“ကိုကြီးမိုက်နဲ့စွယ်တော်ရွက်တို့ရဲ့ငယ်ဘဝက လမ်းကလေး”     မန်းလေးမြိုတောင်ဘက် တံခွန်တိုင်ဈေးမရောက်ခင် မှာ တမာလမ်းလို့အမည်တွင်တဲ့လမ်းကလေးတစ်ခုရှိပါတယ်။. အဲဒီလမ်းလေးရဲံ့ဘေးတစ်ဖက်တစ်ချက်မှာ တမာပင်တွေတန်းစီလို့နေပါတယ်။ ဒီအပင်တွေက လမ်းကို အုပ်မိုးလို့ထားပါတယ်။ စိမ်းရောင်စိုလွင်လို့ လှပသောလမ်းကလေးတစ်ခုလဲဖြစ်ပါတယ်။ ကျနာ်တို့ရွာသားကြီး ကိုကြီးမိုက်နဲ့စွယ်တော်ရွက်တို့ ငယ်ဘဝက နေ့စဉ်ဖြတ်သန်းရာလမ်းကလေးလဲဖြစ်ပါတယ်။ ပြီးခဲ့တဲ့ရက်က ကျနော် ကျွဲဆည်ကန်ဘက်ကိုသွားရင်း အဲဒီတမာတန်းကို ဖြတ်သွားပါတယ်။ အဲဒါနဲ့ကိုကြီးမိုက်တို့ နှစ်ယောက်ငယ်ဘဝလေးသတိရအောင် ဓါတ်ပုံရိုက်ပြီးတင်ပေးလိုက်ပါတယ်။ မန်းလေးရတနာပုံတက္ကသိုလ်ကို သွားတဲ့ကျောင်းသူားများလဲဖြတ်သန်းသွားရာလမ်းလေးဖြစ်ပါတယ်။ စိန်းလန်းသော ငြိမ်းချမ်းသောလမ်းကလေးပါဘဲ။ ဖြတ်ဘူးသူတိုင်းအမှတ်ရနိုင်ပါစေ.       ကိုပေါက်လက်ဆောင် မြန်မာပြည်မှအလှတရားများ (16-5-2012)    

          “တောင်ပေါ်မြို့ကို တောင်ပေါ်မှ ငုံ့ကြည့်ခြင်း”     တောင်ကြီးမြို့ကို ပထမဆုံးအကြိမ်စရောက်တော့ မြို့အရှေ့ဘက်တောင်အမြင့်ကြီးပေါ်မှာ ရွှေရောင်ဝင်းနေတဲ့စေတီတစ်ဆူကိုတွေ့ရပါတယ်။ ကိုယ့်မြိုသာ ဆိုရင်တော့ မရောက်ရောက်အောင်သွားဖြစ်မယ် ထင်ပါရဲ့။ အခုတော့ အဝေးက သာလွမ်းခဲ့ရပါတယ်။ ဒီတစ်ခေါက်တော့ မြို့ခံမိတ်ဆွေက လိုက်ပို့မယ်ပြောတော့ အတော်ဝမ်းသာသွားပါတယ်။ မြို့အရှေ့မြောက်ဘက်လမ်းကနေ တောင်ပေါ်တက် ရတာ ဝေးလဲဝေး အတော်လဲမတ်စောက်ပါတယ်။ ကားပေါ်ကလှမ်းကြည့်ရတာ အတော်လေးကို လှပတဲ့မြင်ကွင်းတွေတွေ့ရပါတယ်။ ကိုယ်ဘာသာကိုယ်လာတာဆိုရင် ကားရပ်ပြီး ဓါတ်ပုံရိုက်မိမှာအမှန်ပါဘဲ။ တောင်ပေါ်ရောက်တဲ့အခါမှာ အနောက်ဘက်ခြမ်းကို ကြည့်တော့ တောင်ကြီးတစ်မြို့လုံးကို စီးမြင်နေရပါတယ်။ ရွှေဘုန်းပွင့် စေတီရင်ပြင်က တက်ကြည့်တာပါ။ တောင်ကြီးမြို့ကသုံးလိုက်သမျှ ရေတွေကိုသိမ်းပေးထားတဲ့ ကျီးဖြူကန်ကိုလဲ မြင်ရပါတယ်။ အဝေးမှာ မီးခိုးလေးတွေထွက်နေရတာမြင်ရတာကလှတပတ။ လှပသောမြင်ကွင်းလေးများကို မျှဝေပေးလို်က်ပါတယ်။     ကိုပေါက်လက်ဆောင် […]

