တွေး မိ တွေး ရာ (၂)

သတိ….သတိ……၂၀၁၂

ဆ ရာ ကြီး ဦး ထွန်း လွင် web site မှ ကူး ယူ တင် ပြ ပါ သည်။

Link မ ကောင်း သူ များ အတွက် ရည် ရွယ် ၍ Copy and Paste လုပ် ပါ သည်။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

Galactic Crossing ဖြစ်မယ့် ၂၀၁၂

၂၀၁၂ မှာကြုံတွေ့နိုင်တဲ့ ပြဿနာ
၂၀၁၂ မှာ ကမ္ဘာကြီးပျက်တော့မယ်လို့ Dooms Day ရုပ်ရှင်ကားကြီးမှာ ရိုက်ပြထားလို့ လူတွေအများကတော့ ထိတ်လန့် နေကြပါတယ်။ မာယာလူမျိုးတို့ရဲ့ ၂၀၁၂ မှာ ကုန်ဆုံးတော့မယ့် ပက္ခဒိန်ရဲ့အလိုအရ ပြောဆိုနေကြတာဖြစ်ပါတယ်။ ဒါပေမယ့် ခက်တာတစ်ခုကတော့ ၂၀၁၂ မှာ သိပ္ပံအလိုအရကလည်း ဖြစ်လာနိုင်တာတွေကလည်းရှိနေပြီး တိုက်ဆိုင် နေလေတော့ ၂၀၁၂ မှာ ကမ္ဘာကြီးပျက်တော့မယ်ဆိုတဲ့ ပြဿနာဟာ ကာတွန်းရုပ်တွေနဲ့လူတွေနဲ့ရောနေတဲ့ ရုပ်ရှင်ကြည့်ရသလို အားလုံးဟုတ်သလားဆိုတော့လည်း မဟုတ်ပါဘူး။ ဒီလိုဆို အားလုံးမဟုတ်တာတွေလား ဆိုပြန်တော့ လည်း မဟုတ်ပြန်ပေဘူးပေါ့ဗျာ။
သိပ္ပံဆိုင်ရာ နက္ခတ်ပညာရပ်ရဲ့အဆိုအရ ၂၀၁၂ မှာ Galactic Crossing ဖြစ်ပါလိမ့်မယ်တဲ့။ ဆိုလိုတာကတော့ ၂၀၁၂ မှာ နေစကြာဝဠာကြီးဟာ နဂါးငွေ့တန်း(Galaxy)ကိုဖြတ်ပါလိမ့်မယ်တဲ့။ နှစ်ပေါင်း(၆၄)သန်းကြာမှ တစ်ကြိမ်ဖြတ်တဲ့ကိစ္စပါ။ ခက်တာက နောက်ဆုံးဖြတ်ခဲ့တဲ့အချိန်ကစပြီး ဘယ်အချိန်မှာ နှစ်ပေါင်း(၆၄)သန်းပြည့်မှာလည်းဆိုတော့ ၂၀၁၂ မှာပါတဲ့။ ဒီတော့ နေတို့၊ကမ္ဘာတို့အပါအဝင်ဖြစ်နေတဲ့ နေစကြာဝဠာကြီးဟာ နဂါးငွေ့တန်းကိုဖြတ်တော့ ဘာတွေဖြစ်လာနိုင် သလည်း ? ။ ဒါက စိတ်ဝင်စားစရာ မေးခွန်းဖြစ်ပါတယ်။
ဒီမေးခွန်းကိုဖြေဖို့ နဂါးငွေ့တန်းဆိုတာဘယ်လိုဟာမျိုးလည်းဆိုတာ အရင် သိဖို့လိုလာပါတယ်။ သိပ္ပံရဲကအဆိုအရက တော့ နဂါးငွေ့တန်းဆိုတာ ဂြိုဟ်တွေ၊ ကြယ်တွေ၊ ဥက္ကာပျံတွေ၊ Meteoirds, Asteroids တွေ၊ ကော့စမစ်ရောင်ခြည်တွေ၊ အလွန်ထူထပ်စုစည်းနေတဲ့ ကြီးမားလှတဲ့ ဒြဗ်ထုနယ်ပယ်အစုအဝေးကြီးကိုခေါ်တာဖြစ်ပါတယ်။ ဒိတော့ နေစကြာဝဠာကြီး က ဒီနယ်ပယ်ကြီးကိုဖြတ်မယ်ဆိုရင် အများဆုံးဖြစ်လာနိုင်တာတွေကတော့
