နှစ်၁၀ဝပြည့်ပြီဖြစ်တဲ့တရုတ်သမတနိုင်ငံ

ပြီးခဲ့တဲ့တနင်္လာနေ့၊ ကျနော်တို့ရဲ့မြို့တော်ထိုင်ပေ ( Taipei )တွင်၊တရုတ်သမတနိုင်ငံ ( Republic of China ,also known as Taiwan )၏နှစ်၁၀ဝပြည့်အထိမ်းအမှတ်ပျော်ပွဲရွှင်ပွဲနှင့်စစ်ရေးပြပွဲ့များ စည်စည်ကားကားသိုက်သိုက်မြိုက်မြိုက်ကျင်းပခဲ့ပါသည်။

၎င်းပွဲသို့တက်ရောက်လာသောနို င်ငံခြားရောက်တရုတ်(Oversea Chinese )၂၀၀၀ဝကျော်ထဲမှာဗမာပြည်မှအယောက်၆၀ဝကျော်ပါဝင်ကြောင်းသိရှိရပါသည်။

နှစ်ပေါင်း၁၀ဝကျော်တုံးကတရုတ်သမတနိုင်ငံသည်အာရှတွင်ပထမဦးဆုံးသော ဒီမိုဂရေစီနိုင်ငံကြီးဖြစ်ခဲ့ပေမဲ့၊တရုတ်လူမျိုး အများစုမှာနှစ်ပေါင်း၁၀ဝကျော်အတွင်းဒီမိုဂရေစီကိုလုံးဝခံစားခွင့်မရှိခဲ့ပါ၊ လွန်ခဲ့သည့်နှစ်၂ဝမှစ၍ထိုင်ဝမ်ကျွန်းမှာ သာဒီမိုဂရေစီအပြည့်အဝခံစားခွင့်ရှိလာကြသည်။

net ပေါ်မှာဒီလိုဟာသတခုရှိတယ်၊ တရုတ်တွေအများဆုံးနေထိုင်တဲ့အရပ်ဒေသ၄ခုရှိတယ်။

ပထမ-ဟောင်ကောင်မှာနေတဲ့တရုတ်တွေဆိုရင်၊ ဥပဒေကန့်သတ်ထားတာကနေလွဲရင်ဘာမဆိုလုပ်၍ရသည်။

ဒုတိယ-စင်ကာပူမှာနေတဲ့တရုတ်တွေဆိုရင်ဥပဒေဘောင်တွင်း၊ ခွင့်ပြုထားသည်မှလွဲရင်ဘာမှမလုပ်ရဘူး။

တတိယ-ထိုင်ဝမ်မှာနေတဲ့တရုတ်တွေဟာ ဥပဒေဘောင်အတွင်း၊ဘောင်အပြင်အကုန်လုပ်လို့ရတယ်။

စတုတ္ထ-တရုတ်ပြည်မကြီးမှာနေတဲ့တရုတ်တွေဆိုရင် ဥပဒေဘောင်အတွင်းဘောင်အပြင်အကုန်ဘာမှမလုပ်ရဘူး။

တရုတ်သမတနိုင်ငံတည်ပြီးခါစ၊မန်ချူးမင်းဆက်၏လက်ကျန်စစ်အာဏာရှင်များသည် နယ်ချဲ့များ၏ထောက်ခံမှုဖြင့်နှစ်ပေါင်း၂ဝနီးပါးအချင်းချင်းတိုက်ခိုက်သတ်ဖြတ်ခဲ့သည်။

စစ်အာဏာရှင်ကြီးလည်းဟုတ်၊မျိုးချစ်သူရဲကောင်းလည်းဖြစ်တဲ့ခေါင်းဆောင်ကြီး ချန်ကေရှိတ််သည်ကူမင်တန်အစိုးရကိုဦးဆောင်၍တရုတ်ပြည်ကြီးကို united ဖြစ်အောင်လုပ်နိုင်ခဲ့သော်လည်း၊များမကြာခင်တရုတ်ကွန်မြူနစ်၏ ဆူပူသောင်းကျန်းမှုကြောင့်ပြည်တွင်းစစ်ပြန်ဖြစ်လာသည်၊ ကွန်မြူနစ်များကိုအပြီးသတ်သုတ်သင်ပြီးခါနီးအချိန်မှာဖက်ဆစ်ဂျပန်များအလုံးအရင်းနှင့်ကျူးကျော်ဝင်ရောက်လာ၍၊ချန်ကေရှိတ်သည်ကွန်မြူနစ်များနှင့် peace လုပ်လိုက်ရသည်။

ချန်ကေရှိတ်သည်ရှိသမျှအင်အားဖြင်ရှေ့တန်းတွင် ဂျပန်တွေနှင့်စစ်တိုက်နေတဲ့အခါကွန်မြူနစ်များသည်နောက်ကွယ်မှာအင်အားစုစည်းနေသည်။

နဂိုမှညံ့ဖျင်းချည့်နဲ့ချူချာနေတဲ့တရုတ်တွေဟာဂျပန်တွေကို အရှုံးကြီးဘဲရှုံးနေပြီးပင်လယ်ကမ်းခြေတခုလုံးဂျပန်တွေက သိမ်းပိုက်သွားလိုက်တော့သည်။