    5 အနောက်ဘက်တောင်ကုန်းပေါ်က ဖူးမျှော်ရတဲ စေတီ (နံနက်ခင်းလေးက ကြည်နူးစရာ)       “တောင်ကြီးမြို့ရဲ့လန်းဆန်းလတ်ဆတ်တဲ့အလှများ”     ကျွန်တော်တောင်ကြီးမြို့ကို အေပရယ်လနောက်ဆုံးပါတ်မှာ ဒုတိယအကြိမ်မြောက်ရောက်ခဲ့ပြန်ပါတယ်။ ကားဆိုက်တာ မနက်လေးနာရီခွဲလောက်ဆိုက်ပါတယ်။ အဲဒါနဲ့ဘဲတည်းခိုခန်းတန်းသွား ပစ္စည်းတွေချ။ မနက်ငါးနာရီလောက်ရောက်သွားတာနဲ့ မအိပ်တော့ဘဲလမ်းလျောက်ထွက်လာခဲ့ပါတယ်။. တောင်ကြီးမြို့ နံနက်ခင်းမှာ ကျန်းမာရေးလမ်းလျောက်ထွက်သူတွေအတော်လေးများပါတယ်။ မြို့တောင်ဘက်ကို လျှောက်ရင်းနဲ့ စူဠာမုဏိစေတီနားအထီရောက်သွားပါတယ်။ ဒီတစ်ခါတော့ စေတီတော်ရဲ့အရှေ့ဘက်လမ်းကလေးအတိုင်းလျှောက်လာလိုက်ပါတယ်။ နောက်တော့ ဘုရားဖူးပြီး ပြန်ဆင်းလာခဲ့ပါတယ်။ အောက်ဘက်ကားလမ်းမအတိုင်းဆင်းလာရင်းလမ်းခွဲလေးတစ်ခုတွေ့လိုက်တော့ အနောက်ဘက်လမ်းကိုဆက်လျှောက်သွားမိပါတယ်။ ဆက်သွားမှာ လမ်းကလေးက ကျောက်ဆောင်ကြီးနှစ်ခုကြားထဲကိုဝင်သွားပါတယ်။ အဲဒီကျောက်ဆောင်အတွင်းထဲကိုဖြတ်လမ်းလေးအတိုင်းသွားတဲ့အခါမှာတော့ဟိုးအနောက်ဘက်က တောင်ကုန်းပေါ်မှာအိမ်ကလေးတွေအစီအရီ။ အဲဒါနဲ့ဘဲ တောင်ကုန်းလေးပေါ်ကို တက်ပြီးကြည့်လိုက်တော့နံနက်ခင်းနေရောင်အောက်မှာ အလွန်လှပတဲ့မြင်ကွင်းတွေကို တွေ့လိုက်ရပါတယ်။ လမ်းမှာ မူလတန်းကျောင်းလေးတစ်ခုကို တွေ့လို်က်တော့ ဒီကျောင်းမှာနေဘူးတဲ့ရွာသားတွေရှိနေရင်သတိရအောင် လက်ဆော့ခဲ့ပါသေးတယ်။ စိတ်တိုင်းကျဓါတ်ပုံတွေရိုက်ပြန်လာပြီးတဲ့အခါ တည်းခိုခန်းပြန်လာပြီးရေချုးိပါတယ်။ နောက်တည်းခိုးခန်းကနေဆင်းလာရင်း မုန့်စားဘို့ထွက်ခဲ့ပါတယ်. […]