(၁) ဂြိုဟ်အသစ်တွေ၊ ကြယ်အသစ်တွေ ထပ်တွေ့လာမယ်။
(၂) အခြားဂြိုဟ်တစ်ခုခုနဲ့တိုက်မိခိုက်မိလာနိုင်တယ်။
(၃) နေတို့၊ကမ္ဘာတို့အပေါ်မှာ ဒြဗ်ဆွဲအားတွေ တိုးလာမယ်။
အလွန်အားကောင်းတဲ့အဝေးကြည့်မှန်ပြောင်းတွေတီထွင်လာနိုင်တာရဲ့ကျေးဇူးကြောင့် အခု ၂၀၀၉ အနှောင်းပိုင်းကစပြီး ၂၀၁ဝလက်ရှိကာလအထိ ဂြိုဟ်အသစ်(၅)လုံးကို ၂၀၁ဝ နှစ်အဆန်းပိုင်းက နာဆာအဖွဲ့ကြီးကတွေ့ခဲ့ကြတယ်။ ကမ္ဘထက်ပိုကြီးတဲ့ ဂြိုဟ်အသစ်တွေ၊ အင်္ဂါဂြိုဟ်နဲ့စနေဂြိုဟ်တို့ပေါ်မှာရေရှိတဲ့အထောက်အထားတွေ၊ ကြယ်အသစ်တွေ စတွေ့လာကြပါတယ်။ ၂၀၀၉ အဗနှာင်းပိုင်းမှာလည်း ကမ္ဘာနဲ့အလှမ်းဝေးတဲ အာကာသဟင်းလင်းပြင်မှာ ဂြိုဟ်နှစ်ခု တိုက်မိကြတာကိုလည်း တွေ့မြင်ခဲ့ကြရပါတယ်။
ဒြဗ်ဆွဲအားတွေတိုးလာတာနဲ့ပတ်သက်ပြီး ဖြစ်လာနိုင်တာတွေကတော့ နေမင်းကြီးဟာ ပိုမိုလှုပ်ရှားမှုတွေတိုးလာနိုင်ပြီး၊ ကမ္ဘာကြီးအနေနဲ့ကတော့ အပေါ်ယံကမြေသားလွှာတွေ ပိုမိုလှုပ်ရှားမှုတွေများလာနိုင်တယ်လို့ သိပ္ပံပညာရှင်တွေက ယူဆကြတာဘဲဖြစ်ပါတယ်။ ၂၀၁ဝ နှစ်ဆန်းပိုင်းမှာ နေကနေ စွမ်းအင်တွေအများကြီးထွက်နေတဲ့ နေရာ(၅)နေရာကိ ုတွေ့ခဲ့ကြရပြန်ပါတယ်။ နေရဲ့အပေါ်မှာ ပေါက်ကွဲမှုတွေ၊ ဖြာထွက်မှုတွေနဲ့ နေမင်းကြီးဟာ အခု ၂၀၀၉-၂၀၁ဝ အတွင်းမှာ ထူးထူးခြားခြား လှုပ်ရှားမှုတွေ(Activities)တွေများနေတာကို တွေ့ရှိခဲ့ကြရပါတယ်။ ကမ္ဘာကြီးရဲ့ဖွဲ့စည်းပုံဟာ သိကြတဲ့အတိုင်း အပေါ်ယံအလွှာဆိုတာက လိမ္မော်သီးတစ်လုံးလို အပေါ်ယံအလွှာကအခွံလိုဖြစ်နေလေတော့ ဆွဲအားများ လာရင် ကမ္ဘာရဲ့အပေါ်ကအုပ်ထားတဲ့ မြေသားလွှာ(Plates) တွေဟာ ရွေ့လျားလာနိုင်ပါတယ်။ ဒါဆိုရင် မြေငလျင် လှုပ်ရှားမှုတွေတိုးလာနိုင်ပါတယ်။ အဲဒီမှာ လှုပ်တဲ့ငလျင်ဟာ ပင်လယ်ရေအောင်ငလျင်(maritime earthquake)တွေ ဖြစ်နေမယ်ဆိုရင်တော့ ဆူနာမီလိုရေလွှမ်းမိုးမှုတွေကလည်း ဖြစ်လာပါတော့မယ်။ ဒြဗ်ဆွဲအားတိုးလာမှုကြောင့် နောက်ထပ်ဖြစ်လာနိုင်တာတစ်ခုကတော့ ကမ္ဘာ့သံလိုက်ဝင်ရိုးစွန်းတွေ ရွေ့လျှား (Pole Shift)လာနိုင်တာပါဘဲ။ ကမ္ဘာကြီးရဲ့အတိတ်သမိုင်းမှာ သံလိုက်ဝင်ရိုးစွန်းတွေ ရွေ့လျှားခဲ့ဘူးတဲ့သမိုင်းတွေရှိခဲ့ဘူးပါတယ်။ ကမ္ဘာ့သံလိုက် မြောက်ဝင်ရိုးစွန်းဟာ လက်ရှိမှာ ကနေဒါနိုင်ငံရဲ့ Baffin Bay ထဲမှာတည်ရျိနေပါတယ်။ အဲဒီဝင်ရိုးစွန်းဟာ အရှေ့ဖက်ကို တစ်နှစ်(၄၀)ကီလိုမီတာနှုန်းလောက်နဲ့တဖြည်းဖြည်းချင်းရွေ့နေပါတယ်။ ဆယ်စုနှစ်အတန်ကြာရင် အာရှတိုက်အလယ်မှာ ရှိတဲ့ ဆိုက်ဘေးရီးယားကုန်းမြေ(Siberian Land) ဆီကိုရောက်လာလိမ့်မယ်လို သိပ္ပံပညာရှင်များကတွက်ဆ ထားကြ ပါတယ်။ နောက်ဆယ်စုနှစ်အတော်အတန်ကြာတဲ့အခါမှာတော့ ကမ္ဘာ့သံလိုက်မြောက်ဝင်ရိုးစွန်းဟာ ပစိဖိတ်သမုဒ္ဒယာရဲ့ အလယ် အီကွေတာရပ်ဝန်းမှာတည်ရှိနေတဲ့ ဖီဂျီကျွန်းကိုရောက်ရှိသွားပါလိမ့်မယ်လို့ဆိုပါတယ်။ ဒါဆိုရင်တော့ သံလိုက်မြောက်ဝင်ရိုးစွန်းဟာ ကမ္ဘာ့ပထဝီဝင်မြောက်ဝင်ရီုးစွန်းအရပ်ကနေ အီကွေတာအရပ်ဆီကို ပြောင်းရွှေ့သွားတာ ဖြစ်လို့ ကမ္ဘာကြီးပေါ်မှာ ပြဿနာတွေအများကြီးရှုတ်ထွေးလာနိုင်ပါတယ်။ ပထမဆုံးဖြစ်လာမှာကတော့ ကမ္ဘာ့သံလိုက် စက်ကွင်းအားလမ်းတွေအပြောင်းအရွှေ့တွေဖြစ်လာကြပြီး၊ သဘာဝချင်း ဆန့်ကျင်ဖက်ဖြစ်ကြတဲ့ သံလိုက်မြောင်ဝင်ရိုး အားလမ်းကြောင်းတွေနဲ့ တောင်ဝင်ရိုးအားလမ်းကြောင်းတွေ ရောထွေးကုန်ကြမှာဖြစ်ပါတယ်။ အားလမ်းကြောင်း လားရာဆန့်ကျင်ဖက်ဖြစ်ကြတဲ့ တောင်ဝင်ရိုးအားလမ်းတွေနဲ့ မြောက်ဝင်ရိုးအားလမ်းကြောင်းတွေရောထွေးကုန်လို့ ထိပ်တိုက်ဆန့်ကျင်ဖက်သက်ရောက်မှုတွေဖြစ်လာရင် တစ်ခုကိုတစ်ခု ချေဖျက်ကုန်ကြပြီး၊ တစ်ချိန်မှာ ကမ္ဘာ့သံလိုက် စက်တွင်းကြီးဟာ သုညစက်ကွင်းပြင်းအား(Zero Magnetic Field) ဖြစ်သွားပါ လိမ့်မယ်။ အဲဒါဆိုရင်တော့ ငမ္ဘာကြီးဟာ ဒုက္ခတွေပင်လယ်ဝေကုန်တော့မှာဖြစ်ပါတယ်။ ဘာပြုလို့လည်းဆိုတော့ ကမ္ဘာ့သံလိုက်အားလမ်းတွေဟာ ကမ္ဘာကြီးကို နေရောင်ခြည်ထဲမျာပါလာတဲ့ စွမ်းအင်မြင့်ရောင်ခြည်လှိုင်းတွေစြ်တဲ့ ခရမ်းလွန်ရောင်ခြည်၊ အနီအောက်ရောသ်ခြည်၊ X ရောင်ခြည်၊ ဂါမာရောင်ခြည် စတဲ့ပြင်းထန်ပြီးလူတွေကို အန္တရာယ် ပေးနိုင်တဲ့ရောင်ခြည်တွေ ကမ္ဘာပေါ်ကိုမကျရောက် နိုင်အောင်အကာအကွယ်ပေးထားလို့ဖြစ်ပါတယ်။ အကြောင်းကတော့ နေရောင်ခြည်ထဲမျောရောပါလာတဲ့ စွမ်းအင်မြင့် ရောင်ခြည်တွေဟာ လျပ်စစ်သံလိုက်လှိုှုင်းတွေဖြစ်ကြလို့ ကမ္ဘာဆီကိုဝင်လာရာမှာ ကမ္ဘာ့သံလိုက်အားလမ်းတွေနဲ့ အပြန်အလှန်အကျိုးသက်ရောက်မှု(Interaction)တွေဖြစ်ကုန်ကြပြီး ကမ္ဘာမှဝေးရာလမ်းကြောင်းကို ကမ္ဘာ့သံလိုက် အားလမ်းတွေက လမ်းကြောင်းလွှဲပေးလိုက်ကြတာဖြစ်ပါတယ်။ တကယ်လို့သာ ကမ္ဘာ့သံလိုက်ဝင်ရိုးစွန်းတွေရွေ့ကုန်လို့ ကမ္ဘာ့သံလိုက်အားလမ်းတွေပျောက်ကွယ်သွားကြမယ်ဆိုရင် စွမ်းအားမြင့်ရောင်ခြည်တွေဟာ ကမ္ဘာပေါ်ကို အဆီးအတားမဲ့ ဝင်ရောက်လာကြတော့မှာဖြစ်ပါတယ်။ ဒါဆိုရင်တော့ လူသားတွေအ ပါ် မှာ ထိခိုက်မှုတွေရှိလာတော့မျာဖြစ်ပါတယ်။ ဒးါတွေကတော့ (၁) အရေပြားကင်ဆာရောဂါ၊ (၂) မျက်စိအမြင်အာရုံ ပျက်ပြားစေသောရောဂါ နဲ့ (၃) သားသမီး မရနိုင်တော့တဲ့ရောဂါ စတာတွေဘဲဖြစ်ပါတယ်။ ကမ္ဘာ့သံလိုက်စက်ကွင်း ပျက်ပြားသွားမှုကြောင့် နောက်ထပ်အရေးကြီးတဲ့ ဖြစ်လာနိုင်တာတစ်ခုကတော့ လျပ်စစ်သံလိုက်လှိုင်းတွေကို အသုံးပြု နေကြရတဲ့ ကမ္ဘာ့ဆက်သွယ်ရေးစံနစ်တွေအားလုံး ပျက်ပြားသွားနိုင်တာဖြစ်ပါတယ်။ ကောင်းကင်ဆက်သွယ်ရေးစံနစ်တွေ ပျက်ပြားသွားတာနဲ့ ဂြိုဟ်တုဆက်သွယ်ရေး စံနစ်တွေ၊ အသံလွှင့်ဆက်သွယ်ရေးစံနစ်တွေ လေယာဉ်ပျံသန်းမှုတွေ၊ တယ်လိဖုန်းဆက်သွယ်မှုတွေ၊ အသံလွှင့် လုပ်ငန်းတွေ၊ အင်တာနက်စံနစ်တွေ၊ အားလုံးပျက်စီးသွားပါလိမ့်မယ်။ ဒါတွေ ကတော့ ၂၀၁၂ မှာဖြစ်တော့မယ့် Galactic Crossing ကြောင့် ဖြစ်လာနိုင်တဲ့ သိပ္ပံပညာရှင်များတွေးပူနေကြတဲ့ ၂၀၁၂ ပြဿနာတွေဘဲဖြစ်ပါ တယ်။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

လူ တိုင်း သိ ရင် ပို ကောင်း လို့  တင် ပြ တာ ပါ။

ကိုင်း  ……တ ကယ် ဖြစ် လာ ရင် ဘယ် လို လုပ် ကြ မ လဲ?…….