ဒေါ်အောင်ဆန်းစုကြည် Update

မဇ္ဈိမသတင်းဌာန | တနင်္ဂနွေနေ့၊ နိုဝင်ဘာလ ၁၄ ရက် ၂၀၁ဝ ခုနှစ် ၁ဝ နာရီ ၄ရ မိနစ်

mizzima.com မှာတင်ထားတဲ့ ပုံအချို့ကို ဝေမျှလိုက်ပါတယ်။

credit: http://www.irrawaddyblog.com/
အသုဘပို့သွားတဲ့ ဒေါ်အောင်ဆန်းစုကြည်
လူတွေက အများကြီးပဲ၊ ပြည်တွင်က ဂျာနယ်တွေကလည်း လာကြတယ်၊ လူတွေသိပ်တိုးတယ်၊ လက်ခုပ်တွေတီးကြ ဒေါ်စုကျန်းမာပါစေအော်ကြ တခြားမသာ ပို့လာတဲ့သူတွေလဲ
အဲဒီကိုရောက်လာကြတယ်။

ဦးလွင်မိန်းမရဲ့အလောင်းကားကို ကျော်သူမောင်းလာတယ်၊ အလောင်းကားဝင်လာပီး ခဏကြာတော့
ဒေါ်စုကားဝင်လာတယ်၊ လူတွေ ကဝုန်းဆိုအုံခဲသွားတယ်၊ ဒေါ်စု ကားထဲကတော်တော်နဲ့ထွက်မရဘူး
ကာပေးထားတဲ့ အန်အယ်ဒီတွေလဲ မနိုင်မနင်းဖြစ်သွားတယ်။

ကားထဲကထွက်လာတော့ လူတွေဝိုင်းအော်ကြ လက်ခုပ်တီးကြလုပ်တယ်၊ ဒါ နာရေးဖြစ်လို့ အဲလိုတွေမလုပ်ဖို့ စဉ်းကမ်းရှိကြဖို့ ပြောပေမဲ့ မရဘူး။

ဒေါ်စုက အခေါင်းနဲ့ အတူလိုက်သွားပီး မီးစက်ထဲအထိလိုက်ဝင်သွားတယ် တံခါးကိုပိတ်လိုက်တယ်၊ တစ်ချို့လူတွေက အဲဒါဘာလုပ်တာလဲကွ တို့ဘာတို့ အော်ကြတယ်။ တံခါးပိတ်လိုက်တာကိုး အပြင်သံစကာတံခါးပါပိတ်လိုက်တာ မစိုးရိမ်ကြပါနဲ့ ခဏနေပြန်ထွက်လာမှာပါလို့ပြန်အော်ကြတယ်
လူစုက သံတံခါးနားမှာ ကြိတ်ကြိတ်တိုးသွားတယ်၊

ပြန်ထွက်လာတော့ ခုဏကထက်ပိုပီး တိုးခွေ့ကြတယ်၊ ဒေါ်စုကို မနဲ ကာပေးထားကြရတယ်၊ ပီးတော့ကားထဲကိုတစ်ခါထဲပြန်ဝင်သွားတယ်၊ ကားကထွက်သွားပီး လမ်းပေါ်ရောက်ရောက်ချင်း ကိုက်ငါးဆယ်လောက်ဘဲမောင်းရသေးတယ်၊ လမ်းပြန်ပိတ်သွားတယ်၊ ဒေါ်စုကားက ရှေ့တိုးမရ နောက်ဆုတ်မရဖြစ်နေတယ်၊ ဆယ်မိနစ်လောက်အဲနားမှာ ဒီတိုင်းဖြစ်နေတယ်၊ လူတွေက ကားနားကို ပြန်အုံလာကြပြန်တယ်၊ ဒေါ်စုက ကားထဲကနေလူတွေထဲကို လက်ပြန်ပြတယ်။

လူတွေကလက်ခုပ်တွေ ဝိုင်းတီးကြပြန်တယ်၊ ကားကိုဝိုင်းကာထားတဲ့ အန်အယ်ဒီ ဝိုင်းသားတွေကတော့ လမ်းဖယ်ပေးကြပါ၊ နောက်တော့ အိမ်မှာလာကြည့်လဲရပါတယ်လို့ ပြန်အော်ပြောနေရတယ်။

နောက်တော့မှလမ်းနဲနဲရှင်းလို့ရသွားပီး ကားကဖြည်းဖြည်းချင်းပြန်ထွက်သွားရတယ်၊ ပြန်အထွက် လမ်းတစ်လျှောက်လုံးမှာလဲ လူတွေဘယ်က ဘယ်လိုသတင်းရသွားလဲမသိ၊ လမ်းဘေး တစ်ဘက်တစ်ချက်မှာရပ်ပီး လက်ပြနှုတ်ဆက်နေတဲ့လူအုပ်တွေရှိနေပြန်တယ်

