ပက်လက်မျောတဲ့ .. အရုဏ်ချိန်
SawAungတစ်ချက်….နှစ်ချက်…..သုံးချက်…..
အချက်ပေးသံမပြဘဲ ပေါက်ကွဲတဲ့အသံ မကြားနိုင်တဲ့ ငါတို့ရဲ့အနီးဆုံးတစ်နေရာက…..
တစ်ဖြည်းဖြည်းတုံးလာတဲ့ ငါတို့ဦးနှောက်တွေနဲ့….
ညနေစောင်းရင်အိမ်ကိုပြန်တဲ့ခြေလှမ်းတွေက ယိုင်နဲ့နဲ့ဖြစ်နေတုန်း…
အိမ်အပြန်ကို မေမေစောင့်နေရောပေါ့ ညတွေတိုင်း.(ညတိုင်းညတိုင်း)မှာ
မလင်းတဲ့ငါတို့နေရာကနေ မှောင်နေတဲ့မြို့ပြကိုငေးမောကြည့်နေမိပါရဲ့
ဟိုးအဝေးမှာတရွေ့ရွှေ့နဲ့ လာနေတဲ့ခြေလှမ်းတွေ သူတို့တွေအခုထိ(ခုချိန်ထိ)အိမ်ပြန်မရောက်သေးဘူး။
တွေးရင်း(ငေးရင်း)….တွေးရင်း(ငေးရင်း) သက်ပြင်းအကြိမ်ကြိမ်ချမိတယ် မေမေ….
လောကမှာဘာအရေးကြီးဆုံးလဲ မမေးနဲ့…………..
တစ်……….ပိုက်ဆံ
နှစ်………..ငွေ
သုံး………..လိုနေတာဒိုးပြားတွေပဲ(ရက်ပါလိုလိုက်မဆိုပါနဲ့)
ဘဝတစ်ခုနဲ့တစ်ခုအရင်းတည်ခဲ့တဲ့နေ့တွေ…ရက်တွေ…ညတွေ
အိုကွယ်….မျက်ရည်နွံထဲဖြစ်ဖြစ်…တံတွေးခွက်ထဲဖြစ်ဖြစ် ပက်လက်မျောစရာရှိတာသာမျော
မေမေ……ကျန်းမာပါစေ အမြဲတမ်းဆုတောင်းအသံ ကောင်းကင်ထက်မှာလွင့်ပျံလို့
ဒါပေမယ့် မြေပြင်ကခြေလှမ်းတွေက
ကလေးတွေကစားတဲ့စက်ဘီးတာယာလိုပါပဲ(ဦးတည်ရာပျောက်နေတယ်)
ကလေးတွေကစားတဲ့စက်ဘီးတာယာလိုပါပဲ(ဦးတည်ရာပျောက်နေတယ်)
ယိုင်နဲ့နဲ့ ထိမ်းရင်းကျောင်းရင်း မြို့ပျက်ထဲမှာဖက်တွယ်နေတဲ့ သူဖုန်းစားတစ်ယောက်လို
အမှောင်ကြားက အလင်းစက်ကိုရှာဆဲပဲ မေမေ……..။
မေမေ….ပြောခဲ့တယ် လောကမှာဘာအရေးကြီးဆုံးလဲ….
တစ်……စာနာမှု…
နှစ်…….စာနာမှု…
သုံး…….စာနာမှု…
အို….မေမေရယ်…. အားလုံးဟာ…သားတို့ငယ်ငယ်တုန်းက ရှာခဲ့တဲ့ မြောင်းထဲကဖန်ဂေါ်လီလိုပါပဲ
ရှိမလားလို့ မြောင်းထဲကိုဟိုစမ်းဒီစမ်းပေါ့ နောက်ဆုံးတော့ မြောင်းပုပ်နံ့က လက်ထဲကိုပဲစွဲကပ်လာတယ်
ဒီလိုနဲ့ ……… ဒီလိုနဲ့ (ဒီလိုနဲ့…………….ပဲ)
သားးးးးးးးးးးးးးလမ်းလျှောက်ရင်း…….လမ်းလျှောက်ရင်း………….
နေမထွက်လာတဲ့ အရုဏ်တက်ချိန်မှာ…..အမှောင်ထဲကနေ အမှောင်ကိုလှမ်းကြည့်လိုက်တယ် မေမေ……။
xxxxxxxxxxxxxxxxxxxxxxxxxxxxxx
ရင်နှင့်ရင်း၍
အောင်မိုးသူ
7 comments
Alinsett @ Maung Thura
May 7, 2015 at 11:45 am
အမှောင်ထဲကနေ အမှောင်ကို စောင့်ကြည့်တော့…. အမှောင်ကို တွေ့မှာပေါ့…နော်..
.တော်သေးတယ်…
ဘာမှ မမြင်ရတာထက်စာရင် အမှောင်ကို မြင်ရသေးတယ်…
Alincho
May 7, 2015 at 1:07 pm
ယိုင်နဲ့နဲ့ ထိမ်းရင်းကျောင်းရင်း မြို့ပျက်ထဲမှာဖက်တွယ်နေတဲ့ သူဖုန်းစားတစ်ယောက်လို
အမှောင်ကြားက အလင်းစက်ကိုရှာဆဲပဲ မေမေ……..။
.တော်သေးအလင်းချိုကိုမရှာလို့…
.စတာနော်အစ်ကိုတကယ်ပြောတာ:-):_)
.အားပေးသွားပါတယ်.
Alinsett @ Maung Thura
May 7, 2015 at 1:19 pm
အလင်းချိ ု ကို မရှာပေမယ့် …အနော့်ကို များ ရှာသလားလို့…
:k:
အောင် မိုးသူ
May 7, 2015 at 2:08 pm
ဒညင်းဝက်ကိုတော့ ရှာစရာလား………။
Alinsett @ Maung Thura
May 7, 2015 at 2:12 pm
လျှာဆရာက..အနော် မဟုတ်ဖူး.. ဦးကြောင်ကြီး..
အောင် မိုးသူ
May 7, 2015 at 3:16 pm
အူးကြောင်က လျှာဆရာလားးးးးးးးးးးးးး ငိငိ
naywoon ni
May 8, 2015 at 9:52 pm
အရေးကြီးတာက နှာခေါင်းဖော်ပြီးနေတတ်ဖို့ပဲ
ဟုတ်ကဲ့ နှာခေါင်းဖော်ထားပါ့မယ် ။ အထက်ကလူတွေ လေမလည်ကြပါနဲ့ ကျေးဇူးပြုပြီး 🙂