ရွာသူားများ စီးပွားဖွံ့ဖြိုး၊ လာဘ်ပွင့်စေရန် အယူတော်မင်္ဂလာရဲ့ ယတြာအခံ

ဒီနည်းလေးကတော့ ဈေးဆိုင်များ – ကုမ္ပဏီများ ၊ မင်းသား ၊ မင်းသမီး ၊ အဆိုတော်များ၊ အစရှိသော လူအများနှင့် ပူးတွဲ ပေါင်းစပ် လုပ်ကိုင်ရသော လုပ်ငန်းများအတွက် အထူးပင် သင့်တော်ပါသည်။ လူများစု ထောက်ခံသော လုပ်ငန်းများဆိုလျှင် ပို၍ပင် ကောင်းမွန် ပြုလုပ်သင့်ပါသည်။ ပြီးတော့ လုပ်ရတာလည်း အလွန်လွယ်ကူပါတယ်။ ငွေကုန်ကြေးကျလည်း အရမ်းမများပါဘူး။ ဒါကြာင့် လုပ်ဖို့ပဲ လိုပါတယ်။

နောက်တစ်ခု ပြောချင်တာက မိမိတို့ ဘဝမှာ အခက်အခဲ တစ်စုံတစ်ရာ ကြုံလာခဲ့ရင် ဒါမှမဟုတ် မိမိတို့ လုပ်သော အလုပ်အကိုင် စီးပွားရေးများ မအောင်မမြင် ဖြစ်နေတယ်ဆိုရင် ကျွန်တော် တင်ပေးထားတဲ့ ယတြာတွေထဲက တစ်နည်းနည်းလောက်ကို လုပ်ကြည့်စေချင်ပါတယ်။ ဘာမှမလုပ်ပဲနဲ့ ဒုက္ခခံနေမယ်၊ ညည်းငြူနေမယ့်အစား တစ်ခုခု လုပ်ပြီး အခက်အခဲတွေက လွတ်မြောက်အောင် ကြိုးစားစေချင်ပါတယ်။

နောက်တစ်ခုက ယတြာတစ်ခုကို ကိုယ်က ယုံယုံကြည်ကြည်နဲ့ ဆောင်ရွက်ကြည့်ပါ။ ပြီးရင် အခြေအနေ တစ်ခုအနေနဲ့ စောင့်ကြည့်ရမယ်။ ကိုယ်ဆောင်ရွက်လိုက်တဲ့ ယတြာက အနည်းဆုံး (၉) ရက်ကနေ (၄၅)ရက်အတွင်း အကျိုးပေးပါတယ်။ (၄၅)ရက် ပြည့်လို့မှ အဆင်မပြေသေးဘူးဆိုရင် နောက်တစ်နည်းနဲ့ ပြောင်းလုပ်ကြည့်ပါ။ အခုတော့ လူတော်တော်များများက ဒီနေ့ ယတြာဆောင်ရွက်တယ်။ နောက်နေ့ မကောင်းဘူးဆိုရင် နောက်ထပ်ယတြာတစ်ခု ထပ်လုပ်တယ်။ အဲလို ဖြစ်နေတယ်။

အခု ကျွန်တော်ပြေပြတဲ့ ယတြာအစီအရင်ကို လုပ်မယ်ဆိုရင် လာဘ်လာဘရွှင်မယ်။ စီးပွားရေးပွင့်လန်းမယ်။ တိုးတက်အောင်မြင်မယ်။ သူတစ်ပါးတို့ရဲ့ အနှောက်အယှက် အတိုက်အခိုက် ကင်းမယ်။ လုပ်ရမှာက မြေအိုးလေးတစ်လုံးနဲ့ ဆောင်ရွက်ရမယ်။ ကျွန်တော်တို့ အတာအိုးလေးဆိုရင် ရပါတယ်။ အဲဒီမြေအိုးလေးထဲ မှာ ကျောက်ရောင်စုံ (၇)မျိုး၊ သံလိုက်တုံးလေးတစ်တုံး၊ ကြေးနီပိုက်ဆံ တစ်ပြားထည့်ရမယ်။ ပြီးရင် နေ့သားအလိုက် အောက်မှာ ဖော်ပြထားတဲ့ နေ့သားအလိုက် ပန်းအိုးထိုးတဲ့ နည်းလေးအတိုင်း ပန်းအိးထိုးရုံပါပဲ။ လွယ်ပါတယ်။ ဒါပေမယ့် ။ လုပ်ကြည့်ပါလို့ တိုက်တွန်းလိုက်ပါတယ်။