တစ်ချို့သုံးသပ်ကြတယ်၊ ရေဝေးကအခြေအနေမျိုးက ဒေါ်စုအတွက်အန်ဒရာယ်ရှိတယ်လို့
ဘယ်သူဘယ်ဝါမှန်း မသိရတဲ့လူမျိုးလဲ အနားအထိကပ်သွားလို့ရတဲ့ အခြေအနေမျိုးရှိနေတာကိုး။

ဒီလိုနေရာမျိုးကို မလာသင့်ဘူးလို့ တစ်ချို့သုံးသပ်ကြတယ်၊ လူတွေကို လုံးဝထိမ်းလို့မရတဲ့ အခြေအနေမျိုး
ဖြစ်လာနိုင်တယ်လေ၊ အသုဘပို့ရောက်လာတဲ့ အခြားကားတွေ လမ်းပိတ်သွားတာတွေ့တယ်၊
ကျေနပ်ဖို့ကောင်းပေမယ့် စိုးရိမ်ရတယ်လို့ သုံးသပ်တဲ့လူလဲရှိတယ်။

13 နာရီ 29 မိနစ် – မြန်မာစံတော်ချိန်
ဒီကနေ့ ဒေါ်အောင်ဆန်းစုကြည်ဝတ်ဆင်မှုက
”ထမီက ချိတ်ထမီဗျ။ စိမ်းပြာရောင်နဲ့ပါ။ အင်္ကျီကလည်း စိမ်းပြာရောင်လေးပါပဲ။ ပန်းကတော့ အနီ၊ အဖြူနဲ့ အဝါ နှင်းဆီပန်းကို ပတ်လည်ပန်ထားတယ်ဗျ”
13 နာရီ 00 မိနစ် – မြန်မာစံတော်ချိန်
ဒေါ်အောင်ဆန်းစုုကြည်၏ ဟောပြောပွဲပြီးဆုုံး
12 နာရီ 58 မိနစ် – မြန်မာစံတော်ချိန်
တိုးပေါက်မလွယ်တဲ့ လူအုပ်ကြီး
ကျမ လုပ်ဖော်ကိုင်ဘက်တွေ၊ ထောင်ထဲက ဒီမိုကရေစီ လုပ်ဖော်ကိုင်ဘက်တွေကို ဂုဏ်ပြုချင်တယ်။ မြန်မြန်လွတ်လာပါစေလို့။

ဒေါ်စုက ဟောပြောပွဲအပြီး သတင်းစာရှင်းလင်းပွဲလုပ်မယ်၊ ၂နာရီမှာ အတွင်းရေးမှူးဦလွင်ရဲ့ ဇနီးအသုဘပို့လိမ့်မယ်။

ကိုကျော်သူဒေါ်အောင်ဆန်းစုကြည်ကိုသွားရောက်ဂါဝရပြုတွေ့ဆုံ၍လက်ဆောင်ပန်းချီကားပေးအပ်
Source:http://www.naytthit.net/

ဒီဗွီဘီကနေ တိုက်ရိုက်ထုတ်လွင့်ချက် http://www.livestation.com/channels/66-democratic-voice-of-burma-burmese

Credit: http://soneseayar.blogspot.com/
ဆုံဆည်းရာ ၁၄ ရက် နိုဝင်ဘာလ ၂၀၁ဝ

နံနက် (၁၁ နာရီ ၄၅) ရွှေဂုံတိုင်လမ်းပေါ်က အမျိုးသားဒီမိုကရေစီအဖွဲ့ချုပ် ရုံးချုပ်နဲ့ ရုံးရှေ့မှာ ဒေါ်အောင်ဆန်းစုကြည် မိန့်ခွန်းပြောမှာကို စောင့်ဆိုင်းနေတဲ့ ပြည်သူလူထု ၁၀၀၀ဝ ကျော်ဖြစ်လာပြီလို့ သိရှိရပါတယ်။