            “ပေးကမ်းလှူ တောင်းဆုယူကြည်နူးရိပ်စွန်းသောအပြန်လမ်း” ……………..ကောက်သင်းကောက် ပန်းတနော် ဇာတ်သိမ်း” ထမင်းအဝအပြဲစားပြီးတဲ့အခါ ကျနော်တို့ အဖွဲ့လမ်းသလားကြပါတယ်။ အဓိကကတော့ ဝင်ပြီးရင်ထွက်ဆိုတဲ့အတိုင်း ကမ္ဘာပေါ်မှာဒုတိယအရေးအကြီးဆုံးအလုပ်ကိုအပြေးအလွားလုပ်ကြပါတယ်။ အဲဒီအချိန်မှာအပြန်အလှန်လက်ဆော့လို့ စနက်ရှော့ကြပါတယ်။ ကျနော်ထမင်းစားပြီးထွက်လာတော့ ဂီ က ခုံတန်းလျားပေါ်မှာမျက်စေ့မှိတ်လို့ ထမင်းလုံးစီနေတာကိုလက်ဆော့။ နောက်တော့ ပန်းခြံကလေးထဲမှာ ဆိုမာလီအုံအုံ က ဓါတ်ပုံအရိုက်ခံနေပါတယ်။ အဲဒါနဲ့ သူ့ကို အမူအယာတွေလုပ်ခိုင်းပြီး နေလှန်းလိုက်ပါတယ်။ အစကတော့ သူလဲအဟုတ်မှတ်လို့ခို်င်းတိုင်းလုပ်ပါတယ်။ ကျနော်တို့အားလုံးကလဲ ဓါတ်ပုံဝိုင်းရိုက်ကြပါတယ်။ နောက်မှသူ့ကို ဝိုင်းကြပ်တာသိပြီး ထွက်ပြေးပါတော့တယ်။ အားလုံးနားနေချိန်မှာကျနော်ရယ် လုလင်ရယ်က ရွာပါတ်ပြီးဓါတ်ပုံရိုက်ဘို့သွားကြပါတယ်။ ကျနော်တို့နဲ့အတူ ဂီဂီလဲလိုက်လာပါတယ်။ အဝေးမှာလှမ်းမြင်နေရတဲ့စိန်ပန်းပင် နီနီရဲရဲလေးဆီကိုဦးတည်လာခဲ့ကြတာပါ။ စိမ်းမြနေတဲ့အုန်းပင်တွေ သစ်ပင်အုံ့အုံ့ဆိုင်းဆိုင်းတွေအောက်က မြေလမ်းကလေးအတိုင်းအရှေ့ဘက် ကိုလျှောက်လာခဲ့ကြပါတယ်။ အတော်လေးသွားမိတော့ စာသင်ကျောင်လေးနံဘေးမှာ တပင်လုံးရဲနေအောင်ပွင့်နေတဲ့စိန်ပန်းပင်။ အပင်ရှေ့က […]

  4လှူဒါန်းဆက်ကပ် “မန်းဂေဇက်ရွာသားများ မမေ့နိုင်တဲ့ မေဒေးနေ့က ထမင်းတစ်နပ်” (ကောင်သင်းကောက်ပန်းတနော် အပိုင်းသုံး) ကျနော်တို့ ဒီခရီးလမ်းမှာ အားလုံးက အလေးထားဆက်ဆံရတဲ့ VIP နှစ်ယောက်ပါလာပါတယ်။ တစ်ယောက်ကတော့ ဂျူနီယာရွာစားကျော်ဖြစ်ပြီး နောက်တစ်ယောက်ကတော့ ဂျုနီယာနိုဗွီ(ဂျုနို)ဖြစ်ပါတယ်။ ကျနော်တို့ စတတ် နောက်တတ်ပါတယ်။ (အစကောင်းလို့ ပြဿနာတက်တာလဲခဏခဏ) ဂျုနိုလေးကို သိသိကြီးနဲ့ “သမီးက မနိုဗွီတူမလေးလား”လို့မေးတော့ ကလေးမက “တူမ မဟုတ်ဘူး ….သမီးပါနော် မယုံရင်ဖေ့ဖေ့ ဓါတ်ပုံတောင်ပြလို့ရသေးတယ်”လို့သွက်သွက်လက်လက်ပြန်ဖြေပါတယ်။ “မနိုက ငါ့ကို အပျိုကြီးလို့ ပြောထားတာ”လို့ကျနော်က ထပ်ပြောတော့ “ဟုတ်လဲဟုတ်ဘဲနဲ့” လို့ပြောပါတယ်။ ဂျုနိုလေးက ကျနော်တို့ရွာထဲကို အမြဲဝင်ပြီးကြည့်ပါသတဲ့။ ကျနော်တို့နာမယ်တွေကိုလည်း ရင်းနှီးလို့နေပါသတဲ့။ “ ဦးတို့ ဆော့နေတဲ့ပုံတွေ သမီးရိုက်ထားတာနော် သနားလို့ မတင်ဘူး”လို့ ပြောတော့ ကျနော်တို့အားလုံးရီကြရပါတယ်။ တယ်လဲစကားတတ်တဲ့ကလေး ။ […]

