လူသားစွမ်းအင်နှင့်ငွေ

လူသားသည် ဤကမ္ဘာလောကတွင် အစွမ်းထက်မြက် ဆုံးနှင့် အရာခပ်သိမ်းကို ပြုပြင်ပြောင်းလဲနိုင်ဆုံး ဖြစ်သည်။

တစ်နည်းအားဖြင့်ဆိုရလျှင် လူသားသည် ဤကမ္ဘာလောကတွင် တန်ခိုးရှင်လည်း ဖြစ်ပြီး စကြဝဠာအနန္တကို ခြေချနေသူလည်း ဖြစ်သည်။

သို့ဆိုလျှင် တကယ်လုပ် အဟုတ် ဖြစ်ရမည် ဟူသော ဆောင်ပုဒ်သည်ကြီးပွားအောင်မြင်နည်း လက်တွေ့ပညာရပ်အတွက် ပင်မကြီးပင် မဟုတ်ပါလော….။

ငွေလိုချင်လား-ငွေရမယ်

ရွှေလိုချင်လာ-ရွှေရမယ်

ကားစီးချင်သေးလား-ကားစီးရမယ်

အရာရှိအရာခံနှင့် စိုးမိုးသူဖြစ်ချင်သလား ၊ အရာရှိအရာခံနှင့် စိုးမိုးသူဖြစ်ရမယ်။

လူသည်ကိုယ်တိုင် ဖြစ်ချင်သည်ကို တကယ်လုပ်ပါ၊အဟုတ်ဖြစ်စေရမည်။

ဆရာကြီးရွှေဥဒေါင်း က သူ၏ “အကြံဉာဏ်ဖြင့်ကြီးပွားရေး” စာအုပ်တွင် “လောကီရေး၌ဖြစ်စေ၊ လောကုတ္တရာရေး၌ဖြစ်စေ ထမြောက်အောင်မြင်ခြင်း၏ မူလအခြေခံ ဖြစ်သော စိတ်နေစိတ်ထားသည်ကား ပြင်းစွာသော ဆန္ဒရှခြင်းပင်ဖြစ်၏။ လောက၌ ကြွယ်ဝ ချမ်းသာမှုမှစ၍ မဂ်တရား ၊ ဖိုလ်တရား ကို ရခြင်းတိုင်အောင် ပြင်းစွာသော ဆန္ဒရှခြင်သည်သာလျှင် အခြေခံဖြစ်၏” ဟု ဆိုထားလေသည်။

မှန်သည်။ မြတ်စွာဘုရားရှင်သည် သဗ္ဗညုတ ရွှေဉာဏ်တော်ကို ရရှိခြင်းမှာ ပြင်းစွာသော ဆန္ဒကို အခြေခံပြု၍ ပါရမီတော် ဖြည့်ကျင့်ခြင်းအားဖြင့် ဘုရားအဖြစ်သို့ ရောက်ရှိခံလေသည်။ ပြင်စွာတော ဆန္ဒကို အခြေခံ၍ ဘုရားပင်ဖြစ်သည် ဆိုသည့်နောက် ရွှေငွေ ကား တိုက်တာ အိမ်ခြေနှင့် အရာရှိအရာခံဖြစ်ရေးတို့မှာအပယ်ကမျှတာဖြစ်လေသည်။