သင့်ဘဝတွက်စကားစုတွေ

ဘဝ ဆိုတာ လေနဲ့ လှိုင်းတို့ သယ်ဆောင်ရာကို မျောချင်ရာ မျောနေတဲ့ ရေပြင်ပေါ်က ရွက်လှေမဟုတ်၊ တိကျတဲ့ ရည်မှန်းဦးတည်ချက် တစ်ခုတည်းကို အရှိန်ဟုန်နဲ့ ခုတ်မောင်းနေတဲ့ သံလမ်းပေါ်က ရထားတစ်စီး။ # ကျွန်ုပ်တို့ အတွက် အဓိက လိုအပ်ချက် နှစ်ခုရှိတယ်။ တစ်ခုက ခြေချစရာ သံလမ်းတစ်ခု၊ နောက်တစ်ခုက ခရီးအတွက် လိုအပ်တဲ့ လောင်စာ။ # တစ်ခါတစ်ရံမှာ သာယာစိုပြေတဲ့ တောအုပ်တွေကို ဖြတ်သန်းရသလို တစ်ခါတစ်ရံမှာ ခါးသီး ခြောက်သွေ့တဲ့ ကန္ဒာရတွေကိုလည်း ဖြစ်သန်းရမယ်။ ဒါပေမယ့် စိုပြေနေချိန်မို့ ခဏနားနေလို့ မရသလို၊ ခါးသီးနေချိန်တွေကို မြန်မြန်ကျော်လွန်လို့မရဘူး။ ကြုံတွေ့ရသမျှ ကောင်းခြင်း ဆိုးခြင်းတို့ကို သင်ခန်းစာယူရင်း နဲ့ နောက်ဆုံး ရည်မှန်းချက် မရောက်မချင်း မှန်မှန် ခုတ်မောင်းရမှာပဲ။ # အခက်အခဲနဲ့ ရှုံးနိမ့်မှုဆိုတာ ခရီးရောက်ချင်တဲ့ ရထားအတွက်တော့ ဇလီဖာတုံးတွေ။ # သင် ဆက်ပြီးတော့ ရှေ့မတိုးတော့လျှင် ဖြစ်ပေါ်လာမယ့် ဆုံးရှုံးမှုကို ရှောင်ရှားနိုင်ပါ၏။ တစ်ချိန်တည်းမှာပင် အောင်မြင်မှု ကိုလည်း ရှောင်ရှားပြီးသား ဖြစ်နေလိမ့်မည်။ # မနက်ဖြန်သွားရမယ့် ခရီးအတွက် တွေးပြီး မပူပါနဲ့။ ယနေ့ ခရီးကိုပဲ ရောက်အောင်သွားလိုက်ပါ။ ကံကြမ္မာက ကိုယ့်ဘက်က ရပ်တည် လာပါလိမ့်မယ်။ # သင့်ပန်းတိုင်သို့ ချီတက်ရေး ကိစ္စကို ပျက်ဆီးစေနိုင်သော အရာကား သင့်ကိုသင် မယုံကြည်ခြင်း ဖြစ်၏။ # ကောင်းသည်ဖြစ်စေ၊ ဆိုးသည်ဖြစ်စေ လိုအပ်တဲ့အချိန်တစ်ခုကို စောင့်ကြည့်ပါ။ မကြာမီ အကောင်းဆုံးတွေ သင့်ထံ ရောက်လာတော့မယ် ဆိုတာသိပါ။ # လမ်းတစ်ဝက်နှင့် ဘယ်တော့မှ မရပ်ပါနှင့်။ # ဖြတ်သန်းခဲ့ပြီးတဲ့ ခရီးတွေကလည်း သိပ်အရေးကြီးတယ်၊ မနေ့က လုပ်ခဲ့တာတွေအားလုံးက ဒီနေ့မှာ သမိုင်းပဲ။ သမိုင်းမှာ အမဲစက် တစ်စက်ထင်သွားရင် တစ်ဘဝလုံး စိုးမိုးသွားရော။ # နှေးချင်နှေးပါစေ၊ ဖြေးဖြေးပဲ ဆက်သွားပါ။ ခရီးရောက်ဖို့ဆိုတာ နှေးတာ၊မြန်တာ ထက်၊ ရပ်မနေဖို့ပဲလိုတယ်။ # တစ်ယောက်ဆင်း၊ တစ်ယောက်တက် လူပေါင်းစုံနဲ့ ပက်သက်ရလိမ့်မယ်။ ခဏပဲ ရပ်ပေးပါ၊ တစ်စုံတစ်ယောက်ကြောင့် တစ်နေရာတည်းမှာ ထာဝရ မရပ်မိပါစေနဲ့။ # ငွေကို အရေးထားသူကို ငွေနဲ့ဆက်ဆံ။ မေတ္တာကို တန်ဖိုးထားတဲ့သူကို စေတနာနဲ့ဆက်ဆံ။ # လမ်းမှန်အတိုင်း ဖြောင့်ဖြောင့်တန်းတန်း တည့်တည့်သွား။ မှန်မှန်ကန်ကန်ဖြင့် ကိုယ့်လမ်းကိုယ်သွားနေချိန်မှာ ရှေ့က လာပိတ်ရပ်ရင်တော့ နင်းပစ်လိုက်။ သေသွားရင်တောင် ရထားမှာ အပြစ်မရှိဘူး။ # ခရီးဆုံးပန်းတိုင်ကို ရောက်ချင်တဲ့စိတ်သာ တကယ်ရှိပါစေ။ မုချရောက်ပါလိမ့်မည်။ # အတက်၊ အဆင်းတွေကို ဂရုစိုက်ပါ။ အတက်မှာ နှေးပြီး အဆင်းမှာ မြန်တာက လောကဓမ္မတာပဲ၊ အတက်မြန်အောင်ထက် အဆင်းမှာ အကျနာပြီး တစ်စစီ ပြုတ်မထွက်ဖို့ ပိုအရေးကြီးတယ်။ # ရထားတို့ ကံကြမ္မာသည် ခေါင်းတွဲနှင့် လမ်းကြောင်းပေါ်တွင် မူတည်သလို၊ လူတစ်ယောက်၏ ကံကြမ္မာသည်လည်း ခေါင်းသုံးမှုနှင့် ရွေးချယ်ခဲ့သော လမ်းကြောင်းပေါ်တွင် မူတည်သည်။ # လှပမှုရယ်၊ ဉာဏ်ပညာရယ်ဆိုတာ ဘယ်တော့မှ အတူတွဲနေရိုး မရှိဘူး၊ လှပမှုတွေကို သတိထားပါ၊ ဉာဏ်ကို လွှာသုံးပါ။ # တစ်ကြိမ်မှာ ရည်မှန်းချက် တစ်ခုတည်းကိုသာ ဦးတည်ပါ။ # မိမိ၏ လုပ်ရက်တစ်ခုက ရည်မှန်းထားတဲ့ ခရီးဆုံးကို ဦးတည်ချက် ပြောင်းစေနိုင်တယ်လို့ ယုံကြည်လျှင် လျှော့လုပ်ပါ။ အထောက်အကူပြုသည်ဟု ယုံကြည်လျှင် တိုးလုပ်ပါ။ # အသံပေးရမယ့်နေရာ ရောက်မှ အသံထွက်ပါ။ ဘာသံမှ မထွက်ရမယ့်အချိန်တွေ အများကြီးရှိတယ်ဆိုတာကို သတိရပါ။ # သင့်ဘဝခရီးကို တခြားတစ်ယောက်နှင့် မနှိုင်းယှဉ်ပါနှင့်။ အချိန်တိုင်းက သင့်ခရီး တိုးတက်မှုအတွက်သာ ဖြစ်ပါစေ။ # ဘာကိုဦးတည်ပြီး ဘယ်ကိုခရီးဆက်နေမှန်း ကိုယ့်ကိုယ်ကို မသိတဲ့လူတစ်ယောက်အတွက် ရာသီဥတု ဘယ်လောက် သာယာသာယာ၊ လမ်းတွေ ဘယ်လောက် ကောင်းကောင်း အကျိုးမပြုနိုင်ဘူး။