က လက်​တစ်​စုံတို့သည်​ မြဲမြံ​အောင်တွဲချိတ်၍​ အ​မှောင်​ထဲသို့ တိုး​ဝေ့​နေ၏။ ထို​နေ့က အနုပညာရသ​မြောက်​​သော […]