သီတဂူဆရာတော်ကြီး ၇၅ နှစ်ပြည့်အတွက် စာပေပန်းကုံး ၁

သည်မှာ ဘုရား၊ သည်တရားပင်
သည်ကား သံဃာ၊ သည်မှာ မိဘ
ဂုဏ်ကိုပြ၍ သည်က ဆရာ
လင်္ကာပန်းစုံ သီကုံးပုံသည်
သီတဂူဆရာတော်ကြီး လက်ရာတည်း။
ငါးပါးအနန္တ ဦးခိုက်ကြသော်
သာသနာရေး ရှေ့က ဦးဆောင်
နိုးကြားတက်ကြွ ဆော်ဩကာဖြင့်
သီတဂူသာသနာပြုအဖွဲ့ကြီး ဖြစ်တည်ခဲ့သည်။
သီတဂူအရေး တို့အရေးဟု
ဝင့်ကြွားဂုဏ်ရောင် ပညာရောင်ဖြင့်
သီတဂူကမ္ဘာ့ဗုဒ္ဓတက္ကသိုလ် ပေါ်ပေါက်ခဲ့သည်။
သာလိမ့်ကျက်သရေ တက်ဖြိုးဝေဟု
စာပေဆော်ဩ ဘုရားဟောနှင့်
ပုတ္တောဝါဒ ဆုံးမစာဖြင့်
ဘာသာအရေး ပြန့်ပွားစေခဲ့သည်။
လူ့ဘောင်သာသစ်၊ တရားချစ်ကြ
တားမြစ်မရ၊ အိုကြရလိမ့်…..
တားမြစ်မရ၊ နာကြရလိမ့်….
တားမြစ်မရ၊ သေကြရလိမ့်….
ဘဝမငြိမ် ခန္ဓာအိမ်ကို
အချိန်နှင့် ဆောက်၊ အပျောက်နှင့်ရှု
အပြုနှင့် ပြင်၊ အလှဆင်လော့
အိုလူသားတို့…. နိုးဆော်ရင်းဖြင့်
ဘာသာ သာသနာ
လူမှု ပညာ၊ ကျန်းမာရေးကို
အစဉ်ကုသိုလ်ပြုဖို့အရေး
သက်တော် ၇၅ နှစ်မှ
နောင် ၁၂ဝ တိုင်စေသော်
သက်တော် တည်တံ့စေဖို့
တပည့်တော် စာပန်းကုံးဖြင့်
လက်ဆယ်ဖြာချီ ထိပ်ဆီအုပ်မိုး
ရှိခိုးပူဇော်လိုက်ပါသည်ဘုရား…..

၁၇.၁.၂၀၁၂ ရက်နေ့ ည ၁ဝ နာရီ ၂ဝ မိနစ်တွင် မနောဖြူလေးခံစားရေးဖွဲ့သီကုံးသည်။

www.sitagustar2020.net တွင်လည်း ပူဇော်ရေးသားတင်ပြထားပြီး ဖြစ်ပါသည်။