နောက်ဆုံး US ကလူအင်အားရောငွေအင်အားရောအလုံးအရင်းနှင့် တရုတ်ကိုထောက်ပံကူညီပြီး၊ဖက်ဆစ်ဂျပန်များကို ၁၉၄၅ခုနှစ်တွင်အောင်မြင်စွာတိုက်ထုတ်ခဲ့သည်။

ထို့နောက်၁၉၄၉ခုနှစ်တွင်အင်အားချည့်နဲ့ပြီးလက်ပမ်းကျနေသော ချန်ကေရှိတ်အစိုးရကို၊ကွန်မြူနစ်များကရုရှများ၏ အကူအညီနဲ့ထိုင်ဝမ်ကျွန်းဆီသို့မောင်းထုတ်ခဲ့သည်။

တရုတ်ပြည်ကြီး၏ notorious ခေါင်းဆောင်ဥက္ကဌကြီးမော်စီတုံးသည် ရက်ဆက်ကြမ်းကြုတ်ပြီး၊သူအုပ်ချုပ်တဲ့ကာလတလျှောက်မှာတရုတ်တွေ အချင်းချင်းဖြုတ်ထုတ်သတ်၍သော်၎င်း၊ သူ၏မိုက်ရူးရဲစီမံခန့်ခွဲမှုကြေင့်ငတ်မွတ်ပြီးသေဆုံးသွားသူပေါင်း သန်း၄ဝနီးပါးရှိခဲ့သည်(ဗမာပြည်တပြည်လုံးရဲ့လူဦးရေနီးပါးပေါ့)။အိမ်နီးချင်းနိုင်ငံများစီသို့လည်းသန်းပေါင်းများစွာထွက်ပြေးခဲ့သည်၊ ဗမာပြည်ထဲလည်းများစွာရောက်ခဲ့၏။

ချန်ကေရှိတ်သည်ထိုင်ဝမ်းသို့ထွက်ပြေးပြီးနောက်၊ ၎င်းကျွန်းကိုသေချာကောင်းကောင်းအုပ်ချုပ်ပြီး၊ ကွန်မြူနစ်များစိမ့်ဝင်လာခြင်းမှကာကွယ်ရန်တပြည်လုံးကို martial law ဖြင့်နှစ်ပေါင်း၄ဝနီးပါး အုပ်ချုပ်ခဲ့သည်။ သူ၏သားတော်မောင်သမတဖြစ်လာတဲ့အခါ၊ထက်မြက်ကောင်းမွန်သောစီမံကိန်းများ ချမှတ်၍တမျိုးသားအင်တိုက်အားတိုက်ဖြင့်နိုင်ငံတော်ကိုတည်ဆောက်ခဲ့သည်၊“ အိမ်တိုင်းစက်ရုံဖြစ်ရမည် ”ဆိုသည့် slogan နှင့်စီးပွားရေးတည်ဆောက်ခဲ့ရာ ၁၉၈ဝခုနှစ်နောက်ပိုင်းတွင်ထိုင်ဝမ် တကျွန်းလုံး၏ export earning ဟာ တရုတ်ပြည်မကြီးတခုလုံးထက်သာနေသည်၊

ကမာ္ဘပေါ်မှာforeign exchange reserves သည်လည်း ဂျပန်ပြီးရင်ထိုင်ဝမ်ကဒုတိယအများဆုံးဖြစ်ခဲ့သည်။

တရုတ်ပြည်ခေါင်းဆောင်တွေလည်း ရှက်လည်းရှက်၊ထိုင်ဝမ်းကိုလည်းအရမ်းအားရလာသည်၊

“ထိုင်ဝမ်းကိုအတုယူရမယ်”ဆိုတဲ့ slogan နဲ့သန်းပေါင်၁၁၀ဝရှိတဲ့တရုတ်တွေတမျိုးသားလုံး အင်တိုက်အားတိုက်ဇောက်ချပြီးစီပွားရှာကြတော့သည်၊ ၁၉၈၉ခုနှစ်ဂျွန်လ၄ရက်နေ့ပီကင်းမြို့တော် ထင်အန်မင်း လွင်ပြင်ကျောင်းသားအရေးအခင်း မအောင်မြင်ခဲ့ခြင်းဟာ ၊ပြည်သူတွေစာနာစိတ်မရှိ၍မဟုတ်ပါ၊ တကယ်လည်းတရုတ်တွေငတ်နေတာကြာပြီ၊ ရာစုနှစ်တခုလုံးမငြိမ်မသက်ဖြစ်ခဲ့တာ၊ ခုမှစ၍စားဝတ်နေရေးကောင်းခါစဆိုတော့ မဖျက်ရက်ဘူးလေဗျာ။

ခုတော့တရုတ်ကြိုးစားလို့၊ အပင်ပန်းခံနိုင်လို့၊ အနစ်နာခံနိုင်လို့၊တရုတ်တွေပွလာပြီ ၊ထောင်လာပြီ၊အသံကျယ်လာပြီ၊ လူပါးဝလာပြီ၊ သူ့ကိုဘထွေးခေါ်ချင်တော်ချင်တဲ့ကောင်တွေများလာပြီ၊ တန်းစီနေကြပြီပေါ့ဗျာ။

ဗမာတွေလည်း ထိုင်ဝမ်းမှသော်၎င်း၊ ဘထွေးတရုတ်ယုတ်တွေဆီကသော်၎င်း ၊ကောင်းတဲ့အချက်များကို ယူပြီးကြိုးစားဖို့အချိန်တန်ပါပြီ။