      “ပျော်ရတဲ့ခရီးနှင့်အဝတီးတဲ့မုန့်ဟင်းငါး” ကားပေါ်ရောက်တာနဲ့ တစ်ယောက်နဲ့တစ်ယောက် အပျော်စွက်တဲ့အသံတွေနဲ့အော်ဟစ်နုတ်ဆက်ကြပါတယ်။ ကားဘီးပေါက်လို့နောက်ကျတာတွေဘာတွေအားလုံးမေ့ ၊ ဘာတွေအခက်အခဲဖြစ်မလဲဆိုတာတွေအားလုံးမေ့၊ မမြင်မတွေ့ဘူးကြသော ဝါသနာတူချစ်မိတ်ဆွေတွေတွေ့တာနဲ့ပြုံးပြကြ ။ ဘယ်သူက ဘယ်သူ ဆိုတာကို မသိသူနဲ့သိသူ တီးတိုးမေးလို့အသိခြင်းဖလှယ်ကြနဲ့ဆိုတော့ မင်္ဂလာနံနက်ခင်းကို ကျက်သရေအလင်းနဲ့ဖွင့်လိုက်တဲ့ နေ့ထူးနေ့မြတ်လေးဆိုရင်လဲမမှားပါဘူး။ ကားရဲ့ဟိုနောက်ဆုံးက ခုံတန်းလျားမှာ ဖရဲမ။ မတွေ့တာတစ်နှစ်နီးပါးကြာတဲ့ မိတ်ဆွေကြီးကိုနေချား။ သူ့ဘေးနားက ခုံမှာ ဝှီးချဲကြီးတွေ့တော့ ကိုယ့်လူကြီးကျန်းမာရေးမှကောင်းရဲ့လားဆိုပြီးစိတ်ပူသွား။ အသေအချာမေးမှ ဒကာမလေးဆူးက သူ့ဖခင် ရှိစဉ်က ခဏလေးဘဲသုံးလိုက်ရတဲ့ ဝှီးချဲကို လှူဘို့ယူလာတာကိုသိရမှ စိတ်အေးသွားပါတယ်။ “ကိုနေချားရေ ခင်ဗျားပါမလားဘူးထင်တာ အခုလို့တွေ့ရတော့ ဝမ်းသာတယ်”လို့ပြောရင်း အပြုံးနဲ့နုတ်ဆက်ပါတယ်။ ဘေးနားမှာတော့ ရွှေတိုက်စိုး နဲ့ရွှေစချုပ် ကိုတွေ့လိုက်ရ။ ကျနော်တို့ရွာမှာတော့ အလိုက်ဖက်ဆုံးပုလုံးလုံးစုံတွဲလေးပါဘဲ။ သဘောကောင်းမနောကောင်း သူတို့နှစ်ယောက်ကြောင့်လဲ အပျော်တွေအဆစ်ထွက်လာပါတယ်။   ရှေ့ပိုင်းမှာတော့ မမ […]

    “ငုဝါပန်းတွေကမြိုင်” ငုနဲ့ပိတောက်က တစ်ချိန်တည်းလိုလိုပွင့်ပေမယ့် ရနံ့မသင်းတော့ ပန်းပိတောက်အောက်မှာအလိုလိုရောက် နေရှာတဲ့ပန်းကလေးက တော့ ငုပန်းလေးတွေပါ။. ကျနော် ငုပန်းပင်ကို တစ်ခါမှမရိုက်ဘူးသေးပါဘူး။ မန်းလေးမှာ ငုပန်းပင်ရှိပေမယ့် အခုတော့ အတော်နည်းသွားပါတယ်။ ဒီတစ်ခါ ရန်ကုန်အရောက်သွားလေရာရာမှာ အဝါလွင်လွင်အလှဆင်တဲ့ငုပန်းပင်တွေကိုတွေ့ပါတယ်။ ကားပေါ်ကဆိုတော့ လှမ်းရိုက်လို့လဲမရ ဆင်းနေလို့လဲမဖြစ် အဲတော့ စိတ်ထဲမှာ မချင့်မရဲနဲ့။ ဒီလောက် ငုဝါချင်တဲ့သူဆိုပြီး လုလင်က ကန်တော်ကြီးထဲလိုက်ပို့ပါတယ်။. စိတ်တိုင်းကျနှက်လိုက်ရသပေါ့။. နောက်ရက် စွယ်တော်ဘုရားဘက်လမ်းလျှောက်ထွက်တော့ လှချက်က ရက်စက်တဲ့ငုဝါဝါတွေကိုမြင်ရတော့ ဘာပြောကောင်းမလဲပေ့ါ။ ကဲ………………………….   ကိုပေါက်လက်ဆောင် မြန်မာပြည်က အလှတရားများ (8-5-2012)    

          “ကောက်သင်းကောက်…………ပန်းတနော်”(အပိုင်းတစ်) (ရွာအလှူသွားရန်ပြင်ဆင်ခြင်းနဲ့ ပန်းတနော်ခရီးအစ)   မန်းဂေဇက်အလှူ ကို ပန်းတနော်မှာသွားလုပ်မယ်ဆိုတော့ ကျနော်လိုက်ချင်ပါတယ်။ အားလုံးကလဲ လိုက်စေချင်ကြတယ်ဆိုတာသိပါတယ်။ “လေးပေါက်လိုက်မှာလားလို့”မေးရင်လိုက်မယ်ဘဲဖြေခဲ့ပါတယ်။ သွားမယ့်နေ့က မေလတစ်ရက်နေ့ မေဒေးနေ့ဖြစ်ပါတယ်။ လိုက်ချင်လွန်းလို့သာလိုက်မယ်ပြောလိုက်တာ သင်္ကြန်နားနီးလေ အလုပ်ကများလေပါဘဲ။ မတ်လကတည်းက စပြင်ဆင်ရတဲ့ ဒီခရီးအတွက်တကယ်ရင်မောပါတယ်။ အလုပ်နဲ့သွားရမယ့်နေရာက တောင်ကြီး အောင်ပန်းဘက်က မသွားမဖြစ်။ သင်္ကြန်တွင်းမှာလဲ ရုံးပိတ်ပေမယ့် အရောင်းအဖွဲ့ရှိတော့ ဘယ်မှသွားမရ။ အဲတော့ သင်္ကြန်ပြီးတာနဲ့ရှမ်းပြည်တောင်ပိုင်းကိုပြေး။ နောက်မန်းလေးကိုပြန်မလာဘဲရန်ကုန်ကိုဆက်သွားပြီး ပန်းတနော်လိုက်ဘို့စီစဉ်ရပါတယ်။ အဲလိုသွားမယ်ဆိုတာကိုလဲ အလုပ်ထဲမှာ ခွင့်တောင်းထားပါတယ်။ ဒါနဲ့ဘဲ 24ရက်နေ့ညကားနဲ့တောင်ကြီးကိုသွား နောက်နေ့မနက်ရောက်တော့အလုပ်တွေလုပ်။ တောင်ကြီးမှာတစ်ညအိပ်။ 27ရက်နေ့အောင်ပန်းကူူး အလုပ်တွေအမြန်လုပ်။ ပြီးတော့ကလောကို သွားရင်း လွိုင်ကော်ဘက်အသွားလမ်းက မြင်းမထိသဘာဝလှိုဏ်ဂူကိုသွား။ 28ရက်နေ့ ပင်းဒယလှိုဏ်ဂူကိုသွား နေ့လည်ပိုင်းအလုပ်တွေဆက်လုပ်။ 29ရက်နေ့ညနေမှာတော့ မိုးထဲလေထဲကနေ […]