Credit: http://www.irrawaddy.org/bur

ဒေါ်အောင်ဆန်းစုကြည် လူထု ကွန်ရက်ဖွဲ့စည်းမည်

ယမန်နေ့ညက ပြန်လည်လွတ်မြောက်လာပြီးနောက် NLD ဗဟို အလုပ်အမှုဆောင် အစည်းအဝေးတွင် ဒေါ်အောင်ဆန်းစုကြည် က ပထမဆုံး လူထု အသံကို နားထောင်ပြီး လူထုကွန်ရက်တခုဖြစ်ရန် ဖွဲ့စည်းမည်ဖြစ်ကြောင်း၊ တိုင်းရင်းသား အရေးနှင့် ပတ်သက်၍ ဒုတိယ ပင်လုံညီလာခံ ပုံစံမျိုး ညီလာခံတခုဖြစ်လာစေရန် ကြိုးစားမည်ဖြစ်ကြောင်း၊ တပ်မတော် ခေါင်းဆောင်များနှင့် လည်း ဆွေးနွေး သွားမည်ဖြစ်ကြောင်း၊ ပြီးခဲ့သည့် ရွေးကောက်ပွဲကာလ မဲလိမ်၊ မဲခိုး၊ မဲ မသမာမှု များကိုလည်း ဖော်ထုတ်သွားမည်ဟု ပြောဆိုကြောင်း သတင်းရသည်။

ဒေါ်အောင်ဆန်းစုကြည် လုံခြုံရေး အထူးသတိထားရန်လို
၂၀၀၃ ခုနှစ်က ဖြစ်ပွားခဲ့သည့် ဒီပဲယင်း လူသတ်ပွဲကြောင့် ယခုအခါ ဒေါ်အောင်ဆန်းစုကြည်၏ လုံခြုံရေးကို ပိုမိုပြီး အထူး သတိ ထား ရမည်ဖြစ်ကြောင်း NLD ခေါင်းဆောင် တဦးဖြစ်သူ ဦးဝင်းတင်က ဧရာဝတီကို ပြောသည်။

ဒေါ်အောင်ဆန်းစုကြည်မိန့်ခွန်း နားထောင်ရန် လူထုစောင့်ဆိုင်း

ဒေါ်အောင်ဆန်းစုကြည်ကို တွေ့ဆုံရန်လာသည့် လူအုပ်ကြီးနှင့် ကားများမှာ အလွန်များပြားပြီး အုတ်လမ်း၊ လင့်ခ်လမ်းထိပ်အထိ ရောက်ရှိနေကြောင်း၊ လူများသည် ပူပြင်းသည့် နေရောင်အောက် လမ်းမပေါ်တွင် ထီးမဆောင်းဘဲ ငြိမ်သက်စွာ စောင့်ဆိုင်းနေကြောင်း သတင်းရသည်။

NLD ရုံးချုပ်သို့ ဒေါ်အောင်ဆန်းစုကြည် ရောက်

ဒေါ်အောင်ဆန်းစုကြည် NLD ရုံးချုပ်သို့ ရောက်ရှိလာပြီး လူထုကြီးက “ဒေါ်အောင်ဆန်းစုကြည် ကျန်းမာပါစေ” ဟု ကြွေးကြော်၍ လက်ခုပ်တီး ကြိုဆိုကြသည်။ လူထုကြီးမှာ များပြားသည့် အတွက် ရွှေဂုံတိုင် လမ်းမကြီးတလျောက် ကားအသွားအလာ ရပ်ဆိုင်းထားရပြီး NLD အဖွဲ့ဝင်များက လူထုကို နောက်သို့ဆုတ်ပေးရန် မေတ္တာရပ်ခံနေသည်။

ဒေါ်အောင်ဆန်းစုကြည်ကို “ We Love Suu” စာတန်းများကိုင်၍ ကြိုဆို
ဒေါ်အောင်ဆန်းစုကြည် ပြောကြားမည့် မိန့်ခွန်းကို နားထောင်ရန်အတွက် NLDရုံးချုပ်ရှေ့တွင် လူ တထောင် ခန့် လာရောက် စုဝေးနေပြီး “ We Love Su” ဆိုသည့် စာတန်းများကို ကိုင်ဆောင်၍ ကြိုဆိုနေကြကြောင်း၊ ပူပြင်းသည့် နေရောင်အောက်တွင် မြို့နယ်အသီးသီးမှ ထောက်ခံသူများက မိသားစုလိုက်၊ အုပ်စုလိုက် ရောက်ရှိနေပြီဖြစ်ကြောင်း သတင်းရသည်။

ဒေါ်အောင်ဆန်းစုကြည် သည် ယနေ့ နံနက် ၁၁ နာရီ ခန့်၌ နိုင်ငံတကာ သံတမန်များနှင့် တွေ့ဆုံမည်ဖြစ်ပြီး ၁၂ နာရီတွင် NLD ရုံး ချုပ် ၌ လူထုကို ပထမဆုံး မိန့်ခွန်း စပြောမည်ဖြစ်သည်။ ထို့နောက် ပြည်တွင်းပြည်ပ သတင်းစာဆရာများနှင့် သတင်းစာ ရှင်းလင်း ပွဲ လုပ် မည်ဟု သတင်းရသည်။ထို့အပြင် ရွေးကောက်ပွဲတွင် ရှုံးနိမ့်ခဲ့သည့် NDFပါတီအပါအဝင် တခြားပါတီများ တသီးပုဂ္ဂလ လွှတ်တော် ကိုယ်စားလှယ်လောင်းများနှင့် တွေ့ဆုံမည်ဖြစ်သည်။ ယခုအခါ NLD ရုံးချုပ်ရှေ့တွင် လူထု စတင်ရောက်ရှိ နေပြီဟု သိရသည်။ ရန်ကုန်မြို့ ဆင်ခြေဖုန်း ရပ်ကွက်များရှိ ပြည်သူများကလည်း ကားစင်းလုံးဖြင့် လာရောက်ကြကြောင်း သိရသည်။

အခုဟာကတော့ ကိုမိုးသီးဘလော့ကပါ။ http://komoethee.blogspot.com/
လွတ်မြောက်ရေး စောင့်ဆိုင်းနေသော လူထုကြီး အခြေအနေ
တက္ကသိုလ်ရိပ်သာလမ်း တွင် လုံထိန်းကား လေးစီး နေရာယူထားကြောင်း သတင်းရရှိ။

မနက်ပိုင်းကတည်းက လမ်းပလက်ဖောင်း တဖက်စီတွင် အစောင့်စစ်သားများနှင့် ပြည်သူလူထု မျက်နှာချင်း ဆိုင်ရှိနေကြခဲ့ကြသည်။ ယ္ခုကန့်သတ်မြေဘက်သို့ မျက်နှာမူပြီး စောင့်နေသော ပြည်သူလူထုများ တစတစ တိုးပွားလာနေသည်။

”ချက်ချင်းလွတ်” ကြွေးကြော်သံ များကို NLD လူကြီးပိုင်းမှလည်း လက္ခံကြောင်းနှင့် စည်းကမ်းတကျရှိကြရန် သာမေတ္တာရပ်ခံ ကြကြောင်း PAC မှသတင်းရရှိသည်။ ရုံးချိန် လေးနာရီခွဲ ပြည့်ရန်လည်း အချိန်ပိုင်းသာလို တော့သဖြင့် အခြေအနေမှာ အရေးကြီးလာနေကြောင်း သိရသည်။
sources
PAC 16:20 13.11.2010

ချက်ချင်းလွှတ်ကြွေးကြော်သံနှင့် ယ္ခု ဆန္ဒပြနေကြပြီ
ယ္ခုညနေ 14:50 တိုက်ရိုက်ကြားရသော အသံများအရ ဒို့အရေး အသံများဆူညံနေပြီဖြစ်သည်။

ကုက္ကိုင်းလမ်းဆုံ လုံးခြုံရေးကင်းအနီးတွင် ဆန္ဒပြမှုများ ဖြစ်ပွားနေပြီး လက်ခုတ်တီးသူးများနှင့် အားပေးသူများ ပိုမိုများပြားလာသည်။ စတင်ကြွေးကြော်သံမှာ ဒေါ်အောင်ဆန်းစုကြည် ကျန်းမာပါစေဟူ၍ ဖြစ်သည်။ အရှိန်မြင့် အားအားကောင်းလာပြီး ဆက်လက်ကြွေးကြော်သံမှာ ……..
“ဒေါ်အောင်ဆန်းစုကြည်” ”ဒေါ်အောင်ဆန်းစုကြည်’
”ချက်ချင်းလွှတ် ချက်ချင်းလွှတ်”

ကျက်သီးဖျန်းမျှ ကြွေးကြော်သံများ ကြားနေရသော်လည်း ဒေါ်အောာင်ဆန်းစုကြည် လွှတ်မြောက်ရေးမှာ တိတိကျကျ မသိရသေးပါ။ ရုံးချုပ်တွင် ဦးဝင်းတင်၊ ဦးတင်ဦးတို့ လူကြီးများ အစည်းအဝေးထိုင်နေကြ ပါသည်။ ရုံးချိန်လွန်သည့်အထိ ဒေါ်အောင်ဆန်းစုကြည် မလွတ်မြောက်သေးလျှင် ကြေငြာစာတမ်းထုတ်ရန် ပြင်ဆင် နေကြပါသည်။။

ယ္ခု 15:10 ခန့်တွင် တက္ကသိုလ်ရိပ်သာလမ်းသို့ ဦးနိုင်းနိုင်း ရောက်ရှိလာသည်။ နိုင်ငံခြားသားများ သတင်းထောက်များ နှင့်ဆန္ဒပြသူများနှင့် တွေ့ဆုံဆွေးနွေးနေကြောင်း အချိန်နှင့်တပြေးညီ သိရပါသည်။