    “မထင်မှတ်ဘဲဆုံလိုက်ရတဲ့ ရွှေတိဂုံက ညောင်ရေသွန်းပွဲတော်” ဒီတစ်ခေါက်ရန်ကုန်ရောက်တော့ ညောင်ရေသွန်းပွဲတော်နဲ့ တိုက်ဆိုင်လို့နေပါတယ်။ ဒါပေမယ့်လဲကျနော် လူစည်ကားတဲ့နေရာတွေကို မသွားဖြစ်တာတော့ကြာပါပြီ။ ဖြစ်ချင်တော့ ရွာထဲက မိတ်ဆွေတွေနဲ့ဆုံဘို့ချိန်းကြတော့ ရွှေတိဂုံဘုရားမှာ မနက်ပိုင်းဆုံမယ်ဆိုရင်အဆင်ပြေ တယ်လို့သိရပါတယ်.။ နောက်လုလင်နဲ့ကလဲ ဓါတ်ပုံရိုက်ဘို့ ပြောထားတာရှိတော့ လာမယ်ဆိုပြီး ကတိပေးလိုက်ပါတယ်။. အစကတော့ လူစည်ကားတဲ့နေရာကိုမသွားချင်တဲ့ မဒမ်ပေါက်ကို ထားခဲ့ဘို့စိတ်ကူးပါသေးတယ်။ တကယ်သွားမယ့် မနက်ရောက်တော့ မိုးကလေးကလဲအုံ့လို့ရာသီဥတုကောင်းတော့ မနက် ခြောက်နာရီလောက်မှာ ဆူးလေဘုရားကို အရင်ဖူးလိုက်ကြပါတယ်။ ချိန်းထားတာ က ကိုးနာရီဆိုတော့ စောသေးတာနဲ့ကန်တော်ကြီးထဲဝင် ကြာပန်းခင်းကို လက်ဆော့။ အပြွတ် က လှမ်းခေါ်တော့မှ ကန်တော်ကြီးကထွက်လို့ အရှေ့ဖက်စက်လှေခါးကိုလာခဲ့ပါတယ်။ လှေခါးအတက်မှာ ဇီးဖျော်ရည်တစ်ခွက် ကမ်းပေးတာ သောက်ရတာ လမ်းလျှောက်လာရတဲ့ အမောတောင်ပြေသွားပါတယ် အရသာရှိချက်ကတော့……………….။ နောက်တော့ဓါတ်လှေကားနားကိုသွားတန်းစီ ပြီး ရင်ပြင်တော်ပေါါ်တက်ခဲ့ပါတယ်။ အပေါ်ရောက်တော့ […]

   

7 ပိတောက်ခူးသူ အမှတ်နှစ်            “မေပိတောက်….နဲ့ ရွှေရန်ကုန်”   ဒီနေ့မနက် လမ်းလျောက်ထွက်တော့ ပိတောက်ပန်းရနံ့တွေရနေပါတယ်။ လှမ်းကြည့်လို်က်တော့ ကုန်းကျော်အဆင်းမှာ ပိတောက်တစ်ပင်။ ဓါတ်ပုံရိုက်မယ်ကြည့်တော့ နေနဲ့ပြောင်းပြန်။ ရိုက်ပြန်ရင်လဲ ခပ်မဲမဲဘဲထွက်မှာဆိုတော့လက်မဆော့။ ဆက်သွားရင်း ကုန်းကျော်အနောက်ဘက်အောက်ခြေမှာ ပိတောက်ပင်တွေအများကြီးတွေ့ပါတယ်.။ မွှေးလိုက်တာလဲလွန်ပါရော။ လှမ်းကြည့်တော့ ပိတောက်ချစ်သူတွေက ပိတောက်ခူးနေပါတယ်။ အဲဒါနဲ့ လှမ်းလက်ဆော့။ စွယ်တော်ဘုရားကအပြန်မှာတော့ ပိတောက်ပန်းကိုယ်စီနဲ့ပိတောက်ချစ်သူတွေ တွေ့တော့ ခွင့်တောင်းပြီးဓါတ်ပုံရိုက်. ဒါရန်ကုန်မှာပထမဆုံးပိတောက်ပွင့်ဆိုဘဲ။ ဒီနေ့အလုပ်ကိစ္စနဲ့သွားရာလမ်းတစ်လျောက် ပိတောက်ပွင့်တွေဝေလို့။ ကားပေါ်ကဆိုတာ လက်ဆော့လို့မရ။ ကဲ လှမှလှ လို့ဘဲဆိုချင်ပါတယ်။   ကိုပေါက်လမ်းသလားရင်းလက်ဆော့တော့ရလာတဲ့စနက်ရှော့ (2-5